يابنى الكلام ده صح جواز اية و نيلة ايه يعنى هما ايلي اتجوزا خدوا ايه
أحمد ربنا علي ايلي انت فيه و عيش حياتك عادى
احسن ما تعيش حياه انت مش عايزها بعد كده و مفروضة عليك ( متعملش زى ما انا عملت )
عرض للطباعة
ههههههههههههه الراجل اكيد كره الجواز و اتعقد بعد الردود دي.
متخوفوش الراجل يا جماعه
الجواز حلو و جميل و الرسول عليه الصلاة والسلام رغب في الزواج عند الاستطاعه
انصح حضرتك باتباع الهدي النبوي في اختيار الزوجه (تنكح المرأه لاربع) و اظفر بذات الدين
واهم حاجه متنساش الاستخاره في كل مره تنوي التقدم لفتاه
كمان انصح حضرتك بأنك تتزوج بدري قدر ما تستطيع
انا بقى مش هاقوللك حاجه
عاوز تتجوز رووووووووووووووح اتجوز
ونتقابل هنا بعد الجواز
بس اللى مايرجعش يبكى على البيبسى المسكوب :)
لا دانت هاتبكى وترفس ويجيلك حالة تشنج كمان
يعنى مش عاجبك كل الرجاله المتجوزين اللى عمالين ينفخوا فى الزبادى
طب روح اتلسع بقى من الشوربه عشان شكلك من الناس اللى ما بتامنش الا لما تجرب
الدنيا حلوه عيشها شويه والبنات مش هاتخلص بالعكس انت لو الشكل عامل عندك يبقى اصبر كل يوم هاتقابل واحده احلى من اللى قبلها لحد ما تلاقى امر ربنا نفذ ووقعت
اقوللك على حاجه حلوه انا بعملها
كل ما تمسك قرشين اعمل بيهم حاجه وماتخليش فى ايدك فلوس ابداااااااااا وكل ما حد يكلمك فى البيت قولهم منييييييييين يا جيهة اما ربنا يفرجها
وابدا حوش للجواز بعد ال 29 سنه تخلص على 33 سنه لو مرتبك حلو
تخطب سنتين وتخش على 35
طبعا لو كلنا عملنا كده يبقى 90 % من بنات جيلنا هايكونوا عنسوا رسمى ههههههههههههههههه
شرير انا مش كده
الجواز من ضمن الحاجات اللى الأنسان ملوش دخل فيها ....
نصيبك هايجى لحد عندك من غير ما تتعب نفسك ....
نصيحه صريحه
(القش هينفعك أكتر من الإبره)
الناس اللي بتسال المتزوجين خدو ايه
اقولكم خدو ايه
استقرار نفسي
انسانه تشاركك همومك قبل فرحك
اسره واطفال
مسئوليه
احساس انك بنيت حاجه وبقيت مسئول عن حاجه
عندك هدف مش مجرد انسان بتشتغل عشان تجيب فلوس عشان تصرفها كمان شهر في اي حاجه
اتممت نصف دينك
عفيت تفسك وزوجتك
حاجات كتيييييييييييييييييير ملهاش اول من اخر
اللي يقولك الجواز وحش يبقي هو اساسا مكنش ليه جواز عشان لسه مش ناضج بما فيه الكفايه وميقدرش يشيل مسئوليه بيت واسره
او انه اساء الأختيار لعدة اسباب
او انه كده لان ربنا اراد ليه ان يكون زواجه ابتلاء
وفي كل حاله مينفعش ننفر الناس من الجواز وشوية الكلام اللي بيتقالو لاي واحد عايز يتزوج والغريب ان اي واحد من اللي بيقولو ياما مش متجوز ونفسه يتجوز او متجوز ولو سالته كده احسن ولا من غير هيقولك كده احسن