هل اقوي سيارة في مصر 1600تساوي اصغر سيارة بروتون 1300

**newcar2011** · 09-08-2011 01:13 AM

الجين تو جميله اشتريها توكل على الله

**saadelden** · 09-08-2011 01:48 AM

انا هدخلكو بال 131 و هنشوف مين الي مش هايسبق :p

انا لغايه دلوقتي مجنناني البيتلز كل ما اشد معاها بردو بتعدي !!!

**mememsaid** · 09-08-2011 03:58 PM

ماتنسوش تقولولنا امتي المعاد وفين
وانا بقترح عليكو طريق السخنه

**أبوعائش** · 09-08-2011 04:59 PM

طيب هو انا ينفع أرجع عربيتي؟؟؟
يا جماعة انا اكتشفت اني اشتريتها غلط من المووضوع ده...التوكيل فيه ترجيع؟؟؟
ياخي سبحان الله ...يضحكوا علينا ويقولولنا اشتري عربية توصلك من البيت للشغل
واهي تحمي اهلك من المواصلات والسواقين
انا اللي غلطان اني مدورتش كويس الناس بتشتري عربيات ليه...
وتصدقوا إن ابويا نفس الحوار...معتقد نفس اعتقادي... يعني عمره ما جرب يشد مع حد
جايز الكذبة دي قديمة شوية.. من أيام ما ابويا اشترى عربيته ..
أو تقريباً الشركات النص كم - زي البروتون وأي شركة مش ياباني أو ألماني أو كوري أو مش شركة عربيتك - بتحاول تسوق بيه عربياتها التعبانة -على حد زعمكوا-
أشكركوا يا جماعة جداً ....
انا هبيع الواجا واشتري...................................... ..............الترماي ... على الله ما يطلعش صيني
- والله قلبي مقفول من الموضوع ده وياريت يا استاذ صلاح بلاش موضوع التحدي ده, العمر مش بعزقه
والمشكلة مش في ان حد يكون ماشي على الطريق...
حط إحتمال 1 في المية إن على سرعة 150 كم الإطار انفجر
واهي مش مشكلة سواقة أو سوء تحكم منك...
فيه فتوى إن الميت في الحوادث الناتجة عن هذه السباقات ( منتحر شرعاً)
ربنا يحفظك ويحفظلك الساجا اللي هي أجمد عربية بالنسبة لك..
ويحفظ كل أعضاء المنتدى اللي عربياتهم هي أجمد عربية بالنسبة لكل واحد فيهم..
والهوندا أجدع ناس...بس يبطلوا شد

رمضان كريم

**mmffor** · 09-08-2011 07:16 PM

ارجو من الزملاء تبادل ارقام المحمول على الخاص
و الاعلان على العام مكان و زمن المقارنة

**Ashraf_Ibrahim** · 09-08-2011 08:54 PM

انا متابع معاكم الموضوع لما نشوف النهاية ايه بالظبط !

**eldode** · 11-08-2011 11:19 PM

يا شباب
مع احترامى ليكم الطريق مش بتاعكم لوحدكم يعنى لو كل واحد يفتكر ان ممكن يكون والده او والدته او اخته او اخوه سايق و حد عمل من قدامه غرزة و لا قدر الله لبس فيه او خلاه يتلخبط و يلبس حيكون ايه شعور الى بيتسابق
كمان اعتقد ان المفروض ان احنا نحافظ على حياتنا و حياة الناس البلد محتاجة كل مساعده دلوقتى من اى حد منا
و بعدين العربيات الى معانا معمولة علشان توصلنا من مكان للتانى و احنا مرتاحين مش علشان نتسابق بيها
كل واحد مننا عربيته حلوة و مريحاه و الآ مكانش اختارها
و ارجو ان مفيش حد يزعل من الكلام الى قولته