احترسوا سرقة بعض الاشياء من لانسر بوما 2008

**elhamzy** · 31-07-2011 10:12 AM

السلام عليكم ورحمة الله وبركاته

كنت قاعد فامان الله بزور قرايبى فمدينة السلام نزلت بالصدفه اجيب حاجه من العربيه لاقيت 3 اشخاص ماشيين وشايلين حاجتى المهم انا طبعا محطتش فدماغى انها حاجتى انا اكتشفت بعد كده روحت وفتحت شنطة العربيه اجيب الحاجه لاقيت السقف والازاز مترب شويه المهم ببص على السقف مالقيتش الجرايد الجلد اللى هيا واصله من البربريز اللى ادام للى ورا مرورا بالسقف بيقولو عليها مزراب (الناحيتين) سبت الشنطه مفتوحه وطلعت لاول الشارع لاقيت العيال اول لما شافونى راحو جاريين جريت وراهم لحد لما نفسى اتقطع دخلوا ناحية مساكن الظباط كده انا كنت فمساكن صف الظباط المهم انى كنت سايب الشنطه مفتوحه وفيها حاجات كتير شخصيه وفى حاجات طلعتها بره سبتها جنب العربيه وجريت بقيت فى حيره انى اكمل جرى او ارجع المهم فضلت انى ارجع وانقذ ما يمكن انقاذه رجعت الحمد لله لاقيت حاجتى بس اكتشفت حاجات تانى بس بسيطكه الحمد لله (كفة المرايه الشمال+المثلث الصغير بتاع المرايا الشمال برضو) المهم الحمد لله على كل شئ واستعوضت ربنا بعد لف ساعتين فالمنطقه بس اللى مزعلنى السرقه اللى بقت بدرى اوى دى تخيلو الساعه كانت 10 بالليل والناس اللى مبقتش تساعد حد وانا بجرى بتحايل عالناس تجرى معايا يبصولى ويقولولى فى ايه اقولهم الناس اللى بتجرى دى سرقت منى حاجات فالعربيه انا مش قادر كملو معايا يروحو منفضينلى وماشيين

عوضى على الله معلش طولت عليكم
لكن حبيت اقولكو خدوا بالكم وحيات ابوكم من عربياتكم ودى غلطتى لانى مش مركب انذار كان قدامى عربيه دايو راكنه بس فيها انذار محدش قربلها

**MASERATI** · 31-07-2011 11:19 AM

السلام عليكم و رحمة الله و بركاته

من كتر ما الناس بتتكلم على السرقة, زى الموضوع بتاع حضرتك و الموضوع بتاع الأخ الفاضل الى نزل من العربية يشترى حاجة من كشك و سابها فيها المفتاح و يدوب فى خلال أقل من دقيقة, لقى الحرامى أخدها و طااااااااااااااااار, بقيت حاسس أن كل عربية دلوقتى ماشى وراها حرامى مستنى 15 ثانية بس, هو مش محتاج أكتر من كده, صاحبها يدوب بس, يتاوب و يغمض عينه لمدة 10-15 ثانية و تلاقيه هووووووووب, قام ناطط فى العربية و يا فكيك .

**medociv** · 31-07-2011 11:57 AM

قدر الله وماشاء فعل وربنا يعوض عليك
اللهم ااجره في مصيبته واخلفه خيرا منها

**elhamzy** · 31-07-2011 01:02 PM

ربنا يسترها معانا كلنا بس بجد دى بقت حاجه غريبه دى فشارع وقدام بلكونات يعنى مش راكنها فصحرا مثلا ولا حاجه دى وسط الناس وقدامها ووراها عربيات كتير مش عارف بقى يعنى مثلا لو انا سايب فيها المفتاح او سايبها مفتوحه كنت هجيب اللوم على نفسى لكن كده انا مش عارف الوم مين

العوض على الله

**mohammedabdallh** · 31-07-2011 03:12 PM

ربنا يعوض عليك ويديك احسن منها
من يوميت برده اتسرقت او وقعت بس دى بعيد طبعا ماركه العربيه الى قدام عندى كانت اصليه ((علامة لانسر )) وملزوقه على الكبوت بطريه مش عارف اقول ايه واتسرفت ازاى مش عارف
الحمد لله على كل شى