ثبات الكيا ريو

**mohamed_marey85** · 30-07-2011 11:37 AM

السلام عليكم

أنا كنت عاوز أسأل الشباب اللي في المنتدى ومعاهم كيا ريو أو جربوها ; إيه رأيكم في الثبات بتاع العربية من بعد سرعة 100 ؟

أنا معايا ريو بقالي شهرين ; العربية بصراحة جوه البلد ممتازة بس بصراحة على الطريق بأحس إن العربية بتلعب من ورا بطريقة ملحوظة لدرجة اني بقيت اخري بمشي على 90 !!

وبتبقى تقريبا ماينفعش تمشي بيها لو في هوا جامد في الطريق ;تلاقيها حدفت جامد جدا

أنا عاوز اعرف هو المشكلة فيَّ أنا ولا في العربية بتاعتي ولا هي الريو كده ؟ (مع العلم اني كان معايا لانوس قبل كده وكنت بمشي 140 ومش متضايق زي الريو .

أنا سألت واحد بتاع كاوتش قال لي محتاج تجيب كاوتش 185 على الاقل ; اللي راكب فيها 175/70/r14

هل حد شايف إن ده حل عملي وحيفرق أو إيه الحلول اللي ممكن تتعمل وتتكلف كام ؟ عشان أنا بسافر كتير وتقريبا مش بسوق غير على الطريق الصحراوي ; وبقى الموضوع متعب بالنسبالي بصراحة لدرجة اني بفكر ابيع العربية

احقاقا للحق ; العربية في كل حاجة تانية ممتازة ; ماعدا موضوع الثبات ده :)

شكرا

**kimopops** · 31-07-2011 01:44 AM

وعليكم السلام

حضرتك الاول ممكن تقول موديل الريو اللي مع حضرتك او سنة الصنع

**mohamed_marey85** · 31-07-2011 12:16 PM

ريو سيدان 2011

**memo823000** · 31-07-2011 12:35 PM

انت محتاج جنط محترم + كوتش بردجستون يابانى 185/55/15 والحياه هتختلف معاك تماما
وبعدين ربط عفشه كويس + ترصيص + ظبط روايا + تربط على المقصات وعلبة الدريكسيون و العفشه الخلفيه
النتيجه العامة على اللى فات
ثبات ل 160 + تحسن كبير فى الفرامل (الا اذا كانت الريو فيها مشكله فى الثبات والعومان والتنطيط) بسبب خفة وزن البودى او التصميم او المساعدين (يعنى ممكن تكون محتاج مع الجنوط مساعدين غير اللى راكبه عندك) زى مساعدين النيو اكسنت او مساعدين مونرو او كونى حاجه زى كدا
لان انا مش مع راى انك تبيع لانك هتخسر كتير والعربيه لسه جديده فحرام
هيا الريو اللى معاك 1400 ولا 1600 ومانيوال ولا اوتو
واستنى بقيت الاراء

**yamr2006** · 31-07-2011 01:10 PM

السلام عليكم

احنا لسة جايبين ريو موديل 2011 اتوماتيك 1400 سى سى وماشاء الله كان اول تجربة ليها بعد الاف كيلو على طريق العين السخنة مشاء الله انا مشيت بيها 200 من غير تكييف لمدة حوالى 15 او 20 دقيقة واخويا مصورها فيديو هبقى انشاء الله ارفعهولك وكان راكب فيها 4 غيرى والثبات كان مشاء الله حلو فعلا عربية محترمة

ملحوظة : ممكن يكون فى مشكلة عند حضرتك فى ظبط الهوا انا كنت ظبطة على 28 علشان كنت مسافر يوم وراجع واكيد حضرتك شايف الجو عامل اذاى او حاجة مش مظبوطة فى العفشة لكن انطباعى الاول عن العربية مشاء الله عربية تحفة وربنا يكفينا شر الطريق

**mohamed_marey85** · 31-07-2011 04:29 PM

المشاركة الأصلية كتبت بواسطة memo823000

انت محتاج جنط محترم + كوتش بردجستون يابانى 185/55/15 والحياه هتختلف معاك تماما
وبعدين ربط عفشه كويس + ترصيص + ظبط روايا + تربط على المقصات وعلبة الدريكسيون و العفشه الخلفيه
النتيجه العامة على اللى فات
ثبات ل 160 + تحسن كبير فى الفرامل (الا اذا كانت الريو فيها مشكله فى الثبات والعومان والتنطيط) بسبب خفة وزن البودى او التصميم او المساعدين (يعنى ممكن تكون محتاج مع الجنوط مساعدين غير اللى راكبه عندك) زى مساعدين النيو اكسنت او مساعدين مونرو او كونى حاجه زى كدا
لان انا مش مع راى انك تبيع لانك هتخسر كتير والعربيه لسه جديده فحرام
هيا الريو اللى معاك 1400 ولا 1600 ومانيوال ولا اوتو
واستنى بقيت الاراء

ألف شكر لحضرتك ; أنا كنت بفكر في موضوع الكاوتش برده ; بس مش عارف المقاس المظبوط يبقى إيه ; هي العربية بتنزل بره 185/65/r14 أو 195/60/r15

بس أنا اسمع إن الجنط 15 ممكن يتعب المساعدين ; والمقاس 14 حاسس إنه مش فارق اوي بصراحة عشان كده محتار انهي مقاس يبقى أحسن

هي عموما ريو مانيوال 1400 ; بس مظنش إن في مشاكل في العفشة نفسها ; هي نفس العفشة بتاعت نيو اكسنت ; العربيتين حاجة واحدة بس مش متأكد من مقاس الكاوتش في نيو اكسنت بصراحة

**mohamed_marey85** · 31-07-2011 04:31 PM

المشاركة الأصلية كتبت بواسطة yamr2006

السلام عليكم

احنا لسة جايبين ريو موديل 2011 اتوماتيك 1400 سى سى وماشاء الله كان اول تجربة ليها بعد الاف كيلو على طريق العين السخنة مشاء الله انا مشيت بيها 200 من غير تكييف لمدة حوالى 15 او 20 دقيقة واخويا مصورها فيديو هبقى ان شاء الله ارفعهولك وكان راكب فيها 4 غيرى والثبات كان مشاء الله حلو فعلا عربية محترمة

ملحوظة : ممكن يكون فى مشكلة عند حضرتك فى ظبط الهوا انا كنت ظبطة على 28 علشان كنت مسافر يوم وراجع واكيد حضرتك شايف الجو عامل اذاى او حاجة مش مظبوطة فى العفشة لكن انطباعى الاول عن العربية مشاء الله عربية تحفة وربنا يكفينا شر الطريق

ألف شكر لحضرتك ; أنا بصراحة مش بأحس بمشكلة لما ابقى مركب ناس معايا ورا ; يعني لما يبقى في 2 قاعدين ورا مثلا فعلا بأحس إن العربية ثابتة وبجيب 160 عادي جدا ; بس المشكلة بتكون وأنا راكب لوحدي في العربية ; بأحس انها خفيفة من ورا

بس ما شاء الله ; فرحتني والله ; 200 بالريو :) ; ربنا يكفينا شر الطريق

**MoMaDoW** · 01-08-2011 03:46 PM

انا بافكر اجيب نفس عربيتك.. تنصحني بيها؟ ولو كده.. جبتها منين وبكام؟ اصل الاسعار بتفرق جامد من مكان لمكان.. وانا عايز احسن سعر ليها.. اللي هي 1400 المانيوال.. شكرا..

**mohamed_marey85** · 02-08-2011 10:24 AM

المشاركة الأصلية كتبت بواسطة momadow

انا بافكر اجيب نفس عربيتك.. تنصحني بيها؟ ولو كده.. جبتها منين وبكام؟ اصل الاسعار بتفرق جامد من مكان لمكان.. وانا عايز احسن سعر ليها.. اللي هي 1400 المانيوال.. شكرا..

والله هي في حدود السعر ده أنا شايفها كويسة

مميزات :

* تقفيل ممتاز
* تكيف ممتاز
* كماليات كويسة (تزيد عن النيو اكسنت فوانيس شابورة ومرايات كهربة ; مع الفرق لصالح الاكسنت إن موتور الاكسنت هو 1600)
* موتور أنا شايفه كفاية اوي على حجمها ووزنها
* أحسن ميزة استهلاك البنزين رائع ; الطبيعي 260 كيلو في 20 لتر ; جوه البلد مع التكيف ; عالطريق بتوصل الى 300

عيوب:
* ممكن ناس تشوف انها مش واسعة اوي ; بس أنا بركب فيها 3 ورا عادي ومش بتهبط على الأرض اوي
* مساعدين ناشفين بتخليك تحس بالمطبات ; خصوصا اللي قاعدين ورا
* موضوع الثبات اللي أنا بأتكلم في ده غالبا هو مشكلة عندي أنا ; أنا خليت ناس تجرب العربية وكله قال مفيش حاجة (أنا كنت عامل حادثة قبل مااجيب الريو فـواضح اني بقيت موسوس ; ربنا يكفينا جميعا شر الطريق )

التوكيل جربته مرة واحدة في صيانة 1000 ; كان عادي يعني

أنا كنت جايب 1400 مانيوال ; من طارق اسماعيل ; في شهر 5 اللي فات ; اخدتها 81 ألف ; واستلمت بعديها بيومين ; كان وقتها التوكيل قال لي 84 ألف واستلم بعديها بـشهر