الموضوع: استفسار بخصوص صيانه ال 1000

المشاركة الأصلية كتبت بواسطة y2y1500

يافندم ما ينفعش ابدا ومش مستوعب ان حضرتك لسه دافع 87 الف ج او اكتر كمان ومستخصر تروح تعمل صيانة مجانية المصنعيات ومش هاتكلفك اكتر من تمن 3 لتر زيت موبيل 1 (75ج*3=225ج + 50ج فلتر زيت) وتطمن ع العربية وحالتها الزيرو
على فكرة صيانة ال1000 كم اهم صيانة فى عمر العربية لأنهم بيكشفوا على كل اجزاء العربية وعيوب التصنيع والتجميع فى المصنع ويسجلوا بيانات عربيتك ع الجهاز وتفعل ضمان العربية اللى بيستمر 100.000 كم او 3 سنين ايهم اقرب وبيضمن حقك فى اصلاح او استبدال اى جزء به عيب فى العربية
وييجى بعدها من حيث الاهمية صيانات ال40-80-120 الف كم
وبعديها ال20-60-100 الف كم
اما صيانات ال10-30-50-70-90-110 الف كم فكل اللى بيتم فيها تغيير زيت وفلتر وشد فرامل وتربيط عفشة وبس
ارجوك ما تستخصرش فى عربيتك وروح بيها اى مركز خدمة قريب منك وياريت تشيل من دماغ حضرتك فكرة ان اى توكيل حرامى وبتاع فلوس وبس لأن نيسان مش كده ويكفيك ان تدخل وتقرا كم المشاكل اللى حصلت لآعضاء معانا هنا فى المنتدى واتحلت من غير ما يدفعوا اى مليم لمجرد انهم مواظبين على الصيانات فى مواعيدها
اما بخصوص الترصيص وزبط الزوايا لك مطلق الحرية بس جوة التوكيل بحجز مسبق او ممكن تروح اى مكان تبع بريدجستون تعملهم فيه
وآسف ع الاطالة ...

يا سعاده الباشا اولا متشكر لاهتمامك وردك السريع
عايز بس اوصح لحضرتك انى مش مستخصر ابدا
انا ماقولتش مش هاعملها انا بسأل لو ممكن أأخرها لحد 1700 كم
عشان ظروف شغلى وانى مسافر بالعربيه ومش هالحق اروح الصيانه قبل السفر
ولما ارجع هاتبقى عامله حوالى 1700 كم
عشان كدا كنت عايز اغير زيت قبل السفر
دى الحكايه
لكن انا كدا كدا هاروح انشاء الله الصيانه

وطبعا النيسان عربيه الحمدلله الواحد مايستخسرش فيها اى حاجه

لأنى سألت ف مركز الصيانه وقالى ان الصيانه مش اقل من ساعتين دا غير ظبط الزوايا والكلام دا

ف هل ف مشكله لو غيرت زيت وترصيص برة ؟
وهايعترضو على كدا ف التوكيل لما اروح بعد 1700 كم ؟؟

ومتشكر كمان مرة للاهتمام