طلب بعد إذنكوا

**احمد عبدالله** · 07-05-2008 02:28 AM

يا اخوتي هو سوق العاشر بتاع المستعمل ده ممكن ألاقي فيه أي عربية أنا عايزها ؟ يعني لو بدور على جولف 5 من 2005 - 2006 لازم ألاقيها هناك و ممكن ألاقي كام واحدة أختار بينهم ؟
وتختارولي إيه جولف 5 و لا أكتافيا a5 2006 ودي هتبقى بكام ودي بكام ؟
دي إن شاء الله هتبقى أول عربية ليا فعايز أعرف هو المستعمل لازم كله لكشة واحدة في الدفع ولا ممكن تاتا تاتا قصدي ممكن أدفع 80000 و بعدين 60000 بعدها بشهرين بس على ما أفك الوديعة اللي في البنك ؟

ألف سكر ليكوا
على فكره أنا عاقل في السواقة عندي 20.5 سنة في 4 طب مش فارق أوي معايا السحب بس لو موجود يكون أحسن بس مهم عندي الحجم أنا بحب العربية كبيرة ساعات يحس إن الجولف كبيرة و ساعات يحسها صغيرة مش عارف ليه وبيضايقني فيها إن ماحدش بيديها تمنها أنا مش بحب التنطيط بس مبقاش راكب عربية ب 140000 و حد يفكرها ب 40000

**elayat** · 07-05-2008 02:35 AM

لو ميزانيتك كده
أنا من رأيى إنك تشترى زيرو وتفكك من دوشة المستعمل
إشترى زيرو تنسى حاجه إسمها ميكانيكى لمده كبيييييييييييرة (مع الصيانة الدورية طبعاً)
وعلى العموم أهم من ده كله صلاة الإستخارة
والله المستعان

**معاذ الشرباصى** · 07-05-2008 04:02 AM

شوف الجولف 5 المعروض فى الوسيط

صعب اوى حد يرضى يقسط لك الباقى, لكن موجود

بس يستحب لما فلوسك تبقى جاهزة اشترى

يعدين يا عم انت فى طب ايه و سنة كام؟

انا فى القصر العينى, سنة رابعة

**SEATLOVER** · 07-05-2008 09:34 AM

كل اللى بتقولة يا احمد ممكن ..ماتقلقش
المهم تكشف على العربية كويس
والجولف صعبة شوية انك تلاقيها فى السوق لكن ممكن جداً فى الوسيط احسن
والاتفاق على الفلوس ممكن دى بتبقى (تسهيلات )
المهم تظبطوا الورق انت و البايع

**Karim_Monir** · 07-05-2008 09:53 AM

لو عايز عربية حجم ومنظر بقي طالما دافع 140 خليك في الاوكتافيا ال A5
او السيات توليدو 145 الف مانيوال بس عربية انسي ماحدش عمرة هايستقل بيها وهيا كلها البلات فورم بتاعت جولف موتور وعفشة وشاسية بس عليها علامة سيات وشكل احلى من جولف في نظري وهاتبقي زيروووو وده تمنة كتير وووقتها ممكن تقسط الباقي فعلا

الجولف موجودة في السوق وفي معارض محترمة بتشتغل في النضيف
في معرض اعرفة واعرف صاحبة اسمه زهران موتورز في اخر عباس العقاد شمال اخر سور وندر لاند
الولد اسمه احمد زهران او عمرو مجاهد كلهم من طرف كريم منير
يظبطوك قوي هما ما بيتغلوش في في النضيف وهاتعرف من مناظر العربيات اللي واقفة هناك وحالتها
وما بيشتغلوش في المقلوب ولا راشة دواخل ولا ليهم في الحوارات دي خالص

**hazem_khidr** · 07-05-2008 06:49 PM

مره زيت الفتيس نقص بدل ماروح لواحد متتخصص علشان مفتاح الالنكيه قمت رايح لخراط في الهرم و قمت نازل تحت العربيه و خرمت الصاموله و قلتله فصلي صاموله ليها
و عادي بعدها ب 4 شهور الفتيس مخرف و العربيه بتهرج قمت راكنها شهر علشان امتحان الجراحه بيه
طلع ان العربيه عاوزة فتيس ب 2000 جنيه استيراد و طبعا قمت مغير الاسطوانه و الديسك
يعني وفق نفسك معاها

يااااااااااااه

كل دا في عربيه فولكس
لاء و ايه الماني كمان

دا ال128 ما تعملش كده :p:p:p

**SEATLOVER** · 07-05-2008 07:15 PM

المشاركة الأصلية كتبت بواسطة hazem_khidr

يااااااااااااه

كل دا في عربيه فولكس
لاء و ايه الماني كمان

دا ال128 ما تعملش كده :p:p:p

لا طبعاً ال 128 ماتعملش كدة
عشان اللى فيها دة مش فتيس
دى عصاية مثبتة من احد الطرفين
:D:D:D:D

بص يا د.احمد عبد الله
معلش انا بختلف مع كل اللى قال اوكتافيا
دى عربية وركوبة ...ودى عربية وركوبة تانية خالص
بس حاول تشوف كسر زيرو لها مش مستعمل حتى لو تصبر شوية

ربنا يوفقك إن شاء الله

**mohamed ibiza** · 07-05-2008 08:29 PM

تصحيح بس لكريم منير التوليدو سعرها نزل بقي 136 الف و ليون بقي 143,500

Ibiiiiiiiiiiiiiiiiiiiiiiiiiiiiiiiiiiiiiizzzzzzzzzz zzzzzzzzzzzzzzaaaaaaaaaaaaa For Ever

**mohamed ibiza** · 07-05-2008 08:35 PM

رأي في موضوعك تجيب زيرو ازاي تجيب زيرو تخلي ال 80 الف معاك و تفك الوديعة و تحط عليهم 60 الف و تجيب ليون زيروووووووووووووووووووووو وووووووووووو موتور و شاسيه و عفشة و فتيس جولف و تصميم سيات متفوق علي الجولف ة كمالياتها شديدة Abs+ebd فتحة سقف سنتر انذار 4 ازاز كهربا 8 اير باجز كار كيت بلوتوث تكييف تتش تقريبا زي التوليدو امبيرها 240 Rpm80 عربية تحفة من جوا و من بره ممتازة اختبارات امان 5 نجوم ثباتها ممتاااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااز
عربية تحفة و زيرو الناس ملها هتمشي تتفرج و اعتمادية عالية للموتور و القطع و كفاية حركة الباب الوراني مش موجودة غير في الفا روميو 147

Ibiiiiiiiiiiiiiiiiiiiiiiiiiiiiiiiiiiiizzzzzzzzzzzz zzzzzzaaaaaaaaaaaaaaaaaaa For Ever