الموضوع: أنتم مستنيين أية من رئيس مصر القادم ؟؟؟

المشاركة الأصلية كتبت بواسطة تامر.محمد

فيه آليات كتير بتحدد اختيار الاغلبية ده ازاي منها الاستفتائات و منها ردود الافعال الشعبية

و فيه حاجات معروف هي بتصب لصالح الشعب ولا لأ , يعني اسألك سؤال , هل مطالب الثورة , مش هاقول لك من اولها , لأ مطالبها حاليا , مش مطالب اغلبية الشعب فعلا ؟

هل حضرتك بتثق فى الأستفتائات اللى بتتعمل على أرض مصر ؟
أنا شخصيآ مابثقش لا فى أنتخابات ولا أستفتائات ....
واللى يأكد كلامى الأستفتاء اللى فات ....
بتاع التعديلات الدستورية ....

دة حتى الأنتخابات الرئاسية اللى جاية المجلس العسكرى رافض أنها تكون تحت أشراف دولى ....
عارف لية ؟ عشان يطبخوها زى ما هما عايزين مش زى ما الشعب عايز ....
دة ماتش الأهلى والزمالك بنجيب لة حكم من برة عشان يكون محايد ....
ولما نطلب أجانب عشان يشرفوا على الأنتخابات ....
لأن سمعة مصر فى الأنتخابات بالذات مهببة من زماااااان أوى ....
تقول لى بالفم المليان لأااااااااااااااااااااااا اا ....
يبقى فين المصداقية ؟؟؟؟

وبالنسبة لسؤال حضرتك ....
أيوة طبعآ مطالب الثورة الناس كلها أو أغلبهم متفق علها ....
بس مطالب الثورة المصرية هى مطالب أى ثورة حصلت فى العالم ....
يعنى مفيش ثورة ماطلبتش عدالة , ديموقراطية , فرص عمل , زيادة أجور , ألخ ....

أنا سؤالى واضح جدآ ....
أغلبية الشعب المصرى مين اللى بيمثلها دلوقتى ؟
يعنى لما أحب أكلم واحد بيمثل الأغلبية فى مصر هاكلم مين ؟

يكون شخص متدين فاهم حازم قد المسئوليه وبيحب البلد مش ماسك عشان يستفاد او يتقال عليه عمل حاجات كويسه
يحط خطه كويسه لتطوير االبلد في ال 20 سنه الللي جاين مش لازم كل واحد ييجي يبوظ شغل اللي قبله ويبتدي من جديد لازم الناس تبني علي شغل اللي قبلها

يهتم بالتعليم وبالبحث العلمي
يطبق شرع ربنا اللي بعدنا عنه
يلم شمل العرب

حاجاتت كتيير كل اللي اقدر اقول عليه ان ربنا يعينه