الموضوع: للبيع الفا روميو 147 (عربيتي)

المشاركة الأصلية كتبت بواسطة khalid_adel

والله ياغزالي انا اتجننت خلاص
الجولف اللي قطع غيارها نار بتتباع ب 90 وعادي
البي ام بتتباع ب 90 و 100 وعادي
الهوندا موديل 98 وتتباع بحاجه وسبعين الف عادي
يجو عند الفا روميو والحمد لله احلي واشيك وقطع غيار ارخص من كل اللي فاتو ومصروف عليها اكتر من 40 الف جنيه تظبيط ويقولك سبعينات كتير ده انا اروح اشتري توكتوك زيرو احسن واسمه زيرو
والله الواحد حيتجنن من الناس دي
ويارب مبيعهاش وانا اولي بيها ان شاء الله

يارب يا كبير .... ومتفكرش كدة .. فى بلد الدايو والانسر ... انا لما فكرت فى الالفا رميو .. كله طلع فيها حسسنى انى هاجيب عريبه من كوكب تانى .. مع ان قطع غيرها ارخض من السيفيا الى معايا فى بعد الحاجات .. وحتى لو اغلى سنه ... بس الفرق كبير ... برضو

ليها فتيس اسمه sel speed
وان كان لا ينصح به لانه كان اول مره يخترعوه في وقته وله بعض العيوب في التصليح وكده وهو تمنه من 5 ل 6 استيراد في حين ان الفتيس المانيوال ب 800 لو حتشتريه او 1000 جنيه بالتركيب كمان
انا اللي بقوله ده قريته من بره واتأكدت منه من الميكانيكي بتاعي

والله يامعتز فضلت اهاتي مع الناس كلها بس مفيش فايده والله السوق بتاع بلدنا ده اخره فيرنا ولانوس وسيراتو ولانسر
وطبعا مش حتكلم على العربيات دي ايه ومع احترامي لملاكها بس للاسف هو ده اللي السوق عايزه ويشتريها باغلي من تمنها لما كانت زيرو كمان
لكن الحاجه النضيفه والمحترمه ميعرفوهاش
المهم قدر الله ماشاء فعل انا بيعت العربيه بس لواحد شاب نفس سني من اسكندريه ومحترم اوي اوي وده الحاجه الوحيده اللي بستطني في البيعه غير كده انا فضلت مصدوم والله نفسيا وعصبيا وجسمانيا اني بيعت العربيه
ربنا يباركلك فيها يا كريم (صاحب العربيه دلوقتي) ويديك خيرها ويكفيك شرها
الجديد بقى ايييييييه جبت عربيه الفا روميو برضه 146 موديل 97 بعد 4 ايام من بيع ال 147 وطبعا كل الناس بتنتقضني جدا جدا ( وكلام بقى بتاع هات حاجه تتباع هات حاجه رخيصه هات حاجه معروفه) وطبعا ضربت كل الكلام ده في اتخن حيطه وقولت انا مش بجيب عربيه عشان ابيعها انا بجيب عربيه اظبطها واركبها البيع ده بيبقى قدر ورزق من عند ربنا
والحمد لله على كل حال :)