ممكن برضوا تروح لصبحى الكهربائى -عرب راشد - قبل ماتخش يمين على الجراج هو على ايدك الشمال ...و أهلاً بيك فى عالم الأوبل
عرض للطباعة
يا موسعة يا طنانى .... بسم الله ما شاء الله ....... ربنا يجزاك خير يا برنس ...... بداية ايمن الكهربائى .... فعلا شكله بيكون فاهم علان لما جربته وموضوع اللمات اللى غيرتها بأعلى 100 وات ومرديش يركب كتاوت كان عنده حق فعلا علشان الحمد لله مفيهاش مشاكل خالص .
أما بالنسبة للعفشة فمحمود الباشا اللى على شمال نزلة ساقية مكى ... بجد فاهم جدا جدا جدا .... فاكر يا طنانى لما رحنا ليه ..... وكتب الروشتة ...... رحت جبت قطع الغيار ورحت لواحد تانى فى بنى سويف وشيك علىالعفشة قالى ملهاش لازمة كل اللى انت جايبه ده .... ولما بدأ شغل أخد كل قطع الغيار ومسابش حاجة وكان مستغرب أنا مين اللى قالى ليها وجبتها منين كمان .
مفيش صنايعة جربتها غير اللى قلت عليهم يا طنانى ..... وربنا يبعدنا عنهم
عن نفسى اتكلم عن الناس اللى اتعاملت معاهم خصوصآ لسه طالع من عمرة :
بالنسبة لتجار قطع الغيار الجديد :
رقم واحد فى الاسكندرية خميس رويدا نهاية صلاح الدين قبل شريط الترام اخر شارع شمال قبل شارع الخديوى من ناحية صلاح الدين ...
اهم ما يمتاز به هذا الرجل الصدق والامانة وعدم الجشع عنده يبقى عنده وسعر واحد ولازم اقل من السوق كلة ويوضح ان كانت قطعة الغيار اصلى ولا تيوانى ولا صينى ولا ..... صادق ومجربة اكثر من 15 20 مرة ..
بالنسبة لتجار الاستيراد :
احسن واحد عنده بضاعة كتيرة على لادا فى بحرى عند باب واحد شغال معاه واحد مشاركة اسمة رضا وهم يعتبروا احسن من غيرهم فى الاسعار وقطع الغيار بس لازم فصال كتير معاهم ...
وفى عباس اوبل فى السيوف كويس اسمع انه معقول فى اسعارة بس لم اتعامل معاه .
وفى احمد الشيخة واخوه حوده الشيخة اسعار غير عادية لو تحب ترجع حاجة مش نافعه مفيش ترجيع تاخد بيهم بضاعة ..
اما بالنسبة للمكانيكا:
محمد ابو الحمد فى المطار قبل البنزينه بشارعين 15 سنه خبره فى توكيل مقار فى العربيات الاوبل وهو ماشاء الله عليه فاهم كويس جدآ فى الاوبل بالذات وبيرفض الشغل فى اى عربية غير الاوبل ولما بسأله ليه بترفض قال الاوبل عربيتى وتخصصى ليه اسيب اللى انا بارع وممتاز فيه بعدين انا بحب العربيات الاوبل بشتغل فيها بمزاج ...
وهو ميكانيكى وبتاع عفشة برضوا للأوبل بس ومعملته محترمة جدآ جدآ وممكن يسيب ورشته لو الواحد عطلان فى مصر او الطريق الصحراوى وحصل معايا وجالى لغاية مكانى بعربتة ومعاه قطع غيار لغاية ما العربية دارت ...
اسعاره اقل من ناس كتير شغل السرفيس كله غيار زيت وفلتر وفلتر بنزين وفلتر هوا وتغير سير الدينمو وسير الكاتينه 25 جنيه ..فهو احسن من تعاملت معاهم
واهم من كل ده الامانه اللى شايفه فى العربية بيقول عليه خالى بالك فى كذا ممكن يمشى معاك قد كده بس لازم تغيره ..ربنا يكتر من امثاله ..
اما كهربائى السيارات :
فى اتنين فى اسكندرية ابراهيم خليل فى الازريطة امام بتاع الورد من ناحية مساكن سوتر ... وفى نبيل صبرى فى شارع الازالة الوكالة ..
والاتنين تخصص اوبل وافهمانين كويس فى الاوبل واسعارهم كويسه مش عالى ..
وفى سكر فى صلاح الدين بس دايمآ زاحمه وشغل بعد اربع خمس ساعات انتظار ..
دى تجاربى مع الاوبل من يوم ما اشتريتها من سنتين اتمنى ان اكون افدتكم بالذات الاخوه اللى فى اسكندرية
وائل أوبل..ليسانس حقوق جامعة حلوان -هاهاهاها كل واحد وقف عنده عربيتين اوبل يسمى نفسه اوبل
العزبه البحريه-حلوان
دماغه نضيفه و بيفكر
أهم حاجه عنده عدة الأوبل-فى حلوان ده كويس جداً
فك و تقفيل ممتاز للشغل-ولا مسمار باظ ولا مخ حلق
معندوش كومبيوتر انما بيعرف يشخص أعطال كويس
خلى بالكم-بيربط مع واحد اسمه محمد اوبل هاهاهاهاهاها برضو اوبل..وده بتاع قطع غيار اوبل الوحيد فى حلوان
بطىء بطىء بطىء !!!!!!!
نظام افتح كذا عربيه وقعد الزبون
مصنعيات أقل بكتير من محمد عبد الراضى
بيفتى لكن قليل . لازم تكون صاحى ومركز معاه
لو عايزين عناوين هاعمل لسته بعناوينهم و تليفوناتهم الخاصه كمان
للعلم بتاع العفشة فى الجيزة فى شارع المدبح
الموضوع بجد عمال يكبر
كله يخلص و ان شاء الله يتنسق بشكل حلو
و يتعمل موضوع كبير موسوعه شامله
بس احنا زى ما هنعمل لسته
نعمل بلاك ليست لمن لا يتم التعامل معاهم بس بابداء اسباب عملية مش سماعى
ايه رأيكم
[QUOTE=tananybasha;3873693908]الموضوع بجد عمال يكبر
كله يخلص و ان شاء الله يتنسق بشكل حلو
و يتعمل موضوع كبير موسوعه شامله
بس احنا زى ما هنعمل لسته
نعمل بلاك ليست لمن لا يتم التعامل معاهم بس بابداء اسباب عملية مش سماعى
ايه رأيكم[/QUO
أولا كل سنة وانت طيب يا طنانى باشا وكل الأخوه اللى فى المنتدى بمناسبة الشهر الكريم
ثانيا الفكره ممتازه جدا وان شاء الله تتنفذ بشكل صح علشان الكل يستفيد
ادى نمره احمد بتاع ارض اللوء هتروح وتقولو انك من نايل موتورز 0125566609
انا مره العربيه قطعت سير على الداترى رحت متصل بواحد زميلى فى امبابه بعتنى عند واحد اسمه اشرف اوبل ظبتنى تظبيطه مش نسيها الى الان خد عندك سير الدينمو90 سير الكتينه 90 بليه شداد دينمو 120 مصنعيه 150 جنيه رحت انا سالت على الحاجات ده لقيت سير الدينمو65 سير الكتينه 70 بليه الشداد75 منصنعيه تركيب السيور100 جنيه شوفتو الواحد اتظبت الزاى بس العيب مش عليهم علشان انا كنت مزنوق وكنت راجع بلدى وكمان البوجيهات ادهومنى ب135 جنيه جى ام وانا اشتريهم بعد كده ب120 جنيه 2 شمعه يارب على التظبيت