عرض للطباعة
فى شركات فى مصر نزلت عربيات ديزل ملاكى زى بيجو و سيتروين على ما أذكر،فهل يا ترى فى حد بيستورد مكن ديزل لعربيات الملاكى سواء الاوروبى او الكورى او اليابانى ؟؟؟
و لو في يبقى كده تأثير النصباية الاخيرة دى حايبقى صغير لا وايه حانوجعهم اكتر علشان نسبة دعم الديزل اكتر بكتيير من البنزين و بكده فعلا نبقى بنطبق كلامهم و يبقى الدعم موجه لمستحقيه و هما بقى ياخدوا من القادرين و يدعمولنا الديزل
مفتكرش ان في الموضوع ده علي فكره
بس نستني نشوف باقي الاعضاء ممكن يكون عندهم حل
اي مالك سيارة من حقه استيراد اي جزء منها حتى لو كان الموتور بأكمله طالما الرخصة باسمه
, بدون بطاقة استيرادية اساسا او حتى سجل تجاري و بطاقة ضريبية
بس المهم يكون الجزء اللي هيستورده ده خاص بسيارته بنفس موديل السنة بالظبط
بس عشان تستورد موتور ديزل لعربيتك هيكون نازل بيعة لترية مختلفة, و قانون المرور بيمنع تركيب موتور بسعة لترية مختلفة حتى لو نفس الموديل و نفس السنة و المصنع و كله
عموما ممكن تراسل مصنع عربيتك في بلده الاصليه و تسأله
اشكرك يا باشا على ردك و لكن ازاى الناس اللى بتحب تعدل فى عربياتها بتركب مواتير بسعة اكبر من سعة الموتور الاصلية و بترخص العربية عادى ؟؟اقتباس:
المشاركة الأصلية كتبت بواسطة vw_driver
دا كان قبل ما القانون ما يصدر.. طب ماهو زمان كان في ناس بتجمع العربيات الجيب رانجلر..و بتكلفة حوالي 8000 جنيه بس.. قبل ما يطلعوا في موضوع رقم الموتور و رقم الشاسيه... !!!
هما كل شوية لازم يطلعوا بقانون جديد يخلي اللي ينفع ماينفعش... الحق بأة و شوف ايه اللي ينفع دلوقتي قبل ما يغلى او يتفرض عليه ضريبة بكرة
انا والله مش بهزر.. لحد هذة اللحظة تقدر تشيل موتور عربيتك ماركة كذا و تحط بدالة موتور تاني نفس الماركة و نفس الموديل بوقود مختلف.. (جاز, غاز...) بنفس السعة اللترية.. ممكن بكرة يقولولك : لازم نفس السعة اللترية و نفس مادة الوقود !!! ماتستبعدش أي حاجة
طب أنا عندى فيرنا 1500 وكنت عايز أركب واحد 1600 علاشان مشاكل ال1500 من أكل الزيت والصوت العالى بكدة مينفعش
طبعا ممكن
بس لو موديل عربيتك نازل منه ديزل
و مش شرط سعه لتريه
اي سعه المهم يكون الموتور من نفس شركه عربيتك
جزاكم الله كل خير بس كنت عايز اسال هو لازم اجيب المونور زيرو و لا ممكن استعمال ؟؟
طيب اللي مش مصدق موضوع السعة اللترية ممكن يسأل في المرور و ياريت يكون الكلام دة غلط... هكون أول واحد يغير لديزل
اعتقد ان اسلم الحلول في الوقت الحالى هو التحويل للغاز الطبيعي
لان مع الظروف الحاليه اعتقد الواحد لازم يتمم على صوابع ايديه ورجليه قبل ما ينام
و طالما سيادتك فكرت في الديزل
يبقى اكيدفي حد في مكان ما من دهاليز المرور مستعد وعنده الحل اللى حيخللي الناس تلف حولين نفسها لحد ما تشوف حلمة ودانها قبل ما ينفع يعملوا حاجه
الامر الثاني
اعتقد انه بعد الدوشه ما تهدى قانون المرور حيرجع تاني المجلس و حيكون مستعد
عشان يقرفوا الناس من نواحي اخرى جديده تماما
لاة أنا شايف الديزك أحسن من الغاز - بس المشكلة أن عربيتى أصلا ملهاشى موديل ديزل خالص - حاجة تخنق
طيب العربية الـ 132 1600 سي سي في منها ديزل؟
اقتباس:
المشاركة الأصلية كتبت بواسطة madyyuri
http://en.wikipedia.org/wiki/Fiat_132/Argenta
في منها 2000 و2500 ديزل
توجع مين يا عم، ده ولا فى احلامكاقتباس:
المشاركة الأصلية كتبت بواسطة gemino
يوم واحد اضراب (كدة وكدة) كان تمنه البنزين والجاز والسجاير والتراخيص زادت الطاق اتنين وتلاتة وطبعا البقية تأتى غاز ومية وكهربا وأكل وشرب
يبقى مين اللى اتوجع ؟
لسة فيه حد بيحلم يوجعهم؟ للأسف العصاية فى ايديهم مش فى ايدينا
أكيد حاتوجعهم لان الديزل ده زى رغيف العيش بالظبط ، الديزل بتاع كل العربيات النقل و كل الميكروباصات و القطارات كمان و نسبة دعمه عالية اعلى من البنزين و لما الاستهلاك يزيد يبقى نسبة الدعم تزيد و هما مضطرين لتوفيره و الا حركة النقل فى البلد كلها حاتقفاقتباس:
المشاركة الأصلية كتبت بواسطة sab3aawy
فيه نقطة ممكن تكونوا نسيتوها يا جماعة, و هي ان مواتير الديزل بتنزل على شاسيهات مخصصة ليها, بمعنى ان موتور البنزين مبيكونش بنفس عزم موتور الديزل و بالتالي الاهتزازات اللي بيعملها موتور الديزل لو اتركب على شاسية مصمم للمواتير البنزين هيبهدله و هيبهدل معاه العفشة كمان, بكدة لو عايز تحول عربيتك ديزل هتضطر تجيب موتور بالفتيس بتاعه و كل حاجته + شاسيه مصمم للمواتير الديزل
اولا كتكلفة هتلاقي نفسك دافع اد سعر العربية تقريبا على احسن تقدير, ثانيا مش هتقدر تضمن جودة و كفاءة تركيب الحاجات اللي انت جبتها دي كلها على بعض
و هتحسبها فى الاخر تلاقي انك بدل ما كنت عايز توفر 75 قرش فرق بنزين 92 من السولار... هتدفع الاف
احسن حاجة الواحد يجيب ايسوزو ولا نيسان ربع نقل و يقضي بيها كل مشاويره
و لما تطلب وجاهة و منظرة... يبقا يطلع بالحتة الملاكي.. انشالله تكون سيات 133
الكلام دا ممكن فى السعات اللترية الكبيرة انما لو العربية 1.2 او 1.4 ديزل ما تفرقشاقتباس:
المشاركة الأصلية كتبت بواسطة vw_driver
اقتباس:
المشاركة الأصلية كتبت بواسطة gemino
كلام مظبوط ومنطقى جدا جدا .........
انا كنت لسة امبارح بفكر فى موضوع مشابه
سيارات المعاقين ........ بره فى اوروبا اكتر من 55% من السيارات بتعمل بالديزل ..... ف اكيد فى سيارات مخصصه للمعاقين وديزل .... واعتقد مافيش مانع من استيرادها
دية بقى تمنها قد ايه ...........؟؟؟؟؟؟؟؟؟؟؟؟؟؟؟ وزى مقال الاخ جيمينو ... الديزل صعب جدا انهم يرفعو سعره زى البنزين لان كل سيارات النقل .. ونقل الركاب بتمشى بيه . كل الى فى اديهم انهم يغلو تراخيص سيارات الديزل . بس
الحاجة التانية الى تايهة عن بالنا ان لتر الديزل اساسا بيقطع عدد كيلومترات اكتر من لتر اليبزين.............
methaia2li en sahl awi y7oot rsooom tagdeed ro7'sa malaki ta3mal bel diesel be 2000 gneeh 3an kol sana lta3weed da3m el deisel ta7t mosama(tanmiat el mawared)اقتباس:
المشاركة الأصلية كتبت بواسطة MohabSaeed
أعوذ بالله دى تبقى مصيبة و اللهاقتباس:
المشاركة الأصلية كتبت بواسطة Amr_Moh
بصراحة التوكيل الذكى هو اللى يبتدى ينزل عربيات ملاكى ديزل بسعات لترية صغيرة و سعر معقولاقتباس:
المشاركة الأصلية كتبت بواسطة MohabSaeed
و انا غلطان انا كان قدامى سيتروين AX ديزل 1.4 سى سى و مارضيتش اشتريها مع انها كانت زى الفل و ب 33000 الف و معاها قطع غيار جديدة لم تستعمل و لكن ايه يساوى الندم و الحال اتهدم
:) ممكن دلوقتى ديه تساوى 40 الف جنيه فى الظروف الزفت الى احنا فيها ...اقتباس:
المشاركة الأصلية كتبت بواسطة gemino
بس عماتا الموضوع مش صعب ... اى حد ممكن يستورد عربيه ديزل للمعاقين .. ودفع الغرامه ... بس هنا حيظهر جشع التاجر الى حيغليها عليك ... والمعاق الى حيقولك هات نص تمن العربيه :)
تجبها كده تجيلها كده هيه كده
ياريت توكيل فيات يرضى علينا وينزلنا البونتو الديزل ..... والجراند بونتو الديزل .... اعتقد لو نزلت لحد 100 الف جنية " الجراند بونتو " حتتباع زى حلاوه المولد:D تخيل حضرتك تروح وترجع من اسكندرية ب 22 جنيه .
فكرة عريبات المعاقين الديزل دية جامدة قوى وتستحق الوقوف عندها فليلا
في عربيات مرسيدس قديم ديزل... دي برضه ممكن تكون جامدة
انا مرة شفت عربية معروضة في الوسيط 280 موديل 1978 تقريبا او لما اتصلت بصاحبها قال انه حاططلها موتور ديزل 3000 سي سي و مش منزله عالرخصة يعني نازلة عالرخصة 2800 سي سي بس و كان طالب فيها 45,000 جنيه
اعتقد ممكن يزيد الاقبال عالعربيات ديه اليومين دول
اقتباس:
المشاركة الأصلية كتبت بواسطة vw_driver
طيب بيعمل فحص ازاى لو مش منزل الموتور على الرخصة؟ هل الموتور الأصلى موجود عنده و كل ما ييجى معاد الفحص يركبه و يرخص بيه وللا بيعمل ايه؟؟
اللي قالهولي انه عرف يجيب كوسة في ورق الموتور على اساس انه موتور 2800 سي سي ديزل مش 3000 سي سي
و بالورق ركب الموتور.. في الفحص طالما رقم الموتور مطابق للي موجود في الرخصة و في ورق الموتور اللي انتا جبته بيه
يبقا ماحدش ليه حاجة عندك حتى لو مكتوب عالموتور 5700 سي سي
يا ريت و الله و مش كده و بس دا فى كمان سيتروين C3 و C4 ديزل و الفاروميو ديزل و هيونداى جيتز و i30 ديزل دا غير البيجو من 306 لحد 407 و الحاجات دى كلها من 1400 الى 1600 سى سى . و اعتقد ان غبور ممكن يبقى صاحب السبق فى الموضوع ده و وراه نصير لما يبدأ الفاروميواقتباس:
المشاركة الأصلية كتبت بواسطة MohabSaeed
الكلام ده صح 100 % انا كنت شغال فى مشروع فى الصحراء و كانوا جايبين 6 عربيات لاندروفر 2.8TD ديفندر و كانوا كاتبين فى الرخصة ان السعة اللترية 1600 سى سىاقتباس:
المشاركة الأصلية كتبت بواسطة vw_driver
بالفساد و الرشوة ممكن تعمل اى حاجة فى مصر
اقتباس:
المشاركة الأصلية كتبت بواسطة gemino
:eek::eek::eek: لاند روفر 1600 سى سى؟؟!!! يا بلد يا تيييييتتتت تيييييييتتت!!!
ممكن تلاقيه عند تامستوردين بس المشكلع ان المستورد مابيركزش علي مواتير الديزل لانه مش مطلوب و مش مستحب في الملاكي ده غير ان جماركه اعلي من البنزين ... بس موجود و لو دورت علي الموتور اللي انت عاوزه ممكن تلاقيه و ممكن المستورد يجيبه ..
انا اللي عايز أعرف لو الموتور الديزل بتاع الستروين ax موجود يبقى بكام , و قطع غياره موجوده ولا لأ ؟
بكرا ان شاء الله اسالك الميكانيكى اللى كانت عنده العربية دى و اجيبلك كل المعلومات اللى اقدر عليهااقتباس:
المشاركة الأصلية كتبت بواسطة speed demon666
أكون شاكر لييك يا ريس
إضافة بسيطة:
قانون المرور الحالي يضاعف الضريبة السنوية المدفوعة إذا كان الوقود ديزل يعني اضرب الضريبة السنوية الخاصة بسيارتك حسب السعة اللترية في 2 وطبعا متنساش الزيادة الأخيرة
الحل في السيارات اللي بتترخص نقل و تمشي برخصة لا يقودها الا مالكها... (رخصة خاصة) - راجعوا الموضوع ده و قولولي أراءكم
http://www.nilemotors.net/Nile/showthread.php?t=24146
سالتلك الراجل النهارده بس للاسف الاخبار مش حلوةاقتباس:
المشاركة الأصلية كتبت بواسطة speed demon666
اولا العربية سعرها واقع من 21000 الى 25000 بالكتير
ثانيا العربية دى كانت بتتقفل فى مصنع جاك و اعتقد ان المصنع ده دلوقتى بيقفل عربيات تانية و بالتالى قطع الغيار مش موجودة و اللى فاضل فى الشركة هو عبارة عن تصافى قطع غيار و دلوقتى العربية اشتراها ناس من دمنهور و فاتحيين الموتور بتاعها و لايصين و مش لاقيين قطع غيار :(
والله فكرة حلوةاقتباس:
المشاركة الأصلية كتبت بواسطة vw_driver