علاج شروخ الزجاج

**ma7moud879** · 30-07-2011 01:33 AM

اولا كل سنه وانتم طيبين
ثانيا انا كنت بسأل عن انى عاوز اعالج شرخ فى زجاج العربيه الامامى (هل هو فعال ولا تغيير الزجاج افضل)ولو فعال ياريت تقولولى اعمله فيين وتكلفته بتبقى كام
وشكرا

**rompo10** · 30-07-2011 01:49 AM

هو بيتصلح بس مش بيرجع زي الاول لو حد دقق في الزجاج هاتظهر

**windofchange** · 30-07-2011 01:49 AM

دكتور خالد ده محل مشهور ومعروف وله فروع كتير كلم الدليل وخد رقم اقرب فرع ليك وفي محلات تانية غيره بتلحم الشرخ بس هو عنده لحام الشرخ بتاخد عليه ضمان مدي الحياة

**elhelawy** · 30-07-2011 03:15 AM

كل سنه و انت طيب
موضوع تغيير الزجاج بيتوقف على حاجتين :
1- نوع الشرخ كبير وشرخ واحد ولا متفرع كذا شرخ
2- نوع العربيه يعنى لو العربيه غاليه مثلا فأكيد زجاجها هيبقى غالى فتصليح الشرخ اللى فيها هيبقى افضل و ارخص
ولو عايز حد بيصلح الشروخ عندك ( دكتور خالد ) فده كويس وبيديك ضمان مدى الحياه على الشرخ انوا ما يرجعش تانى وانا جربيوا مرتين ممتاز بصراحه
فى ملحوظه كمان لو الزجاج عندك اصلا كان منمل و مخربش او مش الاصلى بتاع العربيه فالافضل انك تغيروا طبعا
و بالنسبه للتكلفه فعلى حسب الشرخ و حجمه بس اقل حاجه بيبتدى ب 50 جنيه تقريبا

**beshomilan** · 30-07-2011 10:13 PM

كلام الاخوه صحيح جدا وانا لسة مصلح شرخ فى الزجاج بس خفيف ب 50 جنيه وخدت عليه ضمان مدى الحياة بس الشرخ فعلا لو حد دقق هيشوفه من محل فى شبرا عندنا بس فعلا الراجل قاللى ان خالد هو اشهر حد فمصر فى الموضوع ده وهو بعديه

**ma7moud879** · 31-07-2011 01:35 AM

و الله انا مش عارف اشكركو ازاى
بارك الله فيكو
ولو حد يعرف اماكن فروع دكتور خالد يبقى تمام اوى
وشكرا

**marsguy** · 31-07-2011 11:13 AM

نصيحه أخويه: لو في يوم إكتشفت شرخ في العربيه حاول ما تجيبش أي ميه على الإزاز وحاول تروح تعالج الشرخ في أسرع وقت وما تستناش أيام.

أنا إستنيت يوم واحد بس لقيت الشرخ زاد. الراجل قاللي لما تكون العربيه مقفوله ضغط الهواء بيزيد مع حرارة الجو وبيعمل حمل على الإزاز.

شكراً

**mailo** · 31-07-2011 11:41 AM

دكتور خالد دلوقتي غير مكانه اللي فالمعادي لمكان جديد في شارع فلسطين

من ميدان فلسطين مثلا تمشي باتجاه شيليز و لو كافيه بعد متعدهم كام متر كده هتلاقيه على شمالك
بس مش كل شروخ الإزاز بيعملها

أنا كان عندي نقرة صغيرة قوي من طوبة فالازاز وقال لي مش هتنفع اقالبان هو بيظبط بس الشروخ الطولية معرفش

المشاركة الأصلية كتبت بواسطة windsofchange

دكتور خالد ده محل مشهور ومعروف وله فروع كتير كلم الدليل وخد رقم اقرب فرع ليك وفي محلات تانية غيره بتلحم الشرخ بس هو عنده لحام الشرخ بتاخد عليه ضمان مدي الحياة

معرفش موضوع الضمان ده بس أنا في كنت في ميدان فلسطين برده وشفت واحد إزاز عربيته مرسوم عليه خريطة قلتله روح ل دكتور خالد قال لي هو كان عاملهولي قبل كده من سنتين مثلا بس ضرب تاني

معرفش بقى الشرخ اللي اتصلح هو اللي ضرب ولا ده واحد جديد