انا رايح الاسبو القادم لعمل صيانة ال 5000 كم و عندى ملاحظات برده - ربنا يستر و يعدى اليوم ده علي خير
عرض للطباعة
انا رايح الاسبو القادم لعمل صيانة ال 5000 كم و عندى ملاحظات برده - ربنا يستر و يعدى اليوم ده علي خير
ان شاء الله حتلاقى معامله تانيه خالص المره دية زى ماحصل معايا قبل كده
مهندس عمرو ابو الفتوح راجل محترم وان شاء الله كله يتم على خير
طاب بص يا تامر اخليك معايا في النصايح اللي هقولهالك ومتزعلش نفسك لان العربية كويسة ان شاء الله وهتتبسط بيها مع الوقت بس طبعا الكمال لله وحده انا عامل لحد دلوقتي حوالي 35 الف كيلو بص يا باشا اوقات الحر الشديد والزحمة مع التكيف هتلاقي العربية في بعض الاحيان مع شد الكمبروسور بتاع التكيف الزنة في الدريكسيون بتزيد والفتيس تقيل خصوصا مع النقلة الاولي والتانية بعد التالت كله بيرجع شبة تمام . بالليل هتلاقي التكيف قوي جدا مش هتستحمله علي اقل درجة , اجمل واحسن بزين متوافق مع الماتور هو توتال 92 بجد بيفرق مع العربية جامــــــــــــــــــــــ ـــــــــــــــــــــد انعم والسحب اسرع والزنة بتقل جدا , العربية ادائها هيتحسن كتير بعد 10 و 20 و30 بتكون احسن قوي بعد تغير فلتر البنزين ,اما بالنسبة للتوكيل هنا بخلاف الصيانة الدورية اللي متعودين عليها هما تعبنين نفس اللي قولته علي توكيل العبور بشوفه بالضبط في المقطم تقريبا وده عشان الضغط الشديد عليهم بيخليهم مبيركزوش في الاعطال ,موضوع ان العربية مادارتش ده اللي ممكن يقلق شوية لو بتشغل mp3 بلاش خالص بيأثر علي الدوران احيانا تابعه لو اتكرر تاني خليك وراهم لحد ما يصلحوه اما شحن التكيف انا شايف ان ده كلام فاضي وههما بيهربو بيه من اي مشكلة تكون متعلقة بالتكيف , متزعلش نفسك عربيتك احلي عربية في سعرها وامكانيتها مقارنه بالفئة بتعاتها يمكن في النعومه والسحب يتفوق الكوري لكن الثبات والامان وقوة العفشة العربية تتفوق بشكل كبير حاول تجرب البنزين التوتال وتصبر علي العربية شوية ورد علينا
بعد اذن حضرتك انا لفتت نظرى نصيحة حضرتك بخصوص البنزين من بنزينة توتال .... انا معلوماتى ان كل البنزينات واحدة فى البنزين وان اللى يفرق بس نظافة التنكات ... فهل فعلا ان احط البنزين من ينزينة توتال حيفرق ؟؟ ... لان لو كده يبقى الواحد ياخد باله فى الموضوع وه وربنا يكرم
hobby10 حاول تجربة كده وشوف الفرق انا معايا بيفرق كتير لدرجة اني مش بمون غير بنزين توتال بالرغم من اني مونت من اكتر من بنزينة لتوتال بس هو احسن حاجه جربت انواع بنزينات كتير زي موبيل ووطنية والتعاون بلاقي الماتور بيكون خشن والسحب أقل بكتير عموما جربه ورد عليا
هجرب ان شاء الله بس هستنى لما التنك يقرب يفضى عشان تبقى التجربة سليمه وان شاء الله لو فيه فرق
هاقولك وهنصح كل الناس يعملوا زينا
شكرا على الرد وعلى النصيحة
برافو عليك على متابعتك للموضوع وان انت مسبتش حقك وانا استفدت من اللى انت قولته وعملته واهم حاجه عرفتها موقع رينو وكذلك إن ليهم صفحه على الفيس بوك