محتاج مساعدة من خبراء تكيف ال e30

**sheko_2000eg** · 30-07-2011 04:39 AM

انا معايا bmw e30 318
انا لما اشتريت العربية كان التكيف فيها جاهز
لكن مش شغال المهم
كشفت عاند واحد في الحرفيين و قالي :
- العربية فيها كمبروسور ساندين 507 و قاعدته راكبة و جاهزة و بايظ خالص (سالت اكتر من واحد و قال نفس الكلام )
- الخرطيم فحمت و لازم تتغير
- يوجد كولر و يعمل لكن لايوجد هواء خارج من الفتحت - يباة لازم نحل الطابلوة .
- بكرة التكييف مش بتشتغل غير لما احيبه علي رقم 3 يعني 1 و 2 مش بيشتغله .
- السربانتينة صغيرة و بيقول ممكن تحتاج تتغير هي و المروحة بتعتها .
المهم باه الرجل قالي
- اني لازم اشتري كمبروسور ساندين 507 تاني جديد او استيراد
- لازم يفك الطابلوة و هيركب خراطيم من الكولر للفتحات
- لازم يجيب خراطيم اللي واصلة للكمبروسور جديدة.
- شحن الفريون
المهم الرجل قالي اجبله الكمبروسور و هو عليه الباقي
و هياخد 700 جنيه
و انا اجيب الكمبروسور بـ 1200 جديد او استيراد يعمل 500 جنيه

ارجو من الخبراء الافادة
- الراجل ده نصاب و لا ايه ؟
- راييكم ايه في اللي بيقولو الراجل ده ؟
- اعمل ايه انقذوني انا مش فاهم حاجة و هموت منغير تكييف

**sheko_2000eg** · 30-07-2011 08:22 PM

طيب محدش عاندو حل ليا و لا انا حاطيت الموضوع في حتة غلط !!!!!

**BMW5260** · 30-07-2011 11:09 PM

إن شاء الله يردوا عليك بس أصبر شوية يوم ولا يومين

**RA2OF** · 10-08-2011 06:58 AM

بس يا معلم انا اعاني نفس المشكلة برده
انا عايز كمبروسور علشان ال عندي بايز و عايز سربنتينة علشان العندي بايزة برده و خراطيم و مروحة
المهم انا لسة معملتوش بس اتسحلت في الحوار ده
انت عندك عدة حلول
1- أنك تجيب كب اس جديد او استعمال يعمله 500 و تجيب سربنتينة في حدود 250 و مروحة
و خراطيم بالشحن بكله .. لو الراجل ده هيغغيرلك السربنتينة و المروحة و باقي الحجات و شحن و كله ب 700 جنيه يبقي كويس
الحل التاني
أنك تجيب كباس يباني و سربنتينة ياباني برده و تقريبا نفس الاسعار بس الفرق أن الكباس اليباني جديد ب 700 جنيه تقريبا ..

**hanyhosney** · 10-08-2011 05:41 PM

[quote=ra2of;3873716855]بس يا معلم انا اعاني نفس المشكلة برده
انا عايز كمبروسور علشان ال عندي بايز و عايز سربنتينة علشان العندي بايزة برده و خراطيم و مروحة
المهم انا لسة معملتوش بس اتسحلت في الحوار ده
انت عندك عدة حلول
1- أنك تجيب كب اس جديد او استعمال يعمله 500 و تجيب سربنتينة في حدود 250 و مروحة
و خراطيم بالشحن بكله .. لو الراجل ده هيغغيرلك السربنتينة و المروحة و باقي الحجات و شحن و كله ب 700 جنيه يبقي كويس
الحل التاني
أنك تجيب كباس يباني و سربنتينة ياباني برده و تقريبا نفس الاسعار بس الفرق أن الكباس اليباني جديد ب 700 جنيه تقريبا ..[/q
كباس يباني ب 700 جنيه
مش عارف متهيائلي ده صيني
لان التكيف كباس
شوف يا شيكو يا اخويا انا معايا اخت عربيتك
بس ولاد الحلال كانو شايلينو خالص
مفيش تكيف في العربيه
المهم انا سالت 3
عندنا في المعادي
واحد قالي اجبهولك كامل استيراد
ب 2500 بالتركيب
وواحد فالمعادي الجديده
اسمو محمد سعيد معروف في المعادي قالي تكيف ياباني اقوي طبعا من الاستيراد
ب3800
وبعدين رحت للحاج طلعت في شارع
77 بالمعادي
ركبلي تكيف ياباني زي ال بيركب في التيوتا واللانسر بي 3000 ضمان سنه
المهم انت علي الوصف ال بتوصفه دي يبقي انت هترقع
ومش هيشتغل حلو
وهيفضل البيه الصنايعي يقولك اصل وفصل
وطبعا لو جبتو استيراد الله اعلم ولو جديد مش الماني
طبعا انا عارف الدنيا غاليه وحر
بس لو ركبت الياباني ب3000
احسن من اكتر من 2200
ومش هيديلك تبريد الدايو
ال انت متعود عليه
وربنا معاك

**iCaesar** · 12-08-2011 01:22 PM

للعلم بالشيء ...فيه نوعين من انواع غاز التكيف ... R134a الجديد و ال R22 القديم .. القديم أداءه اعلي شويه المفروض والغاز نفسه أتقل ... أتاكد قبل ما تشتري .. ان الكباس اللي هاتجيبه متوافق مع نوع الغاز ... و للعلم بالشيء .. مش بتفرق في الغاز بس .. بتفرق في حاجات تانيه في التكيف كمان .. فاحسن حاجه خليك في ال R22

**sheko_2000eg** · 13-08-2011 05:47 AM

خدو باه الجديد يا رجالة
الراجل جابلي كباس يباني علي غاز 22
و سربانتينة يباني و خراطيم جديدة بردو
بس الثلاجة عاندي شغالة و الحمد لله الثلاجة الماني بتاعت العربية
و بعد ماخلاص هنشحن و نشغل لقيت البلستكة اللي بتقفل علي المراوح
بتاعت الثلاجة اللي هي بتبان من صدر العربية يعني ضهر الثلاجة البلستكة ديه
او القميص ده مش موجود و مش عارف اعمل ايه
و كل مسأل حد يقول اشتري الكويل كله بـ1000 جنيه
ممكن حد يقولي اعمل ايه
انا بعد كل ده واقف و مستني و مدتش الراجل غير 800 جنيه من اجمالي حسابه 1500
نفسي حد يكون عانده كويل بايظ اخد منه القميص ده او حد يقولي اي حل تاني

**RA2OF** · 13-08-2011 06:03 AM

المشاركة الأصلية كتبت بواسطة sheko_2000eg

خدو باه الجديد يا رجالة
الراجل جابلي كباس يباني علي غاز 22
و سربانتينة يباني و خراطيم جديدة بردو
بس الثلاجة عاندي شغالة و الحمد لله الثلاجة الماني بتاعت العربية
و بعد ماخلاص هنشحن و نشغل لقيت البلستكة اللي بتقفل علي المراوح
بتاعت الثلاجة اللي هي بتبان من صدر العربية يعني ضهر الثلاجة البلستكة ديه
او القميص ده مش موجود و مش عارف اعمل ايه
و كل مسأل حد يقول اشتري الكويل كله بـ1000 جنيه
ممكن حد يقولي اعمل ايه
انا بعد كل ده واقف و مستني و مدتش الراجل غير 800 جنيه من اجمالي حسابه 1500
نفسي حد يكون عانده كويل بايظ اخد منه القميص ده او حد يقولي اي حل تاني

ممكن تقلي اسعار الحجات الا انت جبتها
و استفسار ممكن افيدك .. هو انت اصدك علي ال فبرايا ال بتقفل علي المروحة و بعدها بتحط ال فبرايا ال بتقفل كل ده من عند الماتور ؟

**sheko_2000eg** · 13-08-2011 10:04 PM

ايوة يا باشا
الفبرايا اللي بتقفل علي المروحة هي دي اللي انت قصدك عليها

التكلفة معرفش و الله - هو الراجل قالي هيغير كل حاجة و يشحن و يسلملي التكيف شغال ب 1500 ج

**RA2OF** · 13-08-2011 10:22 PM

المشاركة الأصلية كتبت بواسطة sheko_2000eg

ايوة يا باشا
الفبرايا اللي بتقفل علي المروحة هي دي اللي انت قصدك عليها

التكلفة معرفش و الله - هو الراجل قالي هيغير كل حاجة و يشحن و يسلملي التكيف شغال ب 1500 ج

طب بص يا باشا انا لما جيت اغير مروحة الداخلية علشان كانت بايزة عندي الفبرايا ديه تقط و مرضيتش تقفل علي المروحة كويس انا زبتها كده من جوا اصل اهم حاجة أن هي تبقي مقفولة كويس بعيد عن الموتور علشان متاخدش هوا من برة في جبت زي كرتون مقوي كده و قفلت علي المروحة كويس و بعد كده قفلت الفبرايا الاخيرة ال في ضهر الموتور و كده المروحة شغالة معايا كويس و بتجبلي هوا جوة بس لسة بقي باقي التكيف نفسه !! :d