حرام عليكم يا جماعة. الساجا حلوة و السيفيك حلوة و كل واحد عاوز يثبت أن عربيته أحسن عربية في الدنيا.
رحم الله امرىء عرف قدر نفسه.
الواحد لما بيجيب عربية بيجيبها علشان تصونه و أهله من بهدلة المواصلات مش علشان يدخل بيها ناسكار.
و على العموم الشباب المغامر اللي عاوز يدريفت و يفحط و يهبل فيه أماكن مخصوصة للحاجات دي غير الطريق العامة.
اقرأوا الموضوع ده و حاولوا تتعظوا
http://www.nilemotors.net/Nile/236650-a.html
الواحد بيبقى هيعمل ميت حادثة كل يوم بسبب شوية ناس معنهاش إحساس بالمسئولية بتاخد غرز و تكسر على اللي سايقين في الطريق. و أنا قادر تماما أني أربيهم و أعرفهم يعني ايه سواقة أو ألبسهم في أي رصيف أو عامود نور لكن بقول أني كده هكون أسوأ منهم.
و آخر حاجة عاوز أقولها مبنفعش تقارن تفاح مع برتقال. كل عربية لها فئة لترية و فئة سعرية و بلاش نحلم و نفتكر اننا راكبين بوجاتي. الساجا عربية ممتازة بالنسبة لسعرها و أعلى شوية من سعرها كمان. لكن لو معايا أجيب مرسيدس هقول على الساجا و السيفيك انهم توك توك و في نفس الوقت مينفعش أتنطط على صاحبي اللي راكب ماروتي.
ياريت تكون الفكرة وصلت.
المفضلات