سلسلة سلوكيات القيادة - الحلقة السادسة (الألتزام بالسرعات المقررة)
السلام عليكم ورحمة الله وبركاته
في البداية كنت عايز اقولكم علي شوية ارقام كنت قريتها في اكثر من تقرير منهم واحد عملاه ادارة بحوث وحدات المرور بوزارة الداخلية وكان بيقول "عدد حوادث الطرق اكثر من 22 الف حادث طريق نتتج عنها اصابة 35 الفًا ووفاة لكثر من 6000 شخصًا حسب احصائية 2009"
واخر من موقع مدونة إيلاف وبيقول "أن حوادث الطرق تزداد عاما بعد عام لأسباب عديدة أهمها زيادة أعداد السيارات، وهذه السيارات الحديثة تغري الشباب على السرعة أثناء السير حتى الميكروباص الحديث يغري أيضا السائقين على السرعة، وهذا سببا في وقوع عدد كبير من الحوادث، كذلك السيارات النقل الثقيلة تعتبر هي الآخرى من أكبر مسببات الحوادث، وذلك يعود أما لتعاطي السائقين أو للإستهتار في تحميل السيارة من حيث الوزن أو البروز أو تأمين الحمولة بالربط المناسب، أو الإهمال في صيانة السيارات النقل الثقيلة مما يؤدي إلى تفكك أجزاء منها على الطيق فتؤدي لآصطدام السيارات الأخرى بها، أو إسقاط شيئ من الحمولة أثناء السير مثل الحجارة أو الزلط او الكراتين والأجولة وغيرها، جميع هذه الأسباب تؤدي إلى وقوع الحوادث، بالإضافة إلى أخطاء الآخرين على الطرق مثل التحدث في المحمول مثلا أو الإنشغال بأشياء أخرى مثل الكاسيت أو أي شيئ بالسيارة مما يؤدي إلى الإصطدام بالاخرين خاصة إلى توقف الطريق فجأة."
وأخر من جريدة الأهرام بيقول "أن أكثر العناصر تسببا للحوادث في مصر هي العنصر البشري بنسبة68%, وانفجار الإطارات بنسبة21%."
وأخر من موقع gn4me ودة من وجهة نظري أهمهم وبيقول "قال الدكتور أسامة عقيل استاذ الطرق بكلية الهندسة أن مصر تحتل المرتبة الأولى عالمياً فى عدد الوفيات الناجمة عن حوادث الطرق داعياً الى تخصيص طرق للشاحنات وتشديد الرقابة على السائقين وبخاصة بعد أن أظهرت أخر دراسة أن 30% منهم يتعاطى منبهات.
وأوضح عقيل أن المقطورات تعد سبباً رئيسياً وراء زيادة حوادث الطرق وهناك أكثر من 800 ألف شاحنة يضطر معظم سائقيها للقيادة 10 ساعات متواصلة لتسديد أقساطها مما يدفعهم لتعاطى المنبهات التى تؤدى الى قلة التركيز وبالتالى فقد السيطرة مشيراً الى أن مصر تعد الأولى على مستوى العالم فى عدد الوفيات الناجمة عن حوادث الطرق."
وانا شخصيا بقابل علي الطريق مهازل وكلنا بنقابلها مش انا لوحدي
يعني حضرتك تبقي ملتزم بالسرعة المقررة وليكن 90 علي الدائري وتلاقي عربية تريلا وراك بتقلب نور ولازقة فيك يعني ياما توسع ياما هدوس عليك وابططك وبيبقي ماشي علي اقل تقدير علي 120
والشباب الي بيجري دون اي وعي او احترام للمرور او للكاميرات الموجودة في كل حتة
انا عارف ان معظم الناس عارفة اماكن الكاميرات وعارفة ايضا انها مش بتصور ومحطوطة عيرة بس هي مش عيرة ولا حاجة هي محطوطة عشان تخوفك وتلتزم بالسرعة ودة الغرض منها مش الكسب المادي وتحصيل المخالفات
زي بالظبط كدة من احد طرق الحماية Security انك تركب كاميرا مراقبة في شركتك وبتنور احمر، حتي لو مش متوصلة بMmonitor او محدش قاعد قدامها بيشوف بس علي الأقل لو في حد عايز يسرق هيخاف ليكون حد شايفه "مع انها عيرة ومش شغالة"
احنا عندنا طرق كتيرة جدا في مصر عليها يفط بتقول السرعة المقررة ومش بلاقي حد بيلتزم بيها زي علي سبيل المثال لا الحصر "صلاح سالم" سرعته 60 ولما بمشي بالسرعة دي بلاقي الناس بتقلب نور وبتبصلي كأني عملت حاجة عيب ونفس الشئ علي "محور صفط" الموصل بين الطريق الدائري وجامعة القاهرة بردو سرعته المقررة 60 ونفس السيناريو وانا ماشي وكذلك الدائري وكذلك المحور بتاع اكتوبر من اول هايبر وان
وعلي فكرة كوني ملتزم بالسرعات المقررة حتي لو 60 دة مش قصر ديل لكن بحاول اتغير وزي مابيقولوا أبدأ بنفسك وانا شخصيا ملتزم بالسرعات المقررة بقالي حوالي سنة وشوية الحمد لله بفضل الله
ومعظم الي بشوفهم بيجروا بسرعة بيبقوا غشم يعني بيدوس وخلاص ولو الطريق قفل عليه مش بيعرف يتصرف وانا الي كنت خانقه بسرعتي بعدي من جمبه بمنتهي السلاسة
والخلاصة اني اتمني كلنا تبقي ثقافتنا الألتزام بالسرعات المقررة وربنا يستر طريقنا جميعا ويهدي الحال
والله المستعان
،
،
أقرأ ايضاً
http://www.nilemotors.net/Nile/23494...post3873680644
http://www.nilemotors.net/Nile/23432...post3873673040
http://www.nilemotors.net/Nile/22676...post3873583122
http://www.nilemotors.net/Nile/23092...post3873631012
http://www.nilemotors.net/Nile/23395...post3873668353
