كيا سبورتج ٢٠١٢ وكيل

**medo_sirion** · 23-08-2011 08:45 PM

المشاركة الأصلية كتبت بواسطة ashturbo

وماله ياسيدي أقولك أنا حاجة العربية هتوصل 600 ألف كمان هو الكلام عليه جمرك ياعم ميدو 240 ألف دول أروح أجيب بيهم الحته دي 1.6 f/o a/t premium m.etalic

أو الحته الكحيانة دي هاي لاين بنفس السعر 240 بردوا

وسلملي على صاحب المعرض أياه :y_hi_3[1]:

اخيرا لقيت حد فاهم
يعنى يرضى ربنا احط 200 الف فى عربية كورى
كفايا انك حطيت امثلة علشان الناس تفهم بس

**jamesbondo2** · 24-08-2011 08:07 PM

المشاركة الأصلية كتبت بواسطة ahmed_911_98

1000

تسلم ياباشا ربنا يخليك وانشاء الله تستلمها على خير انشاء الله, انا سألت فى التوكيل قالو ان الحجز والاسعار بعد العيد انشاء الله

**ghazy12** · 25-08-2011 10:04 AM

بالنسبة للأعضاء الكرام اللي بيسألوا عن الموتور الـ GDI و هل لازم بنزين 95 ولا ممكن 92 ؟؟

هو طبعاً لازم بنزين 95, بس ليه الناس لما بتسمع سيرته بتضايق او بتقول كده مش هينفع !!؟؟

المفترض فيه ان الموتور الـ GDI ده تم صناعته هو و كل تكنولوجيا التيربو و الـ Direct Injection
علشان اسباب كتير لكن اهمهم في رأي............

- سعة اقل مع قوة و عزم اكبر

- توفير في استهلاك البنزين

يعني موتور 1600 او 1400 و بيطلع عزم و قوة موتور 1800 و 2000 سي سي MPI

و توفير في استهلاك البنزين لان مثلاً الموتور الـ GDI الـ 1.6L بيستهلك تقريباً 17Km/L

لو حسبناها هنلاقي انك لو مثلاً بتفول عربيتك (50 لتر) مرتين في الاسبوع و بتعمل 600-700 كم,
و التفويلتين بنزين 92 بيكلفوك...... 185 جنيه في الاسبوع !!

الموتور الـGDI هيعمل معاك اكتر من 700 كم في تفويلة واحدة 95 و هتكلفك.... 138 جنيه في الاسبوع !!

يبقى انهي افضل و موفر اكتر و قوة و عزم اكبر كمان ؟؟ اكيييد الـ GDI :))

الحاجة الوحيدة اللي تخلي واحد يصرف نظر عن اي عربية بموتور GDI او TSI مثلاً هو عدم توفر
بنزين 95 في المكان اللي هو ساكن فيه او حتى في مكان قريب منه لقلة انتشاره... كده يبقى عنده حق طبعاً

بالنسبة للـ KIA Sportage ....... انا بدأت اشوف العربية في الشارع كتيييير و ملاكي عادي
و فعلاً هي شكلها جميييل جداااااااا و تحفة و امكانياتها ممتازة و مغرية جداااا في رأي و لكن.....

هل سعر 200 ألف جنيه هيكون منطقي بالنسبة لاني طلعت لشريحة تانية من السيارات و هي شريحة الاوروبي !!!

يعني مثلاً ( و بعيداً عن كون السبورتاج SUV ) تجاهلوا ان المقارنه اللي جاية دي تعتبر بين فئات مختلفة...

تشتري سبورتاج... ولا اوكتافيا, أو جيتا, أو جولف (كله هاي لاين) و لو زودت شوية تطلع لـ BMW 316 و باسات !!!

بعيداً عن كون السبورتاج SUV و الباقي Sedan و Hatchback... بس دول اوروبي بجودة عالية !!!

انا شخصياً عجباني العربية جدااااااااااا شكلاً و موضوعاً... بس سعرها غير منطقي و مش مقتنع بيه بصراحه !!

انا عارف ان ناس كتييير هتشتريها بردو حتى لو بقت في سعر الباسات الهاي لاين... بس انا حسبتي مختلفة شوية

يمكن اقتنع بسعرها في يوم من الايام... بس لحد اللحظة دي انا مش قادر اتخيل اني ادفع 200 ألف
في سبورتاج 2×4 هاي لاين, و سبت اوكتافيا او جيتا هاي لاين بنفس السعر..!!!!!

تحيــاتي للجميــع...

**AshTurbo** · 26-08-2011 04:28 AM

قولت بالظبط اللي في دماغي يا باشمهندس غازي بقالي أسبوعين متابع ريفيوهات العربية والفيديوهات وكل كبيرة وصغيرة ومتفق تماماً معاك في مسألة البنزين ال95 مع الموتور ال GDI واللي متفق معاك فيه أكتر بقى موضوع سعر الهاي لاين بتاع العربية حاجة كدة متعبة جداً في التفكير معلش مع كامل أحترامي للكيا ولكن السبورتاج دخلت في شريحة شرسة جداً وللأسف مش مسلحة تسليح كافي علشان تكسب المنافسة دي يعني لو مثلاً ينزلوها 4x4 يبقى معقول كدة أو مثلاً ينزلوها بالموتور ال1600 التربو بردوا يبقى معقول ودي بردو حاجة غريبة يعني قدامهم موتور تربو وسعة سي سي 1600 منزلهوش ليه ويبقى 95 ب 95 لكن كدة أنا بالنسبالي الفئة الأولى كماليتها نص كم شايلين كمبيوتر رحلات ومثبت سرعة ونظام الثبات الألكتروني يعني مش مهم الكماليات الكروم والجنط ال17 والفرش الجلد والمرايات الكهرباء نقدر نتغاضى عنهم بس متشيليش حاجات أساسية وترفعلي السعر ... عموماً هستنى أشوف الأسعار علشان أعرف أحكم كويس والنيسان قشقاي موجودة وتكسب بصراحة بس مشكلتها الفتيس المانيوال وكفاية أن فيها كمية كماليات رهيبة و ب 160 ألف فتحة سقف وزينون وغيرهم كتير موجودين في أعلى فئة في السبورتاج ودي حاجة مش منطقية دة غير أنها ياباني أنجليزي يعني بصراحة الواحد هيتمنى أيه أكتر من كده وتوكيل نيسان محترم جداً ودي ميزة للعربيتين يعني بردوا القشقاي لحد دلوقتي تكسب السبورتاج ده لو هنقارنها بالقشقاي فمبالكم لما نقارنها بالجيتا والفانتازيا .

**mohaismail** · 26-08-2011 11:21 PM

السبورتاج شكلها وامكانياتها حلوة اوى بس سعرها دخل فى فئات تانية مينفعش تتقارن بيها
يعنى اى حد هيدفع 200 الف وقدامه كيا سبورتاج وجولف 6 اللى من وجهة نظرى افضل عربية متكاملة ومينفعش تتقارن بكيا سبورتاج
اعتقد سعرها كده مينفعش خالص

**yassal** · 28-08-2011 07:16 PM

المشاركة الأصلية كتبت بواسطة AshTurbo

والنيسان قشقاي موجودة وتكسب بصراحة بس مشكلتها الفتيس المانيوال وكفاية أن فيها كمية كماليات رهيبة و ب 160 ألف فتحة سقف وزينون وغيرهم كتير موجودين في أعلى فئة في السبورتاج ودي حاجة مش منطقية دة غير أنها ياباني أنجليزي يعني بصراحة الواحد هيتمنى أيه أكتر من كده وتوكيل نيسان محترم جداً .

صح وأتفق معاك تماما

**MMMERO** · 29-08-2011 02:23 PM

المشاركة الأصلية كتبت بواسطة yassal

صح وأتفق معاك تماما

الكلام مضبوط تماما فى حالة واحدة بس ان الاثنين نفس الحجم لكن انا لما شفت حجم القشقاى لقيتها عربية صغيرة مش فى حجم السبورتج دة نمرة واحد الحاجة التانية الفتيس المانويل يعنى اية اروح اجيب عربية ب 160 الف مانيول والماتور بتاعها 110 حصان

**ososos** · 30-08-2011 12:30 AM

علي فكرة سعر كيا سبورتاج في الخليج قريب جدا من سعر أوكتافيا و جيتا و كلهم في رينج 70 ألف درهم اماراتي أو ريال سعودي

**AutoTycoon** · 30-08-2011 12:39 AM

طب الفئة اللي فيها esp هتكون 1600 سي سي برضه ؟ طب يا ترى هتكون بكام؟ لو 2000 سي سي يبقى عدت و راحت عليها اعتقد لأن سعرها هيكون مبالغ فيه جداً

-

الموضوع: كيا سبورتج ٢٠١٢ وكيل

LinkBack

أدوات الموضوع

عرض

-

-

-

المواضيع المتشابهه

الفيوسات و أماكنها في كورلا إلي من ٢٠٠١-٢٠٠٧

اجيب خليجى ٢٠٠٨ ولا وكيل ٢٠٠٩ بنفس السعر?

بدء برنامج لإلغاء الجمارك علي السيارات المستوردة من ٢٠١٠ حتي ٢٠١٩

إلغاء الجمارك علي السيارات المستوردة من ٢٠١٠ حتي ٢٠١٩

الكلمات الدلالية لهذا الموضوع

المفضلات

المفضلات

ضوابط المشاركة