توكيل الرينو أحسن من توكيلات كتير ، ممكن تستغرب لو عرفت إن فئات عربيات عاليه جدا وماركات محترمه لكن توكيلاتها مش على نفس المستوى ودا عن تجارب شخصيه من غير ما نجرح فى حد + ما فيش توكيل مالوش أخطاء لأن مافيش بشر مش بيغلطوا وكمان إحنا ماعندناش فى مصر ثقافة الجوده ، لكن وجود منتدى زى ده خاص باللوجان ميزه كبيره لأنك بتعرف المشاكل أو بأول وتقدر تستفسر عن حلولها ، أما فى حالات تانيه ممكن المشاكل ما تتعرفش أصلا ودى تبقى الكارثه ، وخد بالك حضرتك إن الأخطاء دايما مشهوره لأننا كلنا بنتكلم عنها أما المزايا غالبا مغموره لأنى أنا شخصيا لو رحت التوكيل وعملولى كل حاجه صح الصح ممكن هأعتبر إن دا حقى الطبيعى إللى أنا بأدفع زياده عشانه ، وآخد عربيتى وأمشى من غير ما أنشغل إنى أنشرلهم شكر على الموقع ، توكل على الله واشترى وكل أعضاء المنتدى معاك خطوه بخطوه ، بس أنت اسأل وعشرين واحد هيجاوب .
المفضلات