الموضوع: عمرة ولا موتور استراد 127

المشاركة الأصلية كتبت بواسطة heshamzaky

بص لو فى دماغك تكيف أحسن حاجة بجد تعملها بيع ال 127 و جيب عربية اخرى لا أظن ان التكيف ينفع يركب و يشتغل فى ال 127 بأى شكل حا يبقى كأنك عمال تلصم شمال و يمين و ترقع من هنا و هنا و تصرف فلوس و النتيجة النهائية غير مضمونة ابدا
طب قولى حا تركي سربنتينة امام الرادياتير فين مفيش مكان غير كدة الكومبريسور حا يركب أزاى و السير يبقى مظبوط صعب شوية
غير كدة فين التلاجة الى حا تركبها فى التابلوة
غير كدة العزل بتاع ال 127 وحش جدا بتدخل هواء من كل حتة ههههه يعنى الكاوتش بتاع الابواب و الصدر بيدخلو هواء حا تعمل كل دة صعب جدا حرام عليك حا تكلفها مصنعيات أكتر من التمن الى حا تجيب بية الحاجة
بالنسبة للموتور أنا ب ال 127 سوبر فيورا لما الموتور بيقى فى كامل اللياقة السرعة القصوى 140 بس مش مدة الموتور ينفجر مش أكتر من مسافة معينة و لازم تهدى طبعا
لو حتى ركبت موتور 1000 سى سى أعتقد ال 140 حا تجيبهم عادى و تبقى العربية فى الامان القصة مش جرى و بس لآ لازم أمام فى العربية طبعا
بالنسبة لشكل الموتور كل مواتير الاستيراد بتبقى متوسخة كدة بس مش مهم المهم الموتور من الداخل مش الخارج غسلة بالجاز بيرجع يبرق استنى حا أوريلك الفرق بصورتين على الماشى كدة

انا اخرى بيها 120 و مبجريش اكتر من كده لانها خفيفة لكن انا عاوز موتور اكبر علشان تجميع اسرع

و حكاية العزل متقلقش منها يا باشا لانى كنت لسه مفور الصالون كله و عملتله طبق عزل سميك فى الصدر و الارضية و السقف و ركبت كاوتش بيبان اتخن من القديم و بجد فرقت كتيير بعد التظبيط

حوار التكييف ده انا فكرت فيه من ناحية التلاجة و لقيت لها حل انى اركب تلاجة خارجية بالمروحة ووحدة التحكم هى بتبقى باكدج واحدة و بتركب تحت التابلوة , اما السربنتينة و مكان الكباس مفكرتش فيها

حكاية البيع هخسر فيها لانى كنت شاريها فى عز ما اسعار القديم نار + انى كل شوية بدلعها يعنى يوم ثورة 25 يناير الناس كلها كانت فى التحرير هههههههههه انا كنت عند العفشجى بسقط عفشة امامية كاملة , بعديها بشهرين الناس بتعجن فى بعض عند مسرح البالون انا كنت سهران عند السروجى بقفل العربية ههههههههه . مصر كلها بتكافح فى اتجاه و انا بكافح فى اتجاه تانى ههههههه

اهم سبب لعدم البيع انى تقريبا مبركبهاش لانى شغلى بعيد جدا فبروح بالباص فبالتالى لو بعتها و جبت غيرها فهتتركن برده و متشتغلش غير يوم فى الاسبوع او حسب التساهيل لضيق الوقت للاسف

تحياتى استاذ هشام

المشاركة الأصلية كتبت بواسطة heshamzaky

دى صورة قبل الغسيل و بعد الغسل بس مش غسلة محترمة غسلة متوسطة جدا مجرد شوية جاز و الصورة فى عزبة شلبى

دى مواتير تمبرا اكيد يا باشا ؟؟

المشاركة الأصلية كتبت بواسطة misoalex

كان عندى برنامج اوتو داتا بيطلع كل اكواد المواتير وبتطلع كام سى سى وكام حصان ممكن تنزله هو كان لينكاته هنا فى المنتدى واختار كود الموتور اللى انت حتجيبه وانت تعرف كام حصان لان مش كل ال 1300 زى بعض

بس عموما هما كانو فى رينج 65 او 70 حصان وده كويس جدا جدا على شاسيه ال 127 ووزنها ومتنساش ان تكنولوجيا الموتور نفسه احدث من موتور ال 127 فحتلاقى التجميع السرعه مختلف عن 127

شكرا استاذ خميس