اخويا عايز عربيه و بعد ما شاف اللى معاه استقر على واحده من الاتنين دول و سألنى اجيب ايه فيهم قولتله هجيبلك خبرهم من اكتر ناس خبره فى العربيات :)
لو حد عنده معلومه يتبرع بيها اكون ليه شاكر ....
عرض للطباعة
اخويا عايز عربيه و بعد ما شاف اللى معاه استقر على واحده من الاتنين دول و سألنى اجيب ايه فيهم قولتله هجيبلك خبرهم من اكتر ناس خبره فى العربيات :)
لو حد عنده معلومه يتبرع بيها اكون ليه شاكر ....
logan
طيب ادينى شوية اسباب علشان اعرف اقنعه :)
مش انا الى هقولك....شوية وهتعرف :]
انا معايا لانوس بس اسمع ان منصور بوظ اللانوس والشيفروليه فيها مشاكل وتقفيلها وحش لو يعرف يجيب حاجه لانوس كسر زيرو يبقي احسن ويوفر الفلوس
لوجان اسمع انها حلوه قوي بس قطع غيار اغلي طبعا من اللانوس واعادة سعر البيع اوحش من الانوس
لو قدرت تجيبها دايو لانوس بحاله حلوه يبقي انت الكسبان توفر نزله السعر في الزيرو و تبعد عن شيفروليه من بعد ما منصور قام بالواجب مع العربيه و دفنها و الحمد لله .
و ربنا يوفقك لما فيه الخير و تعتر في حاجه حلوه و كل سنه و انتم طيبين بمناسبه شهر رمضان المعظم اعاده الله علي الأمه الأسلاميه بالخير و اليمن و البركات .
المقارنه دية اتعملت كتير ودايما اللوجان تتفوق
عموما كل عربيه ليها مميزاتها وعيوبها بس كفة اللوجان ارجح
اللوووووووجان افضل وعن تجربة كافية للاتنين
لوجان يا باشا
عربيه محترمه و عن تجربه
لوجان احسن
لوجان اقوى
لوجان أأمن
لوجان اوسع
لوجان امتن
لوجان عفشة
لوجان احسن فى كل حاجة من الالنوس لوقرنت حتة حتة فى العربية اللوجان احسن فى كل حاجة دة حتة فرد الكاوتش احسن :E_braces[1]:
السلام عليكم
نصيحة..... اتجه للأوروبي وبلاش كوري وصيني دي عربيات بلاستك، اشتري أوروبي ولو متجمع في مجاهل أفريقيا، اللوجان لا بأس بها على الأقل معدلات الأمان والتزان أعلى من الكوري والصيني بمراحل، والأوبشن مش تكييف وباور وكاسيت، كل العربيات النهاردة كدة، اللوجان عفشتها أعلى من الكوري وصاج امتن نسبيا لأن كل عربيات العالم حتى الفولفو مبقاش زي زمان، لو حد قالك إن قطع غيار اللوجان أغلى من الكوري كلامه صح بس قوله إنها معمرة أكثر من الكوري مرتين. وبالتوفيق
[QUOTE=benmatar;3873701739]السلام عليكم
نصيحة..... اتجه للأوروبي وبلاش كوري وصيني دي عربيات بلاستك، اشتري أوروبي ولو متجمع في مجاهل أفريقيا، اللوجان لا بأس بها على الأقل معدلات الأمان والتزان أعلى من الكوري والصيني بمراحل، والأوبشن مش تكييف وباور وكاسيت، كل العربيات النهاردة كدة، اللوجان عفشتها أعلى من الكوري وصاج امتن نسبيا لأن كل عربيات العالم حتى الفولفو مبقاش زي زمان، لو حد قالك إن قطع غيار اللوجان أغلى من الكوري كلامه صح بس قوله إنها معمرة أكثر من الكوري مرتين. وبالتوفيق
حد فهمك ان اللوجان اروبى؟؟ دة مغربى يعنى من الاخر تقفيل بلدك افضل لك على الاقل تلاقى قطع غيار كل العربيه بتفاصيلها فى بلدك. والفيرنا واللانوس افضل منها واكثر انتشارآ وبعدين مين قالك ان اللوجان معمرة ؟؟ العربيه لسه جديدة وال بيدور على مقصات عفشه ولا مساعد ولا يقولك الدواسه بتطلع حرارة من الماتور ولا يقولك نور الصالون معلق ولمبه التابلوة للباب معلقه ولا يقولك الكاسيت صوت فى الضياع ولازم تغيرة ولا,,,, يعنى من الاخر ال عايز اقوله مش دة ال تفضلها اصلها اروبى ياعمى دة مافيش فيها اروبى الا اسمها والرينو معظمه بيتجمع برة فرنسا دة من الاخر يا تركيا يا كوريا ..
حضرتك إدخل قسم الرينو وقسم الشيفرولية وقارن بنفسك أفضل ...
العربيتين بصفة عامة الناس بتشكر فيهم ....ومافيهمش مشاكل مزعجة ...
خليه يختار اللي يعجبه شكلها ........
أنا ناوي ان شاء الله الفترة دي اشتري عربية مستعملة في حدود 55 ألف _وده بعد سنتين من التردد_
كنت هخلص في اللوجان
بس قريبي خوفني منها و قاللي مشكلة قطع الغيار وإعادة البيع
وقاللي شوف اللانوس والفيرنا
ياريت حد من أصحاب العربية اللوجان يقولنا رأيه بأمانة وخاصة في مسألة قطع الغيار والصيانة
بصراحة انا بميل ليها عن اللانوس و الفيرنا
دايو لانوس كسر زيرو
واللة انا في نفس حيرة اخوك ولحد دلوقتي لسة ما ككرتش
بس كل الاراء تصب في مصلحة اللوجان بس فعلا قطع الغيار اغلي و تقيلة في اعادة البيع ما عدا ذلك هي احسن من الانوس
بالنسبه لأخويا هو صرف نظر عن الاتنين لأنه عايز حاجه اوتوماتيك
و الله يا باشا هو الفيرنا مشعشعه فى دماغه ... قلتله انها جرايه و ثبات مش موجود و فرامل ضعيفه ... بس هو مبيجريش و بالنسباله المشاكل دى مش مهمه قوى ... بس هاقوله على الساجا برضه :)
بص ياباشا المقارنة دى اتهرست قبل كدة
لو عايز عربية مانيوال يبقى اللوجان
عايز عربية اوتو و طيارة بلا ثبات يبقى الفيرنا
عايز عربية اوتو و فيها وسائل الامان بس 1.3 يبقى الساجا
انا شايف اللوجان أفضل
لما كنت بجرب اللوجان مع دايو لانوس كانت اللوجان تتفوق في حاجات واللانوس في حاجات تانية
يعني قطع الغيار كانت في صالح اللنوس لو حد بيحب يجيب من برة التوكيل لأن في بتاع 4 أنواع برة التوكيل بدرجات وأسعار أقل
انما اللوجان لأ .. قليل برة التوكيل بس بدأت في الأنتشار السريع
علو وثبات وتسارع اللوجان
اللي لاحظته في اللانوس انها بحالات .. يعني ساعات تلاقيها فايقة وساعات لأ
اللوجان مستواها ثابت
بعد ما بقت شيفروليه .... تخرج برة المقارنة خاااااااااااااااااااااااا ااالص
فيرنا أوتو !
الراجل لا حط هيونداي ولا فيرنا ولا قال عايز أوتو ولا قال معاه 78 ألف !
مش عارف جبت منين الأختيار ده
زي ما قلتلك قبل كدة في موضوع تاني
كفاية هيونداي ومازدا !
عن تجربة .. ابعد عن شيفرولية لانوس .. خليك في الدايو
أللوجان واتوكل على الله
http://st-takla.org/Pix/Things-Tool-...ation-Mark.gif
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!
لا حول ولا قوة الا بالله !
أنا كانت معايا الشيفرولية اللانوس موديل 2011. جبتها زيرو، والحمد لله ربنا يسر لي الحال وبعتها قبل ما تكمل سنة معايا... العربية دي أسوأ عربية أنا ركبتها... أنا ركبت قبل كدة كيا برايد وهيونداي أكسنت ولانسر بومة، والتلاتة برقبتها. العربية الوحيدة اللي ركبتها وكانت أوحش من اللانوس هي دوجان موديل 95.
أنا مش عارف إيه نظام اللوجان، بس ماعتقدش حتبقى أوحش من اللانوس.... على فكرة اللانوس مش كوري تجميع مصري زي ما الناس فاكرة. دي بولندي تجميع مصري. باختصار، العربية تفتقد للجودة... عادي جدا إنك تضطر تغير بوبينة قبل ما تكمل سنة، وعادي جدا إن كاوتش البرابريز يفك منك قبل ما تكمل سنة، وعادي جدا إن لمبة الصالون تتحرق قبل ما تكمل سنة.... جايز الميزة الوحيدة في العربية دي إنها عربية شعبية، يعني مش حتغلب في إصلاح أي حاجة إن شاء الله، بس المشكلة إن فيه حاجات كتير حتبوظ فيها بسرعة. وزي ما قلتلك، الجودة في العربية دي تعبانة جدا جدا جدا.
ياباشا انا معايا هيونداى وبقلك لو فيرنا لا ابعد عنها وهات لوجان
الفيرنا 3 حاجات وفقط ومدورش على اى ميزة تانية
1) موتور قوى
2)تكييف قوى
3)سرعة زى ما انت عايز
مش عارف عاملين اية فى مواتير الهيونداى فيها عفريت انا معايا اتوس 1100 سى سى وصلت بيها على الصحراوى ل160 فى الساعة مش عارف ازاى 1100 يجيب 160 عربيات راكبها عفريت بس غير كدة شكرا متفكرش
اللوجان ثبات وكماليات وراحة وبرستيج وعفشة وشنطة ووسع ومعمرة وقول كل اللى انت عايزة اكتر من الفيرنا
عايز تقارنها شوف حالة الميجان 1 موديل 99 واى هيونداى موديل 99 وانت تعرف هاتشترى اية
وربنا يوفقك للى فى الخير
اللوجان يا باشا لو مانيوال لو اوتو يبقى فيرنا او لو هيقسط يروح ناحية الصني اوتو
بالنسبة للهيونداي و الباشمهندس اللي بيمجد في الهيونداي
ارجوك اتوسل اليك كفاية مهاجمة في العربية و حضرتك متعرفهاش كويس ولا سقتها ولا تعرف اسعار اعادة بيعها في مصر ولا قطع غيارها
حضرتك مكون فكرة من الخليج و الخليج بيعشق الياباني و الرينو مش محبوبة هناك
كفاية تمجيد في الهيونداي اللي منكرش انها بدأت تبقى كويسة و ترتقي بمستوى منتجاتها لكن مش كل حاجة هيونداي
يكفي اني اققول لحضرتك ان الفرنا مع بنت عمي و خبطت فيها عربية بيجو 504 من الجنب الباب اتشق من الصاج نفس فكرة علبة السمنة لما تدب في الغطا اي حاجة حادة و خير اللهم اجعله خير البيبان مفيهاش دعامات فولاز علشان تحمي اللي جوة العربية
ان شاء الله لما اروح احط صورة للوجان عاملة حادثة جامدة جدا و العربية ما شاء الله سليمة الى حد كبير و اللي جواها اكيد طالعين سلام باذن الله
أنا رأيي اللانوس بنت حلال وأعطالها قليلة ومقدور على قطع غيارها
انا يا جماعة موافق جدا علي موضوع اللوجان بس موضوع قطع الغيار دة مهم اني الواحد هيجيب عربية ومش هيفكر يبعها دلوقتي
ان سمعت فعلا ان الكوبلن 3600 و علبة الدركسيون 7200 و لو حد عند معلومات اكتر ياريت يفدنا ذي سعر طرمبة ماية او طرمبة بنزين عشتا انا برضة سمعت ان طرمبة البنزين 2000جنية
بص يا باشا العربية مع الانتشار رخصت قطع الغيار بتاعتها و علبة الدريكسيون و الكوبلن رخصوا جدا تقريبا نزلوا في واحدة 5000 جنيه اللي هي علبة الدريكسيون فبقت تقريبا ب 2000 جنيه و نزلوا في جوز الكبالن مش فاكر كام بالظبط المهم ان بقى الجوز الاصلي في حدود 3000 يعني الواحد ب1500 كوبلن الانترا الواحد ب 7000 جنيه كنت قريتها هنا في المنتدى قبل كدة علما بان العربية ممكن تقعد عمرها كلوا لا تغير كوبلن ولا علبة دريكسيون ولا طرمبة بنزين ولا حاجة
طرمبة البنزين كانوا غيروهالي في الضمان علشان العوامة كانت بتعلق من اكثر من 6 شهور و كانت ساعتها ب 1800 جنيه و لو لا قدر الله حصل ليها حاجة بيتغير ليها الموتور بتاعها بس و ده مبيوصلش 200 جنيه البوش الالماني و بتمشي زي الحلاوة
الخلاصة اللةجان قطع الغيار الاستهلاكية من فوانيس و اكصدامات و تيول و قلاتر و بوجيهات الخ الخ... دول اسعارهم ممتازة و الحاجات اللي بتتغير كل فين و فين و ممكن متتغيرش اصلا سعرها بيبقى مبالغ فيه حبتين و لما بنعرف بنفضح على صفحة الفيسبوك و بنشتكي و النيا بتظبط و الدليل اللي حصل في علبة الدريكسون و الكبالن
اللانوس حاجتها في الرخيص لا لشئ الا انها بقالها 12 سنة في البلد و مصر كلها مفيهاش واحد مركبش لانوس مرة فبقى ليها تقليد كثر و الاصلي لازم سعره يبقى بينافس التقليد يعني فرق بينهم مش كبير و انا بتكلم هنا على الاصلي و التقليد النضييف مش اللي تحت بير السلم و اللوجان بقالها 3 سنين في البلد اهو و حاجتها ظهرت برة التوكيل بعد سنة من نزولها فده مؤشر قوي و بين كل لوجان و لوجان دلوقتي بقيت تشوف لوجان فده شئ ثاني مطمئن زيو زي اللانوس اول ما نزلت
اطمن و اركب لوجان =))
اللوجان كعربية افضل
خصوصا على رأي كل الناس بعد ما منصور بوظ اللانوس و بهدلها
لكن في المقابل مصاريف اللوجان برده اكتر
الدايو لانوس اخر موديل فيها 2008
لسه واحد صاحبي في الشغل بيقولي اللانوس عليها عرض ونازله ب مش فاكر ب 60 او ب 61 الف
وتفسيط تدفع 31 الف والباقي قسط
الكلام ده من المصريه للسيارات
مش عارف مدي صحة الكلام ده
اعتقد ان اللوجان افضل علي الاقل انها عربية بفكر اوربي وتنفيز في بلد غير اوربي علشان يخفضو التكاليف. بس اية اسعار قطع الغيار الهلامية دي بجد انا مستغرب كوبلن الالنترا ب7000 جنية اما المرسيدس بكام؟؟؟؟؟؟؟؟.