اقتباس المشاركة الأصلية كتبت بواسطة ghosts مشاهدة المشاركة
الكلمة دى أتقالت فى برامج كتير ....
يمكن حضرتك سمعتها فى برنامج واحد بس ....
مين بقى اللى قال أن النتيجة المتوقعة كانت لا ؟
اللى قال كل مذيعين التوك شو , كتاب كتير , سياسيين , صحفيين ....
أسمع كلام واحد زى عمرو واكد هتلاقى أنة معترض بشدة على عملية ترقيع الدستور اللى فية مواد كتير ....
بتدى صلاحيات للريس مفيش دستور فى الدنيا بيوفرها لرئيس الجمهورية ....
وبالتالى الشعب هيكون تحت رئاسة مبارك جديد ....

ممكن بقى أعرف من حضرتك أية هى أسباب موافقتك على تعديل الدستور أو بمعنى أخر ترقيعة ؟
لية كل اللى قال نعم معترض على عمل دستور جديد يتلائم مع روح الثورة اللى طالبت بالتغيير الشامل مش بالترقيع ؟
ياريت تقولي علي برنامج تاني قال علي موضوع غزوه الصناديق دي
وبرامج التوك شو والكتاب دوول بيمثلو كام من المجتمع؟ وطالما ارائهم رايحه ناحية لا يبقي اكيد مش هيستضيفو حد بيقول نعم

اما انا ليه قلت نعم فده كان اختياري عن اقتناع بعد مادرست كل الأراء الموجوده وببساطه كده تغيير كام ماده شوف اخد وقت قد ايه والناس لحد دلوقتي بتقطع في بعض كل ماتيجي السيره ياتري كنا محتاجين قد ايه وقت عشان نعمل دستور جديد وقد ايه وقت عشان نستفتي عليه وهو كده كده اصلا هيتعمل من اول وجديد لما يتم انتخاب مجلس شعب بيعبر عن الشعب مش كام واحد مش عارف مين اللي هيختارهم ولانعرف عنهم حاجه