الموضوع: مهندس حديث التخرج و عاوز اعمل ماجستير

المشاركة الأصلية كتبت بواسطة eng/muhamad

هجاوب على اللى اعرفه

هو عدد مواد معين و تقريبا 10 مواد ممك تاخدهم على تيرمين او على 3 تيرمات

بعد التمهيدى بتبدا البحثو بيكون بحث خالص انت اللى بتعمله بالتعاون مع المشرف المده الزمنيه للبحث مش اقل من سنه و مش اكتر من 5 سنين
اولا فى مصاريف للكليه و بتكون فى حدود 2000 جنيه تقريبا غير كده بقى هتشترى مراجع و كتب و ممكن بما ان حضرتك ميكانيكا يطلب منك المشرف تصنيع جزء معين او حاجه معينه و و طبعا مصاريف المناقشه بتكون وضع تانى اكل و شوكولاته للمشرفين و عزومه و حاجات كده

شكرا يا بشمهندس

سؤال رفيع تانى
دلوقتى لقيت فى لائحة الدراسات العليا عندنا فى عين شمس
ان شهادة الماجستير شهادة منتهية لا تؤهل للدكتوراة

طب اية بقى اللى يؤهل للدكتوراة ؟؟؟

http://eng.shams.edu.eg/engineering/pgguide_ar.pdf

الكلام هنا

المشاركة الأصلية كتبت بواسطة شريف

ماجستير علوم هندسيه لا يؤهل للدكتوراه
ماجستير هندسه بيبقي فيه سنه في الاخر للرساله و سؤهل للدكتوراة
و صراحه بعد متبدأ في الماستر تطلعاتك للدكتوراه بتبعععععععد

أعتقد حضرتك إنة العكس ، ماجيستير الهندسة M.eng هو الغير مؤهل للدكتوراة وبيكون مفيهوش بحث (رسالة) أو لو فية هتبقى بسيطة

أما ماجيستير العلوم الهندسية m.sc هو اللى بيأهل للحصول على درجة الدكتوراة (الموضوع بيختلف من دولة لأخرى ومن جامعة لأخرى فى المحتوى وهل يوجد رسالة أم لا وهل هي نظرية أم تطبيقية وكام مادة فى التمهيدي)

1- دلوقتى لو التقدير العام مقبول فى الهندسة يبقى لازم اعمل دبلومة دراسات عليا الاول , الدبلومة دية عبارة عن اية وهتاخد وقت اد اية ؟؟؟

عندنا فى هندسة حلوان مش شرط تكون جايب تقدير جيد ، بس لازم تنجح فى الماجيستير بتقدير إمتياز 85 % إجمالي وتقريبا 75 % فى المادة (ممكن مادة تشيل مادة)

2- اللى فهمتوا ان فى فترة تمهيدية قبل مشروع الماجستير نفسة , التمهيدى دة عبارة عن كام سنة او بيتحسب بعدد مواد معين او نظامة اية ؟

عندنا ترم 4 مواد وترم 6 مواد والترم التاني ممكن تاخدة على أكتر من ترم ( 3 و 3 )

3- المشروع اللى هاخد بية الماجستير بقى مسمحولى اعملة فى فترة قد اية؟؟؟ وهل فى حاجة بدرسها فى الوقت دوة او بيبقى بحث خالص انا اللى بعملة ؟؟

عندنا ممكن تبدأ الرسالة بعد ما تنجح فى 4 مواد من الترم التاني (يعني ممكن تاخد مادتين وإنت بتحضر) وعندنا فى الغالب بيبقى الرسالة عملي

4- بسمع ان تكلفة تحضير الماجستير كبير بيحتاج فلوس كتير ؟ فى الهندسة الميكانيكية اتجاهات الصرف دية هتبقى فين ( يعنى مثلا شراء كتب ومراجع وكدة او فلوس للكلية )) ؟

في مصاريف الكلية ومصاريف الرسالة (لو نظري هتبقى المراجع والكتب والإشتراكات فى المواقع العلمية وما الى ذلك ، ولو عملي هتفتح على حسب المجال اللى هتحضر فية ) ، طبعا فى الخارج بيجيبوا تمويل للمشاريع من الشركات بس ده ضعيف شوية عندنا