الموضوع: القول الفاصل عن النيتروجين في الأطارات

بسم الله الرحمن الرحيم

السلام عليكم ،،

كتير بلاقي مناقشات عن ملئ الكاوتش نيتروجين بدلً من الهواء العادي !! ،، و طبعاً عدم اقتناع من بعض الأخوة الأعضاء بعلمية الموضوع !! و هكذا !!

و أنا أيضاً "لا أكذب عليكم" شكيت في الموضوع ،، لقلة المعلومات العلمية المؤكدة من الأعضاء الي اتكلموا عن الموضوع !!

بدون تقليل لمجهوداتهم !! يوجد منهم من تكلم عن الموضوع بطريقة راااااائعة !!!! و بدون ذكر أسماء لأي أحد منهم !! و لكنهم كلهم تكلموا بطريقة جميلة ،، و ان كانت تنقص _في مواضيع البعض و ان لم يكن الأغلبية_ من المرجع العلمي الذي يبرر كل تلك المعلومات الراااائعة !!

أنا لن أخوض بسرد معلومات طويلة مفصلة عن أي شيء ،،

سأحاول شرح الموضوع ببساطة أن شاء الله ،، بعد أن بحثت عنه جيداً و سأرفق بآخر الموضوع "لينك" الموقع الذي وجدت عليه تلك المعلومات ،، بحيث يتسنى لأي أخ منكم يا أخواني الكرام !! ان يدخل على ذلك الموقع و يشبع حاجاته من القرائة عنه أكثر ،، أو من التأكد من صحة ما كتبت ،، و مدى قوة مصدره !!


بسم الله نبدأ ... ،،


مبدأياً ،،

ليه فكروا في انهم يملو العجل نيتروجييين ؟؟؟؟؟؟؟؟؟؟؟؟؟؟؟ !!!!


لغرضين مهمييين !!

1-المحافظة على العجل و الجنط من التآكل !! و تطويل عمرهم الأفتراضي من حيث التآكل
2-تقليل معدل فقدان ضغط الهواء داخل الأطار
==========================براحه نفهم مع بعض !!
الهوا الي جوا العجل ده بيكون بين الجنط نفسه و الكاوتش يا اما مباشرةً "في حالة التيوبليس" يا اما في كامر"في حالة العجل العادي"

وجد أن معدل هروب جزيئات الأكسجين و تسريبها أكتر من النيتروجين !!

ليه ؟؟

لأن جزيء النيتروجين أكبر من الأكسجين ،، و يساوي 4 مرات حجم جزي غاز الأكسجين !!
بالتالي معدل تسريب الأكسجين بيكون أكبر من معدل تسريب النيتروجين !!


زي ماهو واضح كده !!

في حالة نفخ الأطار بهوا عادي ،، ممكن الأطار يفقد من الضغط بتاعه بمقدار 1.5 psi في أقل من شهر

ال psi وحدة لقياس الضغط !!

و لكن في حالة النيتروجين ،، الموضوع بيكون أقل طبعاً،، لدرجة انه علشان يتم فقدان نفس المقدار ده من الضغط ،، العجلة محتاجة 6 شهوووووووور !!!


و تاني حاجة ؟؟

هيا التآكل !!


تآكل أيه بظظظبط ؟؟

1-تآكل العجل
2تآكل الجنط نفسه !!
بدون لعبكة !!
بالنسبة لأول واحدة ،، الأكسجين بياكل العجل من جوا !!
و المياه بتاكل الجنط "عن طريق الصدأ " !!!

طيب الأكسجين حيجي منين ؟؟

أقولكم أنا !! الهوا ده الي بننفخ بيه العجل مكون من
78 % نيتروجين !!
21 % أكسجين !!
1 % غازات أخرى !!

بالتالي ،، الهوا ده بيكون فيه أكسجين !!


عرفنا كده الأكسجين الي بياكل العجل ،، جه منيين ؟؟


طيب المياه دي بقى تيجي منين ؟؟

~~~~~~~~~~~~~~~~~~~~~~~~~~~~~~~

الهوا ده "الي داخل العجلة " فيه بخار مياه !!!

بخار المياه لما بيضغط "و ده الطبيعي و الي بيحصل لما بننفخ العجل حيث اننا بنضغطه بهوا مضغوط"

بالتالي بخار المياه ده معظمه بيكون موجود جوا العجلة على هياة قطرات مياه !!



طبعاً من المعروف ،،
مياه +حديد+حرارة=صدأ !!!

أوبااا !! معنى كده أيه ؟؟

معنى كده انه من الحرارة المتولدة من المشي بالعربية ،، و وجود قطرات المياه دي ،، و الأكسجين و الحديد "او المعدن بناع الجنط" = تآكل الجنط و تعرضه لخطر الصدأ !!!

وجود بخار المياه ده بردوا ،، و تحوله لقطرات مياه مع الحرارة و الأكسجين بردو ،، بيؤدي لحدوث صدأ و تىكل في البلف نفسه !!

ده معناه تسريب هوا من البلف كمان !!! !!

======================
كده عرفنا الوظيفتين الأساسيتين لمنفخ العجل نيتروجين بدل الهواء !!
في كمان حاجة قريتها ،، بتتكلم عن موضوع مص الصدمات ده

كتير قريت هنا في المنتدى ،، أنه بيُنصح بنفخ نيتروجين للناس المجنطة و كده ،، و انه بيساعد في مص الصدمات !!

لقيت ان فعلاً بيساعد في كده بس أوضحلكم ازاي

الغاز ده أخف من الهوا عامةً ،، أي نعم بمقدار بسيط ،،

الخاصية دي بتديه امكانية انه يمص الهبدة الي ممكن تحصل نتيجة المطب ،، و لكن ده مش بيحصل بجودة كبيرة زي مناس فاكرة ،،

لا ده بيحصل بس مش بأثر واضح أوي !! و لكنه بيحصل فعلاً

أسيبكم مع صور كده !! و لينكات المصدر

http://www.fitandfix.com/View/Services.aspx?ID=17
http://www.carwale.com/forums/viewthread-221.html
http://www.theaa.com/motoring_advice/safety/filling-tyres-with-nitrogen.html
http://lifestyle.iloveindia.com/lounge/nitrogen-gas-to-inflate-car-tyres-3606.html