بلالالالالالالالالالالالا لالالالالالاش احسن انت على البر مع نفسك احسن وابقى افتكرنى لو مصمم على الموضوع ده
اسأل مجرب ولا تسأل طبيب
عرض للطباعة
بلالالالالالالالالالالالا لالالالالالاش احسن انت على البر مع نفسك احسن وابقى افتكرنى لو مصمم على الموضوع ده
اسأل مجرب ولا تسأل طبيب
اناشاكر لجميع الزملاء إلي رد و مع ان معظمهم بعد عن الموضوع الأساسي وهو هل الأرتياح الشكلي مهم في موضوع الزواج مع أهمية باقي قواعد الأختيار من نسب وعيلة ودين ولا ممكن الواخد يبقي مش مستريح للسكل ويضغظ على نفسة ويخش لوحود الأخلاق والنسب.....
بص يا صديقي
ماينفعش تتجوز واحدة مش مقتنع بيها من جميع النواحي - شكل او تعليم او فكر او حتى مستوى اجتماعي ....
الثوابت اللي هيا الدين والادب والاخلاق مافهومش كلام طبعا ...
الشكل بقى خصوصا هيفرق معاك بس فانك هتبقى فرحان بعروستك لحد يوم الصباحية.
انما بقى بعد الجواز الفعلي ... ومش هتصدق الكلام ده غير لما تتجوز ... موضوع الشكل مش هيفرق معاك خالص سواء كان معاك مادونا ولا عبدالفتاح القصري.
بعد أول عيل ... لا هيفرق شكل ولا غيره.
بالتوفيق يا عريس بأذن الله
مش لاول عيل .. بالكتير قوي لحد نهاية شهر العسل .... واهو شهر ياعم وهيعدي وخلاص
لكن انا قصدي بعد اول عيل مش هيفرق معاك لا شكل ولا فكر ولا ولا ولا ولا ....
مش هتبقى عايز غير زوجة مريحاك .. قايمة بطلباتك .. وحاسه بيك .. والاهم الاهم ... انها تبقى نازلة من عن دماغك.
ياباشا ماهو ده اللي بقوله .. انت بتعرف تقدر ال http://www.nilemotors.net/Nile/image...f%20makeup.gif عشان لسه ما اتجوزتش - لكن بعد الجواز مش هتفرق معاك نهائي.
بص يا باشا خلينا بقي نتكلم جد وبلاش هزار
الشكل مهم طبعا مهم ومهم جدا كمان بس مش شكل بس لا اخلاق ودين وتعليم واهتمامات ودي حط تحتها الف خط
اقولك علي الوضع بالنسبه ليه مثلا (ومعلش هاطول عليك علشان هنتكلم كتير)
انا الخطوبه الاولانيه كانت لاحدي جارتنا جمال لا يوصف (شعر اصفر عيون خضراء بالبلدي ما فيهاش غلطه ) اخلاق زي الفل رائعه بكل المقاييس
نيجي بقي لاهتمامات والشخصيه انا في وادي وهيه في وادي الشخصيه غير الشخصيه تماما طبعا التجربه بائت بالفشل
نيجي بقي لزوجتي الحاليا (ربنا يبارك لي فيها)
الحقيقه هيه كانت صديقه مقربه جدا لاختي شخصيه رائعه علي درجه معقوله من الجمال (اذا قورنت بالاولانيه) طبعا اخلاق عاليه جدا تزيد في التدين اكتر شوييتين نيجي بقي للمهم اهتماماته زيي بالملي
يعني كفايه اقولك بنخش نتفرج علي المحلات بتاعت كماليات العربيات مع بعض سينما وخروج كل ما تتخيله والله ممكن نودي العربيه للميكانيكي مع بعض ونرجع ماشيين
بص يا قمر خلاصه حكيتي وتجربتي الشخصيه انت لازم تتدور علي 3 حاجات رئيسيه وما ينفعش من غير اي حاجه منهم
اخلاق
دين
مستوي اجتماعي واهتمام وتفكير قريب جدا منك (دول حاجه واحده علي بعضها)
حاجه اخيره احب اقولك يا ريت لو فتره الخطوبه تطول شويه يعني تبقي 5 شهور سنه مثلا
عارف ليه علشان يبقي في فرصه انك تقابل كل المواقف
ربنا معاك وييوفقك
كلام زى الفل ....
نصيحة لكل راجل لسة ملاقاش بنت الحلال ....
أوعى تربط سعادتك بالجواز يعنى متقولش أنا لما أتجوز هبقى سعيد ....
الكلام دة مينفعش لازم تبص على الحاجات التانية اللى فى حياتك اللى بتسبب لك السعادة ....
زى الصحة والستر والنجاح فى العمل و الحاجات دى طبعآ مهمة جدآ ....
ومن غيرها مينفعش حد يتجوز والجواز أكيد حاجة مهمة لكن ....
ميعتبرش أهم حاجة بتسبب سعادة ما أحنا بنشوف ....
ناس كتير متجوزة ومش سعيدة و بيطلقوا ....
أستمتع بالنعم اللى مديهالك ربنا ....
والجواز يجى وقت مايجى ....
الناس كلها زي بعض في الأرزاق بس بنسب مختلفه
يعني تلاقي واحد صحته حلوه بس مش متعلم
واحد تاني متجوز واحده الكل يتمناها بس مش سعيد معاها ومش طايقها
واحد تالت مش لاقي ياكل ومراته مش قد كده بس ولاده ماشاء الله عليهم
اوعي ترتبط بواحده مش عجبك شكلها
والله انت راجل زي الفل وميه ميه
وكفيت ووفيت وجبت من الاخر ف الموضوع ده
انا لاحظت الموضوع ده في اكتر من صاحب لياه وناس اعرفهم
تتكلم معاه عن الجواز يقولك هما العبط ناقصين علشان تيجي تزودهم واحد
يقولك عيش حياتك
يقولك هتندم
يقولك هتتخنق
يقولك مش هترتاح وهتبقا عايز تسيبها وتهج وتخرج وتفك وخد من ده كتير بقا
تقوله طب ايه رايك ف الجواز يقولك تمام وحلو وكده احسن زي مانت قلت بالظبط
الكلام ده سمعت من ابن خالتي متجوز عنده 23 سنه
وفنفس الوقت سمعته من واحد صاحبنا برده متجوز عنده 25 سنه
وواخد اخر متجوز 27 سنه
ف الاخر بقيت بزهق واقولهم انا هتجوزز 32 سنه كل واحد فيكم متجوز في سن شكل وبرده كلامكم نفس الاسطمبه طيب عايزين الواحد يتجوز عنده كام سنه ثقافه عجيبه
نصيحه من اخ ليك بيحاول قدر الامكان يتجوز بدري ويعف نفسه ويبني اسرة سويه وسليمه وبدري بدري كده علشان ميبقوش عيالي يقوليلي ياجدوا
فكر جديا ف موضوع الجواز والله هتلاقي كل المميزات الي اتقالت فالموضوع ومش هتندم وبرده ده ميمنعش ان الحياه مبتمشيش علي وتيرة واحده مش هتبقا طول العمر ورديه وجميله وفل الفل وع النقيض مش بتفضل علي حال ربنا يكرمك بالزريه الصالحه يارب والزوجه الصالحه الي تعفك وتصون بيتك وعرضك والرزق الحلال يااااارب
احلي حاجه الجواز البدري
انا عندي 26 سنه وعندي ولدين 3 سنين و 8 شهور
والدي عنده 49 سنه بحس انه صاحبي مش ابويا وانا الكبير بتاعه
موضوع الجواز دا بالنسبالي اهم حاجه فيه التوافق
يعني الدماغ لازم تبقى نفس الدماغ غير كدا هيبقى فيه فرق مش تمام
والله انا اما هاجي ادور هدور علي واحده تكون قريبه مني سواء في المجال و الدراسه و السن
بحس الي بيتجوز واحده اصغر منه ب 8 سنين مثلا تحس انها بنته مش مراته
و غير كدا هتبقى فرق ثقافه كبير اوي اوي اوي
عموما كل واحد مكتوبله نصيبه و ما عليه الا السعي و تقوى الله