عرض للطباعة
:bump2::bump2:
انا انشاء اللة نويت ابيع الكيا اسبكترا 2005 و هى فعلا رائعة معتلتش ولا مرة معايا معنى هاريها سفر
المهم هموت مش عارف اجيب اة فى العربيات دة؟
رينو فليونس هاى لين زيروو
جيتا زيروو 160 الف
الينترا هاى لين
سيفيك زيروو 162 الف
بى ام دبليو 316 1600cc مستعمل منيول 2007 مطلوب فيها 160 الف جنوط سبور
سكودا فانتزيا 2010 هاى لين 155 الف
باسات 2008 اتومتيك 160 الف مفيش فتحة سقف
مقرنة صعبة جدا بس فى رأيى حتى الان انا مع البى ام
انتو اة رأيكم؟؟؟؟:8954[1]:
ملحوظة النترا 2012
بص سييبك من الاستعمال الزيرو افضل
يبقى عندك الفلوانس- الجيتا-الالنترا-سيفيك
فمن راى لو حتركب الجيتا افضل ف مقابل التنازل عن بعض الكماليات يبقى كسبت ثبات و راحة و برستيج
الفلوانس هاى لاين عربية هايلة و التوكيل محترم و ثبات مش زى الجيتا بس كويس جدااااااااااا و امان طبعا
السيفيك لو غاوى جرى و شكلها و التابلوة راااااااااااااائع
الانترا بصراحة مستخسر فيها اللى حيدفع فيها حتى لو هاى لاين كفاية الموتور اللى اونكل غبور منزلوش بيها بس لو نزلها بالموتور gdi كنت قةلت ده يشفعلها
بالنسبة للبى ام اولا موديل 5 سنين عدو عشان موديل 2012 نزلت ثانيا ال بى ام تتركب 320 عشان تحس انك راكب بى ام و برضو ال 316 لاغبار عليها بس فرق الكماليات كبير و
ف الاخر لو انت مقتنع بال بى ام اكشف عليها ف التوكيل و توكل ع الله عشان متحسش انك دفعت فلوس ف عربية مش مستريحلها ولو حتى زيرو
جيتا: مش عاجبني سحبها وحاسس ان شكلها بقي معتاد أكتر من اللازم. طبعا السحب مش لطيف ومافيش منها تقفيل ألماني (أسمع ان اللي ف مصر تقفيل مكسيكي بس ماقدرش أأكد المعلومة دي.. بس أأكدلك ان مافيش جيتا متقفلة ف ألمانيا)
بي ام 316: سعر اعادة بيع ضعيف جدا وقطع غيار غالية فا لازم تتأكد انك راكنلها كيس دنانير علي جنب تصرف منه عليها. وبوجه عام البي ام ضاعت في مصر بعد ما راحت من أبو الفتوح (رأي شخصي). وحاجة تالتة.. ماتجيبش عربية بالسعر دا مستعمل
باسات: نفس الكلام علي المستعمل من ناحية ومن ناحية تانية مش شايف ناس كتير بتجيبها لسبب غير معلوم. من عيوبها ان ظهر مشكلة في الفتيس قبل كدة وماعرفش في مو2008 كانو حلوها ولا لأ بس هي كانت محلولة بشكل كامل في 2010 (بعد ما الناس فقدت الثقة فيها أساسا) كمان فيها تربو عشان الموتور يستحمل وزن العربية دا كله (1.6 بيدي 102 حصان أو 1.6 FSI بيدي 115 علي الجسم دا كله !! والله حرام عليهم)
سيفيك: ممكن أقول عليها عربية "أوزعة"... ارتفاعها قليل جدا عن الأرض والأغرب ان ارتفاع السقف كمان قليل لدرجة تحسسك ان العربية صغيرة رغم انها عريضة. كمان (زي العربيات السبور) العفشة ناشفة.
ندخل بقي في الحاجات الصح
فانتازيا: علي الرغم من نجاح اخواتها الكبار A4 و A5 ماعرفش حاسس ان الفانتازيا مش عاملة نفس النجاح ودا تقريبا راجع لأنها نفس الشكل مع تغييرات بسيطة. بالنسبة للعيوب مش لاقي حاجة تتعاب فيها الا نفس العيب في الأوكتافيا بوج عام ان الطلعة بطيئة شوية وبتجري بعد نص التاني.. وغلسة شوية في طلوع الكباري خصوصا لو زحمة واضطريت تقف في النص. ميزة زيادة ان السكودا بوجه عام حتلاقي اللي يفهم فيها فا مش محتاج تروح التوكيل علي كل فسفوسة تقابلك (ربنا ما يجيب فسافس ان شاء الله)
فلوانس: علي قد ما نفسي أرشحها لكل واحد أقابله علي قد ما حاقولك اني عمري ما جربتها أو ركبتها مع حد سابقا. مش منتشرة (هنا في اسكندرية) وبالتالي قطع غيار مولعة وفي التوكيل بس + صيانة نار. لو بتحب رينو ومتأكد 100% ممكن تجيبها وحاتحس علي الأقل انك مختلف عن المصريين شوية :grinder:
النترا: عربية ماتتعابش (حتي الآن) وعلي ما يبدو انها حاتنتشر قريب (وحاتغلي). عفشتها جامدة شوية (طبيعي) لو طويل ماتجيبهاش أحسن (حاتعرف قصدي لما تركبها)
بالنسبة لي الاختيار بين آخر تلاتة. ولو فكرت بينهم حاختار الالنترا عشان حاسس ان شكلها خرافي وامكانياتها حلوة. بس برضه ماتاخدش برأي واحد معاه لانوس في الحاجات دي لأن أكيد الناس اللي متعودة علي الفئات دي ليها رأي تاني وأعتقد انهم حايرشحو الفانتازيا لأنها متجربة ومنتشرة عن الفلوانس من ناحية ومن ناحية تانية عشان حاتبقي متأكد وانت راكبها انك بعيد عن الكوري بمشاكله (بالنسبة للالنترا).
بالتوفيق ان شاء الله في الشراء وماتنساش الدعاء وصلاة الاستخارة
فانتازيا
شكرا لكم مستنى باقى الاراء
اقتباس:
المشاركة الأصلية كتبت بواسطة crayvor
شكرا على ردك
ملحوظة انا من الاسكندرية برضو
أنا رأيي السيفيك لو مش فارق معاك انها واطية. لو فارق يبقى فانتازيا بس لاحظ ان قطع غيارها نار. (قانوس بـ4500جم)
انا معاك فعلا فى النقطة دىاقتباس:
المشاركة الأصلية كتبت بواسطة mahmode
بس الفانوس دة اللى هو الزينون
وممكن يتجاب استيراد
وغير كدة كل العربيات اللى هو حاططها فى المقارنة كلها قطع غيارها نار واعلاهم البى ام ثم الباسات
فكدة كدة لازم هايعمل حسابه على النقطة دى