ايه الفرق بين البلاك بيري و بين غيره من السمارت فون ؟

**Ahmed.Ali** · 03-08-2011 04:47 PM

المشاركة الأصلية كتبت بواسطة MaZaGAngeE

يا شباب مش مهم موضوع الأمن للدرجة دي
اللي انا مش قادر افهمه ايه الفرق بينه و بين غيره ؟
يعني ايه اللي يخليني ادفع 100 اشتراك شهري غير تمنه الغالي و انا ممكن اجيب تلفون تاني ممكن يكون بنص تمنه و من غير اشتراك !!!!
هوه ده اللي محيرني

بص يا سيدي الفرق الجوهري بين البلاك بيري و اي موبايل تاني ان RIM الشركه المالكه للبلاك بري عندها سرفرات في كل حته في العالم و الـ100 جنيه دي هي تمن دخولك علي السيرفر
ايه الي بتستفيده من كدا - انا مثلا لاني شغلي كله ايميلات الشركه عندها مكان علي السرفر و انا بالتالي بقدر اشوف الايميلات دي من خلال سرفر RIM مش من سرفر الشغل و دا بيدي امان اكتر للشركه ان السرفر بتاعها مش اي حد يدخل عليه
و المثال الاوضح هو BBM كل مشتركي RIM ليهم كود خاص بالعده بتاعتهم و بالكود دا زي ايميل الهوت ميل مثلا تعرف تتكلم مع اي حد علي نفس السرفر

بس من الاخر لو مش ليك في الشات اوي و مش هتستخدمه في الشغل يبقي بترمي فلوسك في الارض خليك في الـ HTC او SAMSUNG اي حاجه android احسنلك

**MASERATI** · 03-08-2011 04:47 PM

المشاركة الأصلية كتبت بواسطة Curbis

مين قال ان من ناحية الأمان هو الأفضل.................

الـ Samsung عليه نظام الـ Bada وده مشكلته انك مش هتلاقي له برامج وابليكشنز كتير زي الاندرويد والايفون

.....................

السلام عليكم و رحمة الله و بركاته

أنا من ساعة ماجبت الSamsung infuse i997 4G اللى معايا و أنا فاكر أنه بيشتغل بنظام Android , طلع مش Android ???!!!!!

**M7amD_7amDy** · 03-08-2011 05:23 PM

المشاركة الأصلية كتبت بواسطة MASERATI

السلام عليكم و رحمة الله و بركاته

أنا من ساعة ماجبت الSamsung infuse i997 4G اللى معايا و أنا فاكر أنه بيشتغل بنظام Android , طلع مش Android ???!!!!!

ههههههه أزاى؟؟؟

بيشتغل بنظام أندرويد ياباشا

Android OS, v2.2 Froyo

Samsung I997 Infuse 4G - Full phone specifications

**MaZaGAngeE** · 03-08-2011 11:30 PM

المشاركة الأصلية كتبت بواسطة ahmed.ali

بص يا سيدي الفرق الجوهري بين البلاك بيري و اي موبايل تاني ان rim الشركه المالكه للبلاك بري عندها سرفرات في كل حته في العالم و الـ100 جنيه دي هي تمن دخولك علي السيرفر
ايه الي بتستفيده من كدا - انا مثلا لاني شغلي كله ايميلات الشركه عندها مكان علي السرفر و انا بالتالي بقدر اشوف الايميلات دي من خلال سرفر rim مش من سرفر الشغل و دا بيدي امان اكتر للشركه ان السرفر بتاعها مش اي حد يدخل عليه
و المثال الاوضح هو bbm كل مشتركي rim ليهم كود خاص بالعده بتاعتهم و بالكود دا زي ايميل الهوت ميل مثلا تعرف تتكلم مع اي حد علي نفس السرفر

بس من الاخر لو مش ليك في الشات اوي و مش هتستخدمه في الشغل يبقي بترمي فلوسك في الارض خليك في الـ htc او samsung اي حاجه android احسنلك

هوه ده الكلام اللي انا عايز اعرفه
انا ماليش في الشات و اميلات الشغل كلها على جوجل و بشوفها باللاب توب
النت على التلفون هتكون بس لو اللاب توب فصل مني و هتكون بورصة بس تقريبا

يبقى كده انا محتاج تلفون سمارت عادي مش بلاك بيري
طيب ترشحولي ايه بس مش سامسونج عشان مش مقتنع بيه
و ميزيدش عن 2000 و شاشته كبيرة و يفضل يكون فيه لوحة مفاتيح كاملة

**wael_elbarkoky** · 03-08-2011 11:38 PM

يا جماعي معلش ايه هو نظام الانديرويد

**ahmedbasto** · 04-08-2011 01:23 AM

انا شايف ان e72 مناسب موبيل محترم جدا عن تجرية ولو عايز تعرف اى حاجة عنه انا فى الخدمة

**Mahmoud Nagieb** · 04-08-2011 02:12 AM

هقولك على الخلاصة من مالك بلاك بيرى .... انت لو بتحتاج تكتب كتير على الموبايل وبتشات وكده يبقى انت حلك بلاك بيرى

انا من اول ما جبته عشقته بجد ... والكتابة عليه اسهل واسرع ما يمكن ... يمكن احسن من البى سى العادى

اما بقى لو عاوز موبايل للإستخدامات العادية يبقى هات اى موبايل تانى وارشحلك الاندرويد

ملحوظة: سعر اعادة بيع البلاك بيرى فى الارض ... يعنى تجيب واحد ب 2000 جنيه تبيعه بكرة ب 1400 ... يعنى ركز قبل ما تجيب بلاك يا ريس

ورمضان كريم