إنزال مريض وزنه 300 كيلو من شقته بالونش

**ASD peugeot** · 07-05-2008 03:16 AM

استغاثت زوجة بشبرا الخيمة بقسم شرطة أول شبرا لمساعدتها في إنزال زوجها المريض من مسكنه للذهاب به إلي المستشفي..تلقي العميد عادل فهمي مأمور القسم بلاغاً من ربة منزل تطلب فيه مساعدتها في إنزال زوجها صلاح القواديسي من شقتهما بالطابق الرابع نظراً لأنه يرقد في المنزل منذ شهرين بسبب زيادة وزنه بصورة كبيرة حتي تعدي 300كيلو جرام ولايستطيع الخروج من باب الشقة أو النزول علي السلم-حسبما ذكرت المساء.
انتقل مأمور القسم والمقدم محمد شرباشي رئيس المباحث إلي مكان البلاغ واستعانا بإدارة الحماية المدنية بشبرا الخيمة والتي حضرت علي الفور بونش وقاموا بإنزال المريض من شرفة الشقة بعد ربطه في "كنبة" باشراف العقيد صلاح عبدالله.
تم نقل المريض بسيارة نصف نقل الي مستشفي النيل بشبرا الخيمة بعد تعذر نقله بسيارة إسعاف..استغرقت العملية قرابة ساعة ونصف الساعة.. وانفجر كاوتش الونش اثناء إنزاله.

لا تعليق مني ولكن حاجه بسيطه انه لازم نحافظ علي الوزن لان الوزن الزياده هيكلفك كتير جدا

**wawoo** · 07-05-2008 02:24 PM

المشاركة الأصلية كتبت بواسطة ASD peugeot

استغاثت زوجة بشبرا الخيمة بقسم شرطة أول شبرا لمساعدتها في إنزال زوجها المريض من مسكنه للذهاب به إلي المستشفي..

ربنا يشفية و يعفية ان شاء الله , شىء صعب فعلا , انا شوقت حلقة من برنامج اوبرا عن الاوزان دى , كان شىء صعب فعلا ربنا يشفيهم , و اكتر حاجة كانت صعبة طفلة عندها ثمانى سنوات و وزنها حوالى 120 كيلو تخيلو ,,

**TAG_Turbo0** · 07-05-2008 03:09 PM

ربنا يشفى كل مرضانا
الحمد الله الذى عفانا مما ابتلى به قوما آخرون

**SAMER_ENGINES** · 15-12-2008 04:28 PM

ربنا يشفي كل مريض

**WalidAdel** · 15-12-2008 04:47 PM

المشاركة الأصلية كتبت بواسطة ASD peugeot

وانفجر كاوتش الونش اثناء إنزاله.

طبعا ربنا يشفي كل مريض بس الخبر يكاد يكون مفبرك لان الونش عادة مش بيقف علي الكاوتش اثناء التحميل
فيه حاجه اسمها ركيزه للونش اثناء الاستخدام يتم رفع الونش كله علي اربع ركايز في الاربع اطراف للونش حتي لا بتعرض الكاوتش للتلف حيت انه غير مجهز
لاستحمال الوزن
الركايز دي زيت ز يتشتغل بالكهرباء علشان ترفع الونش من علي الارض
دي بس معلومه حبيت اقولها