المشاركة الأصلية كتبت بواسطة elshaky
انا هجيبلكم الخلاصه ( الزتونه ) الناس بتاعت البروتون فرحانه بالساجا محدش قال حاجه بس افرح على قدك وبليز ابعدوا كل البعد عن الهوندا سيفك لانى بشد بيها مع بى ام ومرسيدس مش ساجا بجد حرام عليكم العربيه ماتور فوق الجبار ومتنسوش ده احادى الكامه كمان يعنى مش كامه مزدوجه وبعدين اخر بتاع الساجا ده كام اخره هيجيب 200 لكن بعد ال 200 ربنا يعينه لان اخر سرعه كنت ماشى بيها كانت 225 على طريق اسكندريه ويكفى انها تتخطى خط ال200 وانت فى قمه الثبات والتحكم
اللى بيقول عايز يشد مع عربيه 1600 يجيلى وانا اعرفه يعنى ايه هو اخره يشد مع عربيه 1300
انا عربيتى رينو لوجان الهورس باور بتاعها 90 والساجا 94 انا عايز اشوف انهى سواق فى المنتدى معاه ساجا ويجى يعدينى انا عربيتى ستوك ومفيهاش حتى فلتر سبور ونطلع سوا على اى طريق هو عايزه ونقضيها ملفات وغرز لبكره الصبح ويخلى بالله مش بالماتور بالسواق يا باشا وبعدين انا جربت اشد معاها على طريق القاهره السويس الصحراى وكان عمال يحرق وبيموت وهو ماشى على 160 ومش قادر يجبنى وكانت معانا جين تو والحمد لله علمت على الاتنين (العبره بالسواق )
اسف على الاطاله وبليز يلاش سيره الهوندا سيفك هنا لانكم كده بتقلوا من قيمتها جامد اوى اوى اوى اوى