برجاء المساعده من اهل الخبره في البازوكا

**unks** · 31-07-2011 08:53 AM

السلام عليكم : انا عندي بازوكا jbl 1000 w القديمه بقالها معايه سنه وخمس شهور من يومين لقيت ريحه غير طبيعيه جيه من شنطة العربيه للصالون جوه نزلت وفتحت الشنطه لقيت ريحه غير عاديه ولقيت الجي ام سخن نار افتكرت انو من الجي ام وبعدها لقيت ان الريحه خارجه من البازوكا نفسها والمغناطيس بتعها سخن بدرجه كبيره جدا وان الريحه دي طالعه من البازوكا نفسها مع العلم اني جربت الباوزكا على كاسيت كبير عندي في البيت اشتغلت بس بتسخن بردو وبطلع ريحه ارجو من اهل الخبره افادتي في الرد على مشكلتي هل البازوكا كده باظت ولا ايه واسف على الاطاله وشكرا

**beetleMOSH** · 31-07-2011 11:31 AM

بنسبه كبيره كده الكويل بيودع

و متشغلهاش عشان متبوظش الجى ام
لان الموضوع ده لسه حاصل مع واحد صاحبى مفيش اسبوعين

و فضل مشغل الصب
لحد ما الجى ام باظ و الصب كمان باظ

**rotanamasoud** · 31-07-2011 12:09 PM

على كده يا بيتل النسبه والتناسب بين الواط بتاع الجى ام والبازوكا مهمه جدا
يعنى انا الجى ام بتاعى 260 يبقى انا فى قمه الامان وممكن تشغيل 24 ساعه (ومرتاح عليها جدا ومبيسخنش)
طيب بالنسبه لصاحب الموضوع الجى ام بتاعك كام واط ونوعه

**max_ziro** · 31-07-2011 01:21 PM

هل الكويل دة يمكن تصليحة ولا كدة البازوكا ضاعت ؟؟

**rotanamasoud** · 31-07-2011 06:32 PM

والله يا بيتل انا معلى الجاين على الاخر خالص ايه الخطوره فى كده فهمنى
وانا عايز اعرف من صاحب الموضوع الجى ام اللى عمل كده فى البازوكا لان ال 250 rms بتاعت البازوكا مش قليله
ونصيحه بلاش حكايه لف الكويل دى انا شايفها مش عمليه جيب صبايه تانيه افضل

**unks** · 01-08-2011 08:32 PM

السلام عليكم : انا موصل البازوكا على جي ام سيمفوني 700 وات 2 تشانيل وموطي الجاين كمان بس انا اول مره يحصل كده للبازوكا بس المهم انا موصلها عندي في البيت وشغاله بس ليه لما بحطها في العربيه بتسخن كده وللعلم انا كنت جايب الجي ام مع البازوكا

**rotanamasoud** · 01-08-2011 10:31 PM

طبعا 700 بريدج انتحار للبازوكا كده العيب ان الجى ام عالى اوى على البزوكا

**unks** · 04-08-2011 08:47 PM

السلام عليكم : طيب يعني اوطي الجي ام ولا ايه طيب وينفع اوصل البازوكا والصب على الجي ام ده ولا ايه يعني ال 700 ده كويس على البازوكا والصب بس ده 2 تشانيل بس ارجو الافاده

**eslam_diaital** · 04-08-2011 09:03 PM

اخى الكريم بالنسبة انك بتشغلها فى البيت عادى الانى على طرانس او بور صبلاى الامبير واطى اما بتشتغل على السيارة الجى ام بياخذ الامبير الطبيعية بتاعة بيشتغل بكفاتة وبيدى الصوت الصح فا ما بتستحملش البازوكا معاك الانة 700 فا دة شى طبيعة السماعة الملف النحاس يتحرق والفيبر الداخلى من قوة خرج الجى ام