فيه نقطة غايبة عن الكلا فى المواضيع دى و خصوصا الناس اللى بقدم فتاوى.... انت بتفع اكتر عشان خدمة التقسيييييييييط

يعنى انا مش بدفع فى عربية 50 الف و هى ب 40 الف عشان سواد عيون البنك... انا بدفع زيادة لان البنك قدم لى خدمة الدفع بالتقسيط

كون البنك صاحب العربية او مش صاحبها دة مش فرق لان البنك مش بيبيع عربيات ولا تفرق معاه انا حاخد الفلوس اعمل بيها ايه.... اشترى بيت او عربية او حتى اسكر بيها البنك متفرقش معاه

اللى يفرق معاه انى ادفع تمن الخدة اللى قدمهالى البنك و هى رد المبلغ بالتقسيط

بص للموضوع من الناحية التانية... فيه اختراع كدة الناس بتعملة و هو الجمعية.... ناس بتلم فلوس من بعضها كل شهر و يدوها لواحد... و الشهر اللى بعدة يدوها للى بعدة و هكذا... ايه الفايدة من الموضوع دة؟

لو فرضنا جمعية بالف جنية للنفر و فيها 10 افراد

اول واحد حيقبض هو المستفيد.. لانه صحى الصبح لقى نفسة معاه 9000 الاف جنية من الهوا... و حيردهم بعد 10 شهور زى ما اخدهم

و التانى مستفيد شوية اقل من الاولانى.. لانه دفع 1000 جنية و تانى شهر حياخد 9000 و يرد الباقى على 8 شهور زى ما اخدهم

و يستمر الموضوع لحد اخر واحد... اخر واحد دة معلش فى الكلمة (بيلبس) لانه ببساطة بيدفع كل شهر 1000 جنية و بعد 10 شهور يقولولة "مبروك... خد الفلوس بتاعتك"... طيب انا لو اخر واحد استفدت ايه؟؟ ولا حاجة... طيب ليه اصلا اخش فى جميعه؟... انا شخصيا مش عارف

و العكس بالعكس... اول واحد اخد فلوس مرة واحدة و دفعها بالقسط... الحياه منجة و فل الفل

طيب لو انا عايز اشترى عربية ب 50 الف.... اجيب خمسن نفر و نعمل جمعية عشان انا اجيب عربية؟؟ و مين بقى اللى حيدفع 1000 جنية لمدة 49 شهر عشان خاطر عيونى؟؟؟؟؟؟؟؟؟

اعتقد القصة كدة بقت مستحيلة لضخامة المبلغ و طول المدة و الضرر الواقع على الناس اللى فى اخر الجمعية

البنك بيحل المشكلة دى.... اعتبر البنك هما ال 49 نفر اللى انت فى جمعية معاهم بس بياخدوا فلوس عشان يقدمولك الجمعية دى.... كفاية تحسب الوقت و الاتصالات و المجهود اللى كنت حتعملة عشان تلاقى 49 نفر يدفعولك الف جنية فى الشهر و تلم منهم الفلوس كل شهر... دا غير لو فلان اتاخر و علان مدفعش و ترتان مسافر و الحوارات دى و لاحظ انك بتتكلم فى 49 شهر يعنى اكتر من 4 سنين

البنك بيقدم خدمة واضحة و صريحة و من حقة ياخد مقابل الخدمة دى زى اى خدمة بدفع تمنها... لا ليها علاقة بالشرا ولا البيع ولا الكلام دة كلة

الربا بختصار شديد جدا انى اديك 100 جنية و اقولك حاخدهم منك بكرة 110

و خللوا بالكوا كمان من التضخم يعنى لو اخدت من واحد 100 جنية النهاردة و حردهم بعد سنة حتبقى قيمتهم اقل و بالتالى لو انت راجل بتراعى ربنا لازم تردهم 100 * معدل التضخم السنوى فى البلد * عدد السنين... اصل حرام اخد من واحد 100 جنية ايام ما كان الجنية جنية و اردهم بعد ولا 10 سنين5 سنين لما بقت ال100 جنية تجيب 54 لتر بنزين

MMamdouh

MMamdouh