اللهم رد الي ضالتي .. العربية اتسرقت

**ma7med** · 28-07-2011 04:40 PM

لا حول ولا قوة الا بالله ان شاء الله هتلاقيها

**misoalex** · 28-07-2011 06:30 PM

لاحول ولا قوه الا بالله
دى كده تانى عربيه اكسيل تتسرق من المنتدى

ربنا يرجعها بأزن الله

**M.Yahia** · 28-07-2011 08:05 PM

لا حول ولا قوة الا بالله ...... ان شاء الله ترجع يا رب و الحمد لله على كل حال

**MOUSTAFA_SAAD** · 28-07-2011 08:57 PM

لا حول و لا قوه الا بالله. ربنا معاكي و تلاقيها ان شاء الله

**cameeron** · 28-07-2011 08:58 PM

اولا ربنا يرجعهالك بالسلامة باذن الله

و ثانيا احب احكى حكايتين متشابهتين حصلوا عندنا فى الشركة النهاردة و من كام يوم
اولا شركتنا فى شارع الطيران مدينة نصر عندنا سواق(راجل ثقة و محترم جدا) النهاردة الصبح الساعة تسعة راكن قدام الشركة و نزل من العربية و سابها دايرة بمفتاحها(طبعا غلطان بس اللى حصل) و قال رايح يملى ازازة مياة من الكولدير اللى فى الشارع و لما رجع العربية اختفت العربية اوكتافيا 2006 و راح عمل محضر فى قسم تاانى مدينة نصر و راحوا محولينه قسم اول مدينة نصر و هناك الامين قام ماسكه و عاوز يحوله نيابة على اساس انه السواق لغاية ما يمسكوا الحرامى طبعا قامت خناقة بين الامين و سواقين الشركة اللى كانوا معاه علشان بدل مايدور على الحرامى بيمسك اى حد اضحية و بالعافية خرج السواق من القسم و كان صاحب الشركة يعرف ظابط امن دولة فوعده انه هيتصرف و يشوف.
و بمناسبة السرقة دى فقام واحد زميلى حاكيلى عن ابن خالته من كام يوم الساعة 11 باليل كان فى العاشر من رمضان راجع من قدام نادى الرواد تقريبا اللى فى العاشر اعترضته عربية رجالة باسلحة رشاشة و خدوا العربية و الموبايل و فلوسه
اللذيذ بقى بعد كام يوم كلموه و اللهو الخفى بتاع الحرامية بيقوله ها مش هتدفع خمسين الف جنيه و تاخد العربية قاله خمسين الف ليييييييييييييييييييييييه قاله حد يبقى معاه بى ام دابليو و ميكونش معاه خمسين الف قاله بى ام ايه دى لانسر قاله اه افتكرت البى ام سارقينها من واحد تانى
و الالذ راح القسم الظابط قاله بص لو اخدنا القوة و رحنا هنموت و مش هترجع العربية ممكتن اجى معاك بصفة شخصية و هات معاك الخمسين الف
الخلاصة ان الموضوع فى مرحلة المساومة على مبلغ فدية العربية و اه يا ليل يا زمن و ربنا يسترها