الموضوع: البحث عن ابره في كوم قش(زوجة)

انا مريت بتجربة خطوبة فاشلة من فترة قريبة و للأسف كانت مبنية عن حب واختيار ولكن ربنا ما أردش الأستمرار. بعديها قام بعض الأقارب بترشيح مجموعة من الفتيات المحترمات جدا ليا و بعد كل مرة أقابل كل واحدة فيهم أطلع بأنظباع أن الشكل غيرمقبول .أخر واحدة كانت قمة في الأدب والأخلاق وعائلة كريمة وحاولت أقنع نفسي لدرجة أن قعدت معاها 3 مرات ولكن دون جدوى.أنا عارف أن الشكل مش كل حاجة وأن إلي بيدور علية ده يبقى انسان أقل مايوصف أنه سطحي .أنا خايف تكون التجربة الفاشلة الي مرت بيها هي الي عاملة فيها كدة لأني المفروض اعقل من كدة كتير.
المهم انامش عارف اعمل اية يعني لما يكون حد انا مش عندي نحيته قبول شكلي اخش في الموضوع ولا هكون انا كدة ظلمتو معايا قبل ماكون ظلمت نفسي. والمشكلة كمان أن الأقارب زهقو مني لكثرة رفضي أعمل ابه وانا خلاص حاسس اني زهقت وقفلت ناحية الموضوع ده....