الموضوع: مشورة : أبيع الاكسيل و اشترى السيفيك 92 و لا لاء

السلام عليكم وكل سنة و انتم طيبين و رمضان كريم علينا جميعا

معايا أكسيل 93 اتوماتيك من حوالى سنة والحمد لله مش محتاجه اى مصاريف لانى مهتم بيها. صاحب اخويا عاوز يبيع عربيته سيفيك 92 اوتوماتيك si هى العربية معاه بقالها حوالى سنة معاه والمفروض ان حالتها حلوة بس انا ما شوفتهاش لسه

انا معرفش حاجة عن السيفيك غير ان شكلها عاجبنى من يوم ما نزلت واعرف ان الموتور ال si محترم والعربية فى مجملها حلوة و ركوبة
أما الاكسيل فانا حافظها عن ظهر قلب و قطع غيارها سعرها رخيص ومتوفرة فى كل حته وبتاخد بنزين 80 من غير مشاكل و مع انى بسمع ان الاوتومتيك بتاعها مش مرغوب فيه لكن انا الفتيس عندى بتاع لانسر وما شاء الله مريحنى جدا فى السواقة ومش ناوى اركب غير اوتوماتيك بعد كده لان عربية اخويا مانوال وبيطلع عينى بيها لما الطريق يقف

انا استخدامى للعربية بسيط و خصوصا ان بسافر بره كتير و اكتر حاجة محتاجها من العربية انها تبقى مريحة و اعطالها قليلة عشان انا ماليش صبر على الميكانيكيه

دلوقتى عربيتى عييبها ان التكييف عاوز يتصلح عشان كان سرب فريون و طرمبة الباور حالتها 65% غير كده كله تمام
عاوز اعرف عربيتى تعمل كام ؟
- موديل 1993 كورى
- عداد 195 الف
- حالة الخوارج رشة نظافة من سنة و حالتها حاليا 90 % والباقى خرابيش الشارع المصرى
- حالة الدواخل فبريقه
- ماتور فابريكه ما اضربش فيه مفك
- اللون نبيتى
- الرخصة فيها 3 شهور تقريبا
- الصالون حالته 80%
- الكاسيت الاصلى

ها ابيع الأكسيل و اشترى السيفيك ولا اللى تعرفه احسن من اللى متعرفوش؟؟

بص ياباشا أنا إمتلكت الأتنين وأوتو أيضا

ومش هقولك غير جرب تركب السيفيك بس

ساعتها هتحس أنك كنت راكب عربيه لعبه

بجد مش أى كلام

وموضوع قطع الغيار والبنزين صحيح 100%

والسيفيك قطع غيارها غاليه بس معمره جدا

ومش أى حد يفهم فيها

لازم متخصص

وممكن تراجع الموضوعات دى

والقرار أليك
http://www.nilemotors.net/Nile/182534-a.html

http://www.nilemotors.net/Nile/189865-a.html