اولا كل سنه وانتم طيبين
ثانيا انا كنت بسأل عن انى عاوز اعالج شرخ فى زجاج العربيه الامامى (هل هو فعال ولا تغيير الزجاج افضل)ولو فعال ياريت تقولولى اعمله فيين وتكلفته بتبقى كام
وشكرا
عرض للطباعة
اولا كل سنه وانتم طيبين
ثانيا انا كنت بسأل عن انى عاوز اعالج شرخ فى زجاج العربيه الامامى (هل هو فعال ولا تغيير الزجاج افضل)ولو فعال ياريت تقولولى اعمله فيين وتكلفته بتبقى كام
وشكرا
هو بيتصلح بس مش بيرجع زي الاول لو حد دقق في الزجاج هاتظهر
دكتور خالد ده محل مشهور ومعروف وله فروع كتير كلم الدليل وخد رقم اقرب فرع ليك وفي محلات تانية غيره بتلحم الشرخ بس هو عنده لحام الشرخ بتاخد عليه ضمان مدي الحياة
كل سنه و انت طيب
موضوع تغيير الزجاج بيتوقف على حاجتين :
1- نوع الشرخ كبير وشرخ واحد ولا متفرع كذا شرخ
2- نوع العربيه يعنى لو العربيه غاليه مثلا فأكيد زجاجها هيبقى غالى فتصليح الشرخ اللى فيها هيبقى افضل و ارخص
ولو عايز حد بيصلح الشروخ عندك ( دكتور خالد ) فده كويس وبيديك ضمان مدى الحياه على الشرخ انوا ما يرجعش تانى وانا جربيوا مرتين ممتاز بصراحه
فى ملحوظه كمان لو الزجاج عندك اصلا كان منمل و مخربش او مش الاصلى بتاع العربيه فالافضل انك تغيروا طبعا
و بالنسبه للتكلفه فعلى حسب الشرخ و حجمه بس اقل حاجه بيبتدى ب 50 جنيه تقريبا
كلام الاخوه صحيح جدا وانا لسة مصلح شرخ فى الزجاج بس خفيف ب 50 جنيه وخدت عليه ضمان مدى الحياة بس الشرخ فعلا لو حد دقق هيشوفه من محل فى شبرا عندنا بس فعلا الراجل قاللى ان خالد هو اشهر حد فمصر فى الموضوع ده وهو بعديه
و الله انا مش عارف اشكركو ازاى
بارك الله فيكو
ولو حد يعرف اماكن فروع دكتور خالد يبقى تمام اوى
وشكرا
نصيحه أخويه: لو في يوم إكتشفت شرخ في العربيه حاول ما تجيبش أي ميه على الإزاز وحاول تروح تعالج الشرخ في أسرع وقت وما تستناش أيام.
أنا إستنيت يوم واحد بس لقيت الشرخ زاد. الراجل قاللي لما تكون العربيه مقفوله ضغط الهواء بيزيد مع حرارة الجو وبيعمل حمل على الإزاز.
شكراً
دكتور خالد دلوقتي غير مكانه اللي فالمعادي لمكان جديد في شارع فلسطين
من ميدان فلسطين مثلا تمشي باتجاه شيليز و لو كافيه بعد متعدهم كام متر كده هتلاقيه على شمالك
بس مش كل شروخ الإزاز بيعملها
أنا كان عندي نقرة صغيرة قوي من طوبة فالازاز وقال لي مش هتنفع اقالبان هو بيظبط بس الشروخ الطولية معرفش
معرفش موضوع الضمان ده بس أنا في كنت في ميدان فلسطين برده وشفت واحد إزاز عربيته مرسوم عليه خريطة قلتله روح ل دكتور خالد قال لي هو كان عاملهولي قبل كده من سنتين مثلا بس ضرب تاني
معرفش بقى الشرخ اللي اتصلح هو اللي ضرب ولا ده واحد جديد
مافيش فروع لدكتور خالد فى اسكنرية ؟
لو حد يعرف حد كويس فى اسكندرية ياربت يقولنا عليه ؟
اعتقد في فرع ليه باسكندرية كلم الدليل