يا ريت كله يرد عليا
ايه رأيك فى اللى حصل انهارده الجمعة 29 يوليو
بس من غير ما نعلق على اراء بعض لو سمحت
عرض للطباعة
يا ريت كله يرد عليا
ايه رأيك فى اللى حصل انهارده الجمعة 29 يوليو
بس من غير ما نعلق على اراء بعض لو سمحت
بناءا على ال اتقال امبارح في ناس اخلت بالاتفاق
يعيني مكنش يبقى في مطالب فئوية او دعايا فئوية و دا كان الغالب
الكلام عن المجلس العسكري و الدولة الدينية غلط في الوقت دا لانه بيزيد الفرقة و كان من باب اولى الكلام يبقى على المطالب زي المحاكمات و المحافظيين و غيره
انسحاب الحركات مش عشان متضايقين لا عشان لقو نفسهم ملهمش وجود
الاخوان انهاردة مكنش ليهم وجود
ال باين في الصورة الجماعات الاسلامية و السلفيين
الله أكبر الله أكبر لا إله إلا الله , الله اكبر الله أكبر ولله الحمد
الشعب يريد تحكيم شرع الله
احب اضيف ان ال رفع علم السعودية دا شخص مختل عقليا و لو السعودية عجباه يروح يقعد هناك
علم السعودية هو راية الرسول صلي الله عليه وسلم ولكن لون راية الرسول صلي الله عليه وسلم كان اسود وهو علم يحترم لان مكتوب عليه "لا اله الا الله محمد رسول الله"
فغالبا من رفع هذا العلم رفعه كرايه اسلامية
ولا حاجه ...
المجلس العسكري هينفذ مطالب المتظاهرين ...
وهيقول نهيب بالساده الموطنين ان مصر دوله اسلاميه ...هيييييييييييييييه
وان مبادي الشريعه الاسلاميه هي المصدر الرئيسي للتشريع ..هيييييييييييه
او هي رسالة للمجلس العسكري كي لا يضع مادة تمكنه من التدخل وقت اللزوم مثل تركيا
شريكك في المحل عامل كده .. شكله كده .. فكره كده .. لازم نفهمه و نستوعبه و له حرية التعبير
اتعجب اشد التعجب من اللي بيقول ان هتاف اسلامية مش مطلب توافقي .. نعم!! .. امال هي ايه؟ .. و لماذا الاعتراض طالما الاطراف المعترضة بتقول نحترم الاسلام و المادة الثانية و في نفس الوقت اللي بيقول اسلامية مش بيحدد اسلامية ازاي و لا بيفرض رؤية و لا بيفرض شروط .. لمجرد بيقول اسلامية بقي كخة و وحش و داعي للفرقة
بالتأكيد هناك سلبيات و ان كانت الايجابيات تكتسح .. علي راس السلبيات ظهور علم السعودية
1- النظام السعودي معادي للثورة و اعتقل عدد من الدعاة الذي تحدثوا عما يحدث في سوريا
2- اللي شايل علم السعودية متهم بتلقي اموال منهم .. بكل ساذجة حمل العلم يؤكد هذا الادعاء
3- البعض قال لان عليها عبارة التوحيد .. اذا من حق النصاري ان يرفعوا علم انجلترا لان عليه صليب!!
سلبية اخري و هي غياب الابتكار من الحشد .. وجدت اكثر من لافتة بنفس الشكل و الطريقة و كأنها معمولة جملة و تم توزيعها .. لا اختلف مع محتواها .. مقارنة بعفوية لافتات الثوار و تعبيرها عن روح الشعب المصري و الفكاهة و الالم و الغضب .. فلا طعم لها و لا تأثير
الغريب ايضا ان من يهاجم و لا يجد الا السخرية من هذا الحشد الذي يجمع اخوان و سلفيين و بعض الصوفية و الكثير من علماء الازهر و حزب الوفد و الجماعة الاسلامية .. انما هو يهاجم الاسلام و المسلمين و ليس التيار السلفي وحده كما يدعي
و الان و انا اكتب هذه الكلمات علي قناة اون تي في تم قطع حديث الشيخ الذي ظهر ليرد الادعائات الكاذبة المبالغ فيها التي وردت من الضيف الذي قبله .. هل هذه هي الديموقراطية و الليبرالية و الحرية!!
هل المشكلة ان الناس دي قالت ان ربها هو الله .. توحيد الله و تطبيق الشرع مش مطلب توافقي!! .. أعلموا الغيب حتي ايقنوا ان تحكيم شرع الله لن يأتي الا بنظام ثيوقراطي .. ام ان هناك رغبة لتفصيل الثورة علي مقاس البعض .. قالوا لهم نتحاكم الي صندوق الانتخاب فانقلب الطرف الاخر و كفر بالديموقراطية لانها اصبحت لا تخدم مصالحه الشخصية!!
المهم و الاهم .. ان يكون هناك نتاج لما حدث و الوقفة في الشمس و الحشد و السفر يكون له ثمار
زي تغيير قانون الانتخاب - اسقلال القضاء عن الحكومة .. الخ مش مجرد هيصة و تنتهي علي مفيش
الي بيحصل
سمك لبن تمر هندي
عليه العوض في البلد
اقسم بالله انا كنت من اشد الكارهيين لمبارك ونظامة النهاردة بس اترحمت على ايام امن الدولة
قبل الثورة كفروا البرادعى علشان بيطالب بالعصيان المدنى وقبل التنحى بيوميين اتخنقت مع سلفيين فى البلد رافعيين يفط نعم لمبارك نعم للاستقرار
محسسنا انهم بس المسلميين وهما بس الى صح والباقى لا يمتوا للاسلام بصلة
يا جماعة زى ما بعض شباب الثورة كان بيغلط فى قطع طريق او قفل مجمع التحرير
لازم بردة نعذر بعض اللافتات اللى كانت موجودة النهاردة وبتغلط فى بعض الاشخاص
احنا شعب بقالنا 30 سنة قافل بقة , من حقة يفتحة شوية ويصرخ
احب اقول
عليه العوض ومنه العوض
لحد دلوقتى مصممين يقسمو التورته وبيختارو عاوزينها بالكريمه ولا بالشكولاته
وهما مش واخدين بالهم ان التورته اصلا مش فى ايدهم ولا حيعرفو ياخدوها
تعليقين عجبونى جدا من بعض التعليقات
هذه الجمعه هى جمعه الخديعه
من هاجم الاسلام حتى نهتف اسلاميه اسلاميه ؟؟؟؟؟؟
[size="5"]رأيي إن الجمعة كانت بدعوة من التيارات الإسلامية
وكانت تحت عنوان جمعة الهوية الإسلامية ورفض المواد فوق الدستورية والتأكيد على المادة الثانية للدستور
من حق كل واحد يقول الهو عايزه ...... من حقهم التظاهر .... من حقهم الهتاف كما يريدون ....... من حقهم ان يتعاطف معهم كل شعب مصر لأنه شعب مؤمن بطبيعته
و من حق الاخرين ان يعرفوا حجمهم الحقيقي في الشارع
واتوقع الليلة مناحة مثل مناحة نتيجة الإستفتاء[/size]
علم السعودية مش راية الاسلام
كلمة لا اله الا الله محمد رسول الله هي ال راية الاسلام
ويقدر يكتبها على ورقة بيضه و يرفعها انما رفع علم السعودية دا خلل عقلي عند ال بيعمل كدا
لان النظام السعودي ابعد مننا عن الاسلام بكتييير
حاجة غريبة
بدل ما يطلعو يهتفو بالمطالب بيهتفو للمجلس العسكري و اسلامية الدولة
اسلامية الدولة ال يحددها مجلس الشعب المنتخب و الدستور مش الهتافات
ولما تبقى المفروض ان هي جمعة وحدة الصف لتوحيد المطالب يبقى المفروض نهتف بالمطالب
زي ما محمد عادل قال "هو مين قال ان في حد اصلا ضد تطبيق الشريعة"
وليه لسه في ناس بتتكلم عن المادة 2
بس انا عارف الناس دي بالها قصير و مش هنلاقيهم بكرة :)
حسبنا الله ونعم الوكيل
من لا يستوعب او يري الهجوم علي الاسلام والمسلمين
علية فقط
1- قرائة الجرائد المصرية
2- تصريحات مثقفي التوك شو والجرائد
3- مطالب البعض والتي يستخدمون كل انواع الارهاب الفكري والاعلام لتحقيقها
اما من لا يري ذلك . . فمع احترامي لة فهو غير مواكب ابدا للواقع او الاحداث
فى الحقيقة انا عملت الموضوع ده عشان اعرف المشاعر المتضاربه اللى عندى دى, عندى انا بس و لا عند كل الناس
فى الحقيقة لقيت المشاعر اللى فيا عندى انا لوحدى
اولا فرحانه ان الشعب لسه عنده القدرة على الاحتشاد
بس متغاظة انه بيطلب حاجه (واحده بس) الشعب برضه عايز حاجات تانيه
ايوة مصر اسلاميه بلا جدال ( و ده بالظبط اللى محيرنى) ايوة انا نفسى نطبق شرع الله و لازم نعمل كده عاجلا و ليس اجلا
انما الناس كلها اتفقت على حاجات معينه نرفع شعاؤتها كلنا اصل احنا مش طراطير برضه
لو انتخبنا الاخوان او السلفيين عشان احنا عارفين انهم اكتر فصيل عايز يطبق شرع الله هل حتلعبوا بينا زى ما لعبتوا بينا انهارده؟
انا ماكنتش حنتخب حد غيركوا بس ليه تبينولى انكم مراهقين كده و يتستعرضوا قوتكوا؟
ماعملتوش ليه ايام مبارك ده اترعب و مشى خالص من جمعتين تلاتة بس من دول و منهم واحده كنا بنضرب منه ايشع ضرب
انا انتوا قلتوا انكم حترفعوا شعارات 3 حاجات و اتكلمتوا عن حاجه تانيه خااالص.
شكرا لمروركم
انا مبسوط جدا ومستمخ كمان
شباب 6 ابريل والاخوه الليبراليين زودها قوي ولازم يعرفوا انهم مش لوحدهم في البلد دي وكان باين جدا للمشبيشوف اد ايه دمهم كان محروق ...رغم انهم حاولوا يداروا ده ويقولوا ان الميدان للجميع وحرية تعبير و و و و و ....صعب عليا الاخ مجدي الجلاد وكنت خايف يحسن يجيلو عرق ولا حاجه مش عارف تورتة ايه اللي كان بيتكلم عليها
السلفين ....بحبهم وناس بتتصرف على سجيتهم وبمنتها البساطه وده اللي موقعم في مشاكل مع طوب الارض ... دي اول مره ينزلوا او يدعو الى جمعه فنزلوا يبينوا نفسهم بالشكل اللي هم عاوزينه ....طبعا الشعارات اللي قالوها ققدر اتفهمها نتيجة ان هما حبوا يعبروا عن نفسهم بحماسه شديده .... السلفيين ميعرفوش في السياسه قوي عشان كده بيتصرفوا بدون اي حسابات عكس الاخوان المسلمين اللي خبرتهم بتخليهم يعبوا على طرطيف صوابعهم ان لزم الامر... عشان كذا مره ققولهم روحوا خدوا دروس خصوصيه في السياسه عند الاخوان
في النهايه, الناس اللي بتقول البلد خربت والكلام اللي مالوش معنى دا ... دا نابع من خوفهم من منظر السلفيين وزعزعت ثقتهم في نفسهم انهم هينفسوا التيار الاسلامي الهائج ازاي
موضوع العلم ...موضوع تافه لايستحق الخوض فيه
الايام اللي جايه هتبقى مثيره جدا ......مبسسسسسسسسسسسسسسسسسسسس سسوط جدا جدا
انا حزين جدا جدا من زملائي في المنتدى
يعني لما 6 ابريل المجلس هاجمها - المنتمين و المؤيدين للحزب الوطني السابق وقف ضدهم - و انا رفضت مبدأ الهجوم على فصيل شارك في الثورة
افاجأ بان المنتمين ل 6 ابريل هنا هم اشد المهاجمين ضراوة على شركائهم في الثورة!!!
------------------------- انتوا ضد النظام القديم و ضد الرئيس و ضد انا اسف يا ريس و ضد جميع عناصر و اعضاء الحزب الوطني السابق و مناصريه
و بعدين ضد امن الدولة و قيادات الشرطة
بقيتوا ضد هعصام شرف و الوزراء الانتقاليين اللي مؤقتين و مالهمش دعوة بالحزن الوطني
و بقيتوا ضد الجيش و قياداته و المجلس العسكري
--------------- بتهاجموا التيارات الاسلامية بكل اشكالها و الوانها و فصائلها!!! من اخوان لسلف لوسط يميني معتدل و طبعا الهجوم يشمل كمان المتعاطفين معاهم و المؤيدين لفكرهم!!!!
هو فاضل مين؟؟؟
ايدينا في ايد بعض و بلاش هجوم - علشان يبقا ليا عين و حجة اقدر ادافع بيها عنكم
و الله العظيم انا لو عضو في 6 ابريل ( انا فعلا كنت مؤيد و متعاطف ) لكن لو حتى عضو مسجل فيهم - مع الهجوم الشرس بتاعهم ضد التيارات الاسلامية كمان انا لازم اتبرى منهم!!!
الناس بتنادي بالشريعة!!! انت يا 6 ابريل ممعترض ليييييييه فهمني ليه؟ يعني كلكوا مش مسلمين؟ خليهم ينادوا براحتهم و لو الشعب اختارها في الانتخابات هو حر! مش دي الديموقراطية
و الله طلعت الشريعة حلوه يبقى خير و بركة
طلعت وحشة الشعب حيشيل على دماغه لحد الانتخابات اللي بعديها و بعدين تكونوا انتوا رتبتوا ورقكوا و نزلتوا بسلوجان افضل و اشيك و يتلافى اخطاء التنفيذ التي ادت الى الضرر
هي دي الديموقراطية!!!!
الرجاء مراعاة اداب الحوار واستخدام عبارات مناسبة للتعبير عن وجه نظرك
تم حصولك على نحذير مع ايقاف لمدة يوم
مشرف 7ب
30/7/2011
2.58am
هو احلى حاجه ان كل واحد عرف حجمه
ده اللى حاولت اوصلهوله فى المشاركه دى
http://www.nilemotors.net/Nile/23533...post3873688855
6 ابريل و معظم الحركات اللبراليه بتستخدم نفس دكتاتوريه النظام السابق و تصوير نفسهم "النخبه المعبره"
لو اسلامية بأسلوب النهاردة فأسف دى مش اسلامية دى فوضى و ديكتاتورية ونفاق
هل اسلامية بنظام تحية للمشير ولا حرمانية الخروج عن الحاكم ولا اية اصلا اللى جاب سيرة الكلام دة فى جمعة لم الشمل لتوحيد مطالب الثورة و تنفيذ المحاكمات ؟! كدة بانت بوضوح اذاى حيكون حكم الجماعات المتأسلمة دى لو حكمت
و علشان كده هما عملو الماتش ده مع الكفار (كفر صريح) و اللى يتهزم يقتل بحد السيف
‫ظ…ط¨ط§ط±ط§ط© ط§ظ„ط³ظ„ظپظٹ ط§ظ„ظ…ط³ظٹط.ظ‰ ظپظ‰ ظ‚ظ†ط§ط© ط³ظ‰ ط¨ظ‰ ط³ظ‰ , ط³ظ„ظپظٹظˆ ظƒظˆط³طھط§‬‎ - YouTube
احلى رأئ سمعته الناهرده
من الغريب ان القوى السياسية انسحبت اليوم من مليونية وحدة الصف بحجة ان المليونية لم يتم فيها رفع اى من شعارات القصاص او اى من اهداف الثورة؟؟!! فكرونى كده يا شباب ايه اللى كانت الناس بتهتف بيه النهاردة بعد صلاة الجمعة ؟؟ الم تكن الهتافات هى القصاص،محاكمة علنية لمبارك،التطهير لكل المؤسسات من الفساد،سرعة المحاكمات،عدالة اجتماعية، رفع حد ادنى للاجور..الكلام ده اتذاع على الهواء مباشرة من الميدان وكل اللى راحوا الميدان سمعوا الهتافات دى والشعارات المنادية بهذه المطالب..ولا علشان خطيب الجمعة قال الجيش والاستفتاء خطوط حمراء فالكلام معجبش 6ابريل ونخبة القلل؟؟ ولا علشان لم يتم السب فى المشير او الجيش او المطالبة بالدستور اولا فده زعل 6ابريل وباقى النخبة؟وليه خرج علينا عمرو حمزاوى وباقى النخب السياسية ويكذبوا بأن المليونية خلت من مطالب الثورة وشحن الناس بطريقة غريبة بأن الكفار احتلوا الميدان وقريش جائت لغزو الميدان وكلام غريب وكذب!! والاكثر غرابة ان النخبة تصف ما حدث اليوم بأنه فوضى؟؟وهو يا محترم منك ليك اللى كان بيحصل من شهر من غلق المجمع وقطع طرق علشان شوية اعداد متكملش الالفين مكنش فوضى مثلا؟؟
+1111111
بقالنا شهور بنقول الكلام ده و مفيش فايدة...كل واحد فاكر نفسه زعيم الثوار ينزل يقفل ميدان ولا مجمع و لا يروح يهاجم وزارة الدفاع
و الشعب قاعد كل يوم يتفرج علي التوك شو و دمه يتحرق....مين الناس دي اللي عمالة تقول (الشعب يريد...)
اللي حصل النهاردة كان متوقع مع استمرار فصيل معين في محاولة السيطرة علي مجريات الأمور في البلاد عن طريق الاعتصام و التظاهر و قطع الطرق
بأي حق تقوم 6 ابريل بترشيح اسماء لكل الوزارات اثناء التعديل الوزاري؟؟؟؟
أنا لم أفوضهم لاختيار وزراء لبلدي...هي هيصة يعني؟؟؟؟؟
أول مرة أشوف عمرو حمزاوي متنرفز بالطريقة دي...دايما بيتكلم بهدوء و عقل...النهاردة كان شايط
و 6 ابريل كل شوية واحد يطلع واقف في بلكونة في التحرير و عمال يزعق و يتكلم بعصبية و يشاور علي الحشود اللي مالية التحرير....مش عارف ليه ماعندهمش ثقافة تقبل الاخر
بس بصراحة الجمعة دي كانت شديدة عليهم قوي....يا رب بقي يفوقوا شوية
حضرتك وصفت اللى حصل بانه
فوضى وديكتاتورية ونفاق
وبعض الحركات السياسية الاخرى قالت اكتر من كدة
فيه نقض للاتفاق من جانب الاخوان والسلفيين
لكن الاوصاف اللى تم نعتهم بيها اكبر مما جدث
وعلى فكرة
لو لاحظت ان مشاركاتى اليوم قليلة فى الموضوع ده
لان اللى حصل مش عاجبنى
ولانى توقعت الاختلاف فى النهاية
لكن حجم الاختلاف طلع اكبر من التوقع
وربنا يستر على بلدنا بعد كدة
الحمد لله
اتمنى من السلفيين ان يهدأوا بعد ان عرفوا حجمهم الحقيقي اليوم
هذا عدد كل سلفيين مصر الذين تم حشدهم بالاتوبيسات والميكروباصات من كل انحاء الجمهورية كما اعترف الشيخ عبد المنعم الشحات
وبعد انسحاب باقى القوى الوطنية من ميدان التحرير وميدان القائد ابراهيم بالاسكندرية انكشفت الاعداد الحقيقية للتيار الاسلامي في مصر
كنت اظنهم بالملايين واتضح انهم لا يتعدون المليون الواحد( اضف اليهم 200 شخص في السويس )ومنقسمين على بعضهم وكل بضعة الالاف لهم منصة حتى ان المنصات وصلت لسبع منصات واشتكى الشيوخ نفسهم من سوء التنظيم
وبما ان التيار الليبرالي وافق على المادة الثانية للدستور في المبادئ الحاكمة ورفضها التيار الديني اليوم فأخشى ان المادة الثانية للدستور ضاعت مرة اخرى واصبحت مادة خلافية بسبب التيار الديني
انتهى اليوم والرسالة وصلت من التيار الديني ولكن بصورة عكس ما تمنوا
خلاص نهدا ونرجع لمطالب الثورة مرة اخري
هل افسد التيار الديني الثورة المصرية؟
ههههههههههههههههههههههههه ههههههههههههههههههههههههه هههههه
يعم كبر دماغك سيب اللي يعيش الوهم يعيش زي ماهو عايز
فيه ناس كده مصممه تكابر و تعاند وتخبط دماغها في الحيط ........
كل واحد حر و كل واحد له عقل ف راسه ويعرف بيه خلاصه
ههههههههههههههههههههههههه هههههههههههههههه
حضرتك شايفهم لا يتعدون المليون؟ ليه هي دي مليونية زي المليونيات اللي فاتت؟ واضح ان العدد كان أكبر بكتير يعني 3 او 4 مليون
و بعدين كل واحد من دول عنده زوجة و اب و أم و اخت و اطفال...يعني اضرب في عشرة
و زود عليهم ناس ما نزلتش بس مؤيدة لهم و دول ملايين كثير
و بعدين لما دول قليلين...أمال الناس الي اخرها تحشد 10 الاف واحد و شايفيين نفسهم قوة لها وزن و رايحين علي وزارة الدفاع يقولوا الشعب يريد اسقاط المشير...دول نسميهم ايه؟
و لما هما طلعوا قلة كدة امال عمرو حمزاوي و شباب 6 ابريل كانوا متنرفزين ليه النهاردة علي كل الفضائيات
صحيح هو ايه رأي البرادعي في الجمعة دي؟ ما سمعتش اي تعليق منه النهاردة.
الفوضى = عدم الاتفاق و فردية الشعارات و تعدد المنصات لتيارات المفروض ان عددها واحد زائد اتقسامهم على نفسهم
الديكتاتورية= فى طردهم لباقى الحركات والاحزاب من المنصات واحتلالهم لكل المنصات وشعارات مسلم فقط كأن مصر مافيش فيها غير المسلمين بالأضافة الى نبذهم لبقية الليبراليين مثلا اللى هم كفرة على حد قولهم
النفاق= فى رفع الشعارات المؤيدة لاغراض التيارات دى فقط مثل دعم المجلس العسكرى فى كل تحركاتة فقط لتنفيذ نتائج الاستفتاء
اية اللى عجبكم فى اللى حصل !! سبحان الله !!
على الاقل الاقلية ذى ماانتم شايفينها (32 حزب وحركة على الاقل) عمر ماحصل مابينهم كدة مش بين تيارين بس !! ههههههه سبحان الله
هل دول ينفعوا يحكموا مصر ؟؟!! أشك !!
---- على فكرة --- انا مقلتش ان بقية الاحزاب برضة تنفع لكن واضح ان العند هو المسيطر بين الاعضاء الموالية للسلفيين او الاخوان فقط لا غير
اسلامية على عينى وراسى انا برضة مسلم !! لكن مش منهم ..... يارب تكون الرسالة وضحت
اعتمادي و ثقتي في الناخب المصري الذكي
الاقلية الصامتة التي تدرس الوضع حاليا في صمت