الكونتكت بيفصل

**gbgeorge** · 31-07-2011 11:45 AM

يا جماعة انا عندى فيات 132 الكونتكت فصل وانا ماشى بالعربية المهم فكيت الفبرة الموجودة على الدريكسيون وبعدين قبل ماشوف الكونتكت لقيتة اشتغل لوحدة قمت قفلت تانى ومشيت جيت بعد الموضوع دة بكام يوم حصل نفس المشكلة الكونتكت يقطع ولما احركة او احرك السلك يشتغل لوحدة ياريت حد يفسرلى سبب المشكلة

**SASA3** · 31-07-2011 12:09 PM

الكونتاكت ذات نفسه ولا المارش الى مش بيلقط معاك اول ما تدور
بس انت بتقول انك بتحرك سلك كده و بيشتغل ممكن يكون سلك فاصل او مهزوز كهربائى يفكه و يلحمه عادى
او حتى يا اخى تجيب واحد جديد مهواش غالى على ما اعتقد

بس لو كان الموضوع ان المارش الى مش بيلقط ده ممكن يكون الشربونات الى فى المارش اتاكلت خلاص و ده برضه مش مشكله روح لكهربائى برضه و يفك المارش و يغير الشربونات انا كنت جايبها اخر مره بـ40

و خير ان شاء الله

**l0new0lf** · 31-07-2011 12:30 PM

احتمال فيشة الكونتاكت مكسورة
فيشة ال 132 فيها مقاسين
صغيرة شبة ال 128
ونوع فيشتة كبيرة
متشتريش الفيشة الصيني بتسيح
و احتمال تجيب كونتاكت استيراد بسبب الفيشة
لو بيقطع كهربا عن العربية وهي ماشية يبقي فيشة الكونتاكت

**gbgeorge** · 31-07-2011 12:39 PM

شكرا لحضراتكم جميعا بس هو الكونتكت ايلى بيقطع لانة لما بفتح الكونتكت مافيش حاجة بتنور خالص فى التابلوة فأعتقد كدة الكونتكت مش المارش طيب ممكن انا اعرف المشكلة انها من الفيشة لوحدى ازاى وهل ممكن اصلحها

**l0new0lf** · 02-08-2011 02:04 PM

الفيشه بتتربط فى الكونتاكت بمسمارين صغرين و غالبا مكان واحد منهم اتكسر عشان كده الفيشه مش ثابته فى الكونتاكت و بتفصل
الفيشه مبتتصلحش لانها بلاستيك و بيكون نشف مع الزمن و بيتكسر
لازم تتغير بس هتضطر تفك الكونتاكت كله
انت ممكن تعمل الموضوع ده بنفسك لانه سهل