فلتر التكييف شكله كده طبيعي ؟؟؟؟ !!!ولا لأ ؟؟؟!!!! ....

**goudamahdy** · 31-07-2011 03:49 AM

أنا شوفت المشاركة اللي هنا ف المنتدى للأستاذ احمد ( http://www.nilemotors.net/Nile/230287-a.html )
وحبيت انظف فلتر التكييف لأنه راكب من زمان شوية ...... وطبيعة البلد عندنا بيبقى فيه تراب كتير في الجو .

الحمد لله فك الفلتر كان سهل جدا ونفضته في البنزينة وحاولت بقدر المستطاع بحتة ورقة تنظيف طيات الفلتر التي تراكم فيها التراب ...و و وحاجات تانيه بلاش أقولكم عليها ....

المهم فوجئت إن الفلتر زي ما يكون " متعوج " من الناحية اللي بره ( زي اللي في الصورة كده ) ولما راجعت مشاركة المهندس بيشوي ( http://www.nilemotors.net/Nile/228012-a.html )
لقيت الفلتر شكله غير اللي عندي .... فيا ريت تفيدوني ... ده شكله طبيعي ولا مش طبيعي .... إن كان كده أقولهم ع الموضوع ده في الصيانة الجاية ويشوفوه .....

بس التكييف شغال طبيعي ولله الحمد وما فيهوش أي مشاكل ....

وسؤال أخير ممكن احط " بخة " من معطر أو أي حاجة ريحتها جميلة على الفلتر بحيث الهوا اللي طالع من التكييف يكون ريحته جميله ( أهي فكرة وخلاص ) ولا ده ممكن يبوظ الفلتر؟؟؟!!!

ودي صورة الفلتر

-------------------------

تنبيه للعضو , الكتابة باللون الاحمر مخالف لقواعد وقوانين المنتدى فهو مخصص للمدخلات الادارية من الادارة فقط

يرجى مراجعة قواعد وقوانين المنتدى

مشرف القسم

15 ب

**FBIAhmed** · 31-07-2011 11:41 AM

بص هو مش عادي ممكن يعدي تراب من الحته المعووجه دي بس شغال هي اصلا مش نازله بفلتر و ممكن تحط زيت فواحه فيه بس مش كتير

**Ahmed.TV** · 01-08-2011 03:34 PM

هو هو فلتر التكيف اللى راكب عن بيشوى حتى فى الصور وعند الناس كلها ..

اما بخصوص الاعوجاج ده .. تلاقى بس اللى ركبه زنقه فى حاجة والمكان اللى راكب فيه ضيق ومتفردش فيه كويس .. فعادى .. متقلقش

بس فالموضوع مفهوش حاجة تقلق يا دكتور واطمن خالص يا حبى

وكل سنة وانت طيب يا صديقى العزيز .. وان شاء الله نتقابل معاك قريب فى الفطار الجماعى باذن الله او بعد العيد .. لان نفسنا نعقد معاك حقيقى والله

**Youssef.Awad** · 01-08-2011 04:20 PM

ما تقلقش من شكله
عادى والتعويج ده من الدرج لأنه ضيق ومقاسه بالزبط وطالما الياف الفلتر سليمة ومش بتسرب يبقى زى الفل
رمضان كريم

**Youssef.Awad** · 02-08-2011 02:09 AM

المشاركة الأصلية كتبت بواسطة goudamahdy

ا

الله أكرم وربنا يبارك فيك ويعزك يا دكتور يوسف

وربنا يطمنكم جميعا

وكل عام وانت والأسرة الكريمة ( اللي لسه ههتكون بعد العيد ان شاء الله ) بخير

وربنا ييسرلك أمورك

وانت بخير وسعادة يا دكترة