الموضوع: ببببسسسسسسسسسسسرررررررررر ررععععععةةةةةةةة قربت انتحر

المشاركة الأصلية كتبت بواسطة elpasha1

لو محتاجة وش سلندر هاتة استيراد واوعى تخرط
لكن لازم تتاكد الاول ان المية مبتنقصش من حاجة تانية
دور العربية شوية بعد ماتتاكد ان المية مظبوطة 5 دقائق وحط كرتونة تحت العربية
وبعدين بطل العربية وانتظر قليلا حوالة دقيقة ثم اسحب الكرتونة شوف فيهامية ولا لا

كلام سليم 100/100 وكمان احب اضيف ان الميكانيكي هايقولك يابيه هانقشط وش الشلندر ونعوض القشط ده ونركب جوانين يابيه امال ايه يابيه علشان البساتم ماتحصلش الصبابات يابيه
نصيحه لوجه الله اذا اتاكدت انه وش سلندر هوا اللي بايظ غيره بواحد استيراد انضف حاجه تلاقيها ف السوق واوعى تجيب المكشوط قبل كده والتاجر يقولك دي كشط تلميع يابيه
فيه طريقه تانيه تعرف ان وش السلندر ضارب جوان ولا لأ ارمي شوية ميه صغيرين على حواف وش السلندر والموتور داير لو لقيت الميه بتتنطر لبره يبق الجوان بايظ
برضه ممكن تلاحظ الشكمان اذا لفيت سرسوب ميه نازل منه علطول مستمر يعني يبقى برضه الجوان
الوش بقى تعرف منين بايظ ولا لأ بعد ماتحله روح لخراط نضيف خليه يقيسه قدامك ويشوف فيه عالي وواطي يبقى يترمى وييجي غيره مع جوان جديد ولو كله بسوى بعضه وتمام ركب جوان جديد وتمام على كده
وان شاء الله تلاقي نقص الميه من حته تانيه غير وش السلندر يكون قفيز سايب او خرطوم مقطوع اوكوعة مياه دايبه
بس اهي فرصة نناقش فتاوي الميكانيكية وننصح باقي الزملاء لو حد فيهم اتعرض لموقف زي ده