احييكى على الموضوع العميق الذى نحتاجه جميعا كبشر
و جميل جدا انك تناولتيه من جهات عديده بس فى الحقيقه انا شايفه انه معقد جدا لدرجة ان تعريفه اصلا مش معروف (لى على الاقل)
يعنى لو حد ضايقنى و انا سامحته معنى كده انى نسيت اللى هو عمله اصلا
لأ طبعا ما هو اول خطوة ان الواحد يحاول مجرد محاولة وكده كده الموضوع بياخد مجهود حسب حجم الغلطة
و لا تغاضيت عنه انما لو عملها تانى افتكرله اللى كل اللى فات
امتى الواحد يفتكر لأنه مسامحش اصلا هو قال انه سامح مجرد كلام
عشان كده كل حاجة متخزنة وده اللى يستفز اللى قدامك اكتر لأن قلت له انا سامحتك مش هيتقبل اعادة الموضوع ده تانى
و لا ايقى مستعدة انه يعمل معايا نفس اللى عمله مرة تانيه و اقابله بنفس الابتسامه
ماهو قوى ليه الأنسان المتسامح لأنه بيعرض نفسه للجرح مرة تانية بس مفروض التانى ده لو عنده دم بيركز جامد ويحاسب قوى مع اللى غلط فيه قبل كده حتى يعامله احسن من باقى الناس
و لا اعاتبه عتاب شديد عشان اخد حقى كلام و خناق و اسامحه ( و برضه اعتبر نفسى سامحته)حسب الشخص وقربه منك ودرجة غلطه وطبعا لما اخدت حقك يبقى خلاص امال هنعلق له المشنقة
و لا اعمل فيه زى ما عمل فيا و خلاص كده حبايب لأ نبقى احسن منه
وحسب الحاجة برضه
و لا اعاتبه و اشوف رد فعله لو اعتذر يبقى اسامحه و لو اصر يبقى تتقلب بخناقهعتاب الندل اجتنابه : ) فبرضه حسب الشخص ده مين
واحنا قلنا ان فى ناس هتتكبر وتصر على عدم الأعتذار بس هيبان فى تصرفات تانية انه ندمان
و لو عايزه اعددلك اكتر من كده اعددلك كتير قوى و احنا بنختلف كبشر فى فهم التسامح و على حسب ما بنفهم الكبرياء و الكرامة بنفهم التسامح
فعلا حسب البيئة والتجارب السابقة وطريقة التربية وده برضه اللى بيعمل سوء التفاهم من الأول
و المشكلة تتعقد اكتر فى الاحساس بالذنب و اشكرك انك جبتى سيرته هو كمان
بس صدقينى الموضوع كبير قوى و ياما فكرت فيه و لو نقدر نساعد بعض فيه يبقى عظيم قوى لإننا كده (زى ما اشرتى) بنغير حياة بعض للأحسن فضا عن الاخرة كمان