السلام عليكم ورحمة الله وبركاته
انا عاوز اعرف ايه اللى بيتحكم فى مقدار استهلاك البنزين عند تشغيل التكييف
يعنى سرعة المروحه
ولا درجة التبريد
ولا مش فارق حاجه طالما اشتغل بيبقى استهلاكه واحد
السلام عليكم ورحمة الله وبركاته
انا عاوز اعرف ايه اللى بيتحكم فى مقدار استهلاك البنزين عند تشغيل التكييف
يعنى سرعة المروحه
ولا درجة التبريد
ولا مش فارق حاجه طالما اشتغل بيبقى استهلاكه واحد
متابع باهتمام
و عليكم السلام و رحمة الله
درجة التبريد المطلوبه و هي مرتبطه بسرعة المروحه
و طريقة القياده أثناء التشغيل
و سرعة القياده
و وقت القياده
كل ما كان الطريق مفتوح و العربيه واخده سرعه كل ما كان اداء التكييف أفضل و يفصل بسرعه
و كل ما كانت درجة البروده المطلوبه متوسطه كل ما يفصل الكمبريسور
و هكذا
العامل الأساسي هو مدة شغل الكمبريسور عشان بيبقى حمل زيادة على الموتور
طبعا اللي بيحدد الكمبريسور حيشتغل قد ايه ويفصل قد ايه درجة التبريد اللي انت ضابطها(الثيرموستات)، يعني كل ماعليت درجة التبريد الكمبريسور يشتغل مده أكبر عشان يوصل للدرجة اللي انت عاوزها.
اصل انا ساعات بشغله بلليل وخصوصا لما اكون مسافر علشان اترحم من دوشة الطريق
يعنى افهم من كده ان لو الجو كان كويس بلليل مثلا وعملته على اول درجة تبريد ده حيخفف الاستهلاك عن تانى درجه وتالت درجه حتى لو المروحه سرعتها زادت
لو شغلته كده و فصل الكمبيروسر يبقي الإستهلاك هايقل لو مفصلش هايبقي الإستهلاك تقريبا هو هو
الكومبريسور بيزود الاستهلاك لانه المفروض بيزود ال rbm اما بيشتغل لانه بيشتغل عند سرعه معينه
بس بردو كل كمبريسور و ليه سرعه و طالما العربيه ماشيه بسرعه مابيزيدش الاستهلاك
اسباب ارتفاع استهلاك البنزين عند تشغيل التكييف هو ان التكييف بيبقى حمل على المحرك وعشان المحرك مايبطلش او يرعش بيقوم الكنترول بتزويدة بكمية هواء اضافية لتعلية سلانسية السيارة طبعا فية نسبة هواء داخلة المحرك زيادة يبقى لازم يقابلها نسبة بنزين تضمن كفاءة الحريق للسيارة + ان فى بعض العربيات التكييف بيأثر على سحب المكنة فبتضطر تضغط اكتر عشان العربية تتحرك بسهولة
دة السبب الى بيخلى العربية استهلاكها يعلى مع التكييف
والله كلام زي الفل
ومعلومات جيدة جدا
جزاكم الله خيرا
انا مش مختلف معاكم
انا عارف ان التكييف بيزود الاستهلاك طبعا وده مش سؤالى
انا عاوز اعرف اوفر حل ليه
بس يعنى افهم من كده ان لو شغلت التكييف على طريق سريع مش حاستهلك بنزين زياده او بنسبه قليله علشان العربيه ماشيه بسرعه اساسا
سيظل نايل موتورز نهر المعرفه بالنسبه الى
شكرا لكم
طب الدايو الكوميرسور مش بيفصل اصلا الا لو قرصت ع الموتور هل فى حل لية؟
و عندى اما اشغل التكيف الار بى ام بيقل مش بيزيد و العربية دايرة عادى و مش بياثر ع السحب هل ده طبيعى ولا العربية فيها حاجة؟؟
صح الكلام
عايز اقولك ان ممكن يكون تشغيل التكييف اوفر في البنزين !!!
لان على طرق السفر الهوا اللي داخل من الشباك بيكون عامل للعربية Parachuting
يعني الزجاج الخلفي بيكون باراشوت بيفرمل العربية وكذا مرة اجرب على كمبيوتر العربية فوق ال100 التكييف استهلاكه للبنزين اقل مع التكييف
موضوع ان الاربى ام يقل دى غريبه بصراحه
المفروض يزيد علشان العربيه ماتبطلشى واضح ان الحساس او القطعه المسئوله عن زيادة الار بى ام فيها مشكله عندك
وجهة نظر تحترم د احمد
وارد فعلا الكلام ده ان الهوا اللى داخل العربيه يعمل ضغط عليها ويخليها تستهلك وقود اكتر
اللى فهمته دلوقتى ان الاستهلاك نتيجة لزيادة الار بى ام..وده طيعا هيفرق جامد لو العربية فى مكان زحمة
طب لو انا ماشى عالسريع ومثلا الار بى ام من غير تكييف بيكون عند3 على سرعة 100 هل مع التكييف لما يكون على 3 على سرعة 90 بيكون نفس الاستهلاك؟؟طالما احنا بنتكلم على ان الاستهلاك بيعتمد عالار بى ام...مع العلم ان السرعة الاقل استهلاكا علميا هى 90
زيادة إستهلاك البنزين في المحرك بسبب الكزمبريسور يرجع لحاجتين :
1- الحمل عل نظام التبريد و الكومبريسور نتيجة لزيادة كمية الهواء المراد تبريدها يعني كل ما اعلي سرعة المروحة كل ما بحمل على النظام
2- وقت تشغيل و فصل الكومبريسور طبقا لدرجة الحرارة المضبوطة
وإنت مسافر التكيف أحسن لإن التكيف على السرعة العاليه اوفر فالبنزين بس طبعا ده لو باقي العوامل ثابتة زي رجلك على البنزين وطريقة السواقة وكده
دي مش وجهة نظر دي "حقيقة"
بص يا باشا أنا بأبقى راكب العربية وكاني جوه تلاجة ومابيفصلش برده
أنا بعرف عشان لو هو مش شغال الهوا بتاعه "الكلام ده عندي" بيبقى في ريحة تراب فـبعرف لما بيفصل على طول
المكيف بياخد 1.3 % من القدرة الحصانية للمحرك ... وبالتالي بيستهلك من عمره على المدى الطوييييييييييييل
-------------------------
المروحة الداخلية ومفتاحها ابو 4 سرعات مالهاش علاقة نهائي بالمحرك , دي بس بتزود قوة دفع الهواء للكابينة وبالتالي تسرع تبريد الكابينة وبالتالي الترموستات تفصل الكمبريسور بسرعة وتوفر في الحمل على المحرك
--------------------------
من يشكي من عدم وجود تيرموستات يفصل الكمبريسور , ببساطة في السفر الطويل افصل وشغل رز ال ac والمروحة شغالة مثلا 10 دقائق شغل ودقيقتين فصل
-----------------------------------
في عز الظهر والعربية في الشمس لكي تحس بالمكيف افتح الزجاج كله لطرد الهواء الساخن وشغلة اعلى حاجة لمدة 3 دقائق وبعدين اظيطه
------------------------------
نصيحة : - ماتطفيش المكيف ابدا طول ما انت محتاجه ليل او نهار ,, فالإستهلاك الزائد في البنزين لا يكاد يذكر بالمقارنة بالهدوء النفسي وانت سايق متكيف .
شكرا على المداخله د.محمود صلاح
فيه نقطة بس احب اوضحها يا دكتور محمود
التحميل على الكومبريسور بيختلف طبقا لسرعة المروحة
لأن كل ما السرعة زادت كل ما كمية الهواء زادت كل ما يحتاج إلى قدرة أعلى لتبريده
بمعنى أنا عندي سريان بمعدل 1 cfm القدرة اللازمة لتبريده أقل من القدرة اللازمة لتبريد 2 cfm مثلا
اهم حاجة الحمل على الموتور هو اللى بيزود الاستهلاك
هو احنا ليه بنخلط ما بين زرار المروحة وزرار الحرارة
هو عموما زرار المروحة بياثر بطريقة واحدة ان كل اما المروحة بتبقى بطيئة ده بيدي فرصه اكبر لتكون ثلج على تلاجة المكيف وبالتالي فيه حساس بيفصل اول اما التلج يبدا يتكون...وده سبب اننا بنلاقي المكيف بيفصل اكتر على سرعة المروحة البطيئة