لو انت اللى هتختار ... تزود سعر السجائر ولا البنزين ..؟؟؟

معلش اصلى مفقوع اوى وحبيت اعرف رأيى الناس من موضوع السجائر . وخصوصا انى مش من المدخنين ولله الحمد وفى نفس الوقت باكره السجائر جدا
انا هاقول عن نفسى لو الخيار بايدى انى اجيب موارد للدوله
هازود سعر السجائر من ضعفين الى 3 اضعاف او حتى اكتر على السجائر المستورده على اساس انها سلعه مش اساسيه وسلعه مستفزه (السجائر المستورده) ولو قدرت هامنع دخولها البلد اساسا
انا وجهه نظرى ان اللى بيشرب فى اليوم علبه ممكن يشرب خمس سيجارات وكفايه اوى ... ونتمنى انه يبطلها وهو المستفاد.. اللى عايز يدفع بقى
انما اللى بيمشى بعربيه 30 كيلو فى اليوم بعد مالبنزين يغللى مش هيمشى 20 كيلو وينزل فى نص السكه !!
او يركن عربيته ويتجه للمواصلات
ياريت اعرف رأى الناس لانى رأيى لوحده مش محايد باعتبارى غير مدخن ولله الحمد

لا يا سيدي ...البنزين كان لازم يغلى لانه الموفر الاساسي للموارد المطلوبة ...لانه الزيادات وفرت حوالي 6 مليار جنية و السجاير و فرت مليار و 100 مليون ...

اما لو زادت بالنسبة المهولة ديه تلات اضعاف مش معقول تبقى بـ30 جنيه ! ...فتهريبها هيبقى الحل و الارياد هيقل جدا...و لك في الضرايب القديمة المثل ..

و بالمناسبة السجاير تصنع في مصر و لا تستودر من الخارج...

أكيد بعني 99% من الناس هتقولك السجاير طبعا حتى لو كانو مدخنين بس هو في حاجه ان أوضاع البلد و الغلاء = قرف أكتر= عصبيه أكتر= سجاير أكتر :eek: يعني اللي كان بيشرب علبه هيشرب 5 علب مش 5 سجاير:o أنا رأيي الناس تتجه للشيشه و على الحكومه ابقاء الدعم على المعسل السلوم و القص عشان محدودي الدخل و رفع الدعم عن التفاحه باعتبرها من الرفاهيات:D

طبعا ازود السجاير للانه مش حاجه اساسيه زاى البنزين

اقتباس:

---

المشاركة الأصلية كتبت بواسطة Hondawy_2008

أكيد بعني 99% من الناس هتقولك السجاير طبعا حتى لو كانو مدخنين بس هو في حاجه ان أوضاع البلد و الغلاء = قرف أكتر= عصبيه أكتر= سجاير أكتر :eek: يعني اللي كان بيشرب علبه هيشرب 5 علب مش 5 سجاير:o أنا رأيي الناس تتجه للشيشه و على الحكومه ابقاء الدعم على المعسل السلوم و القص عشان محدودي الدخل و رفع الدعم عن التفاحه باعتبرها من الرفاهيات:D

---

والله من احلى الحاجات فى المصريين روح الفكاهه فى اصعب المواقف :D
اتا اللى باستغرب له جدا لما اكلم واحد من اصدقائى المدخنين يقولى بانفخ فيها همى
واوقوله انت عندك مشاكل وانا عندى مشاكل وكلنا كده وانا ليه مبعملش زيك يعنى هستفاد ايه لما ادخن .. وبرضه مفيش اقتناع ... ربنا يهدى ..

اقتباس:

---

المشاركة الأصلية كتبت بواسطة alaa_dash

لا يا سيدي ...البنزين كان لازم يغلى لانه الموفر الاساسي للموارد المطلوبة ...لانه الزيادات وفرت حوالي 6 مليار جنية و السجاير و فرت مليار و 100 مليون ...

اما لو زادت بالنسبة المهولة ديه تلات اضعاف مش معقول تبقى بـ30 جنيه ! ...فتهريبها هيبقى الحل و الارياد هيقل جدا...و لك في الضرايب القديمة المثل ..

و بالمناسبة السجاير تصنع في مصر و لا تستودر من الخارج...

---

انا حسيت ان المشاركة ديه محتاجة تعديل لانها الفهم منها غير اللي انا عايزه

طبعا انا مع زيادة السجاير الى اقصى حد "ممكن" و انا مش مدخن :)

اقتباس:

---

المشاركة الأصلية كتبت بواسطة alaa_dash

انا حسيت ان المشاركة ديه محتاجة تعديل لانها الفهم منها غير اللي انا عايزه

طبعا انا مع زيادة السجاير الى اقصى حد "ممكن" و انا مش مدخن :)

---

ممكن حضرتك توضحلى وجهه نظرك فى اللى مش فاهمه ؟

اللي اقصده انهم ما يقدروش يغلوا السجاير زيادات كبيرة لانه ممكن بكل بساطة تتهرب بأسعار اقل و بالتالي فالمورد من الضرايب عليها مش هيكون مضمون اما البنزين

فالزيادة عليه حتى لو كانت قرش واحد تفرق معاهم ...لانه سلعة اساسية و مافيش سبيل للتهرب من دفع الزيادة ...عشان كده رأيي انها تزيد الى اقصى حد ممكن ..عشان تبقى

الزيادة ليها فايدة...
على فكرة انا بقول يتفهم غلط من كلامي انا ..مش كلام حضرتك

اقتباس:

---

المشاركة الأصلية كتبت بواسطة alaa_dash

اما البنزين فالزيادة عليه حتى لو كانت قرش واحد تفرق معاهم ...لانه سلعة اساسية و مافيش سبيل للتهرب من دفع الزيادة ...عشان كده رأيي انها تزيد الى اقصى حد ممكن ..عشان تبقى

الزيادة ليها فايدة...

---

رأيك إنها تزيد الى أقصى حد ممكن ...يارب ما يحكمك على الناس أبدا ...ده أنت لو بقيت رئيس الوزراء ...هتبيعنا هدومنا ....:):)

اوعي تكون افتكرت اني اقصد البنزين :eek:

لا طبعا انا اقصد السجاير :) و بعدين الى اقصى حد ممكن.. مش هضاعف تمنها ..

و انا مش من احلامي اني ابقى رئيس وزرا ..ما تعودتش ادخل في صفقة خسرانة خسرانة..:)

+10000000000000000

ماهو انت قولتها خسرانة خسرانة
عين الاعور

حسبي الله ونعم الوكيل

اقتباس:

---

المشاركة الأصلية كتبت بواسطة alaa_dash

اوعي تكون افتكرت اني اقصد البنزين :eek:

لا طبعا انا اقصد السجاير :) و بعدين الى اقصى حد ممكن.. مش هضاعف تمنها ..

و انا مش من احلامي اني ابقى رئيس وزرا ..ما تعودتش ادخل في صفقة خسرانة خسرانة..:)

---

ياراجل أنت قصدك السجاير ...ده أنا كنت فاكر قصدك البنزين ...

ولو جتلك يا باشا ...رئاسة الوزراء ...هترفض :D:D ...بس هي تيجى الأول

لا دي ولا دي
بس نرخم على المدخنين لاقصى درجه مهو لما تعلى السجاير الشركات هتبيع اكتر و كسب اكتر
يعني نمنع التدخين في الشارع نمنعه في البيت في الحمام في عربيتك في شغلك
و نرخص البان النيكوتين

لا نزود السجاير ونرخم كمان
فاكر انه كان فى سنه 2000 تقريبا مشروع فى اوروبا لمنع التدخين فى الشارع
والسجائر هناك غاليه جدا جدا جدا ده حسب مانا شفتها فى انجلترا
كان الكلام ده سنه 2000 وتقريبا علبه السجائر ال 20 سيجاره كانت ب 3.5 جنيه استرلينى

ازود سعر البني ادم في مصر.........اااااااه يابلد

السجاير طبعا هى الى تزيد
انا مش عارف ازاى الحكومة هى الى بتنتج السجاير
ده كلام فارغ

يا جماعه السجائر ديه لازم تغلى لأقصى حد لأنها خلت الناس ولا مدمنين مخدرات انا جدى عنده سوبرماركت وكنت واقف معا شويه و الناس جايه تسأل على السجائر زى المجنون ممكن يمشى 10 كيلو بس المهم يلاقى سجائر و مش مهم عنده سعرها المهم انو يلاقيها فأنا رأى انها لازم تغلى حتى عن السعر الجديد علشان لازم الناس تبطل سجائر شويه انا الحمدلله ليا 3 اصحابى بطلوا سجائر بعد اسعارها الجديده

السجاير طبعااااااااااااااا

بس كلام فى سرك

مش كل السجاير غليت

طبعا بدون ادنى تفكير السجائر

طيب والله تمام اوى كده
للأسف انا باشوف الناس بتبقى ضعيفه ازاى قدام السجائر
اللى يبقى قاعد فى بيته فى عز البرد يطلع البلكونه علشان يشرب سيجاره
ولا اللى وسط الشغل كل شويه يطلع بره علشان نفس الموضوع
او بين كل سيجاره والتانيه عشر دقايق
ولا المصاريف
ناس بتدخن فى اليوم اكتر من 3 علب سجائر من الانواع الغاليه
يعنى ميزانيه لوحدها لو حسبتها
3*8 *30 = 720 جنيه فى الشهر !!!

مش موضوع انى ازود سلعه معينه و سلعه تانيه لأ

لكن ممكن نلغى السجاير خالص لأنها أهدار للمال

و برضه ازود سعر البنزين علشان كل حاجه تزيد فى المقابل

و سعر الشعب المصرى هو اللى سعره بيرخص

اقتباس:

---

المشاركة الأصلية كتبت بواسطة sokasoon

السجاير طبعااااااااااااااا

بس كلام فى سرك

مش كل السجاير غليت

---

ليه مش كله غليت ولا لسه فاضل ايه ماغلاش ؟؟؟؟؟

السجاير رفاهيه عاليه اوي اوي ...
واحد بيحرق فلوس يبقا اكيد مش محتاجها ومعاه غيرها
تبقى الضرايب عليها على الاقل 150%
وده كفيل انه يعمل دخل بمقدار 12 مليار جنيه (10% رفع بيزودوا 800 مليون)

وبعدين لما تجي تحسبها من ناحيه تانيه
الناس اللي دخلها محدود نوعا ما و بيدخنوا كيلوباترا و الانواع اللي بتبقى نشاره خشب دي غالبا بيشتري علبتين في اليوم
بيدفع 2.5 جنيه في اليوم للعلبه يعني 5 جنيه اجمالي يعني 150 جنيه في الشهر يعني بيكون حرق خلال ال 10 سنين ما مقداره 18 الف جنيه
ولو اخ تاني بيدخن الحجات الفخمه ام 10 جنيه و 12 جنيه وعلبه واحده بس في اليوم هيحرق ما مقداره 36 الف جنيه خلال 10 سنين
طبعا ده من المنظور العام ... لو بصيت بقا للآثار اللي هتحصل بسبب السجاير ابتداء من تساقط الاسنان و انتهاء بالازمات القلبيه هنلاقي ان اللي هيتصرف خلال العشر سنين التانيين ممكن يوصل تقريبا لنفس المبلغ ده او حتى يعديه ...
ممكن اقولكم على حاجة بسيطه وهي ان حقنه الجلطه في الشرايين التاجيه اللي غالبا بتتسد بسبب الدهون و السجاير تمنها 8000 جنيه (من تلات سنين) وممكن العيان ياخد اكتر من واحده
ممكن بقا نتكلم على السرطان و العلاج الكيماوي و تكاليفه المهوله جدا اللي بتوصل ان احيانا في حقنتين بيتاخدو مع بعض مره كل شهر تمنهم فوق ال 23 الف جنيه

معلش انا خرجت برا الموضوع شويتين تلاته
بس مش شايف اي مقارنه ما بين رفع السجاير و رفع البنزين
في ناس غاويه تنتحر بدري بدري يبقا المفروض نمص دمهم ونرفع الضرايب و نسود حياتهم ... مش الغلابه اللي محروق دمهم كل يوم بيسافروا يجي 100 كيلو علشان يشتغل باليوميه في مدينه او قريه تانيه ملهمش ذنب يترفع عليهم التكاليف كمان 30%

طبعا كلامي على السجاير و كل منتجات التبغ مستورد او محلي

انا لو يأيدى هخلى سعر علبة السجاير الواحدة 100 جنيه و هخلى البنزين ب جنيه اللتر زي زمان .. والله ما عايزة اكتر من كدة :(

اقتباس:

---

المشاركة الأصلية كتبت بواسطة onna

انا لو يأيدى هخلى سعر علبة السجاير الواحدة 100 جنيه و هخلى البنزين ب جنيه اللتر زي زمان .. والله ما عايزة اكتر من كدة :(

---

ايه يا نهي ... خليكي محضر خير
انا لو بأيدي اغلي البنزين طبعا .... واسيب السجاير ..... عملا بمبدأ الحكومة المصرية ( مواطن يموت ... ح يقلل الدعم ولو سحتوت )

السجاير طبعاً على الاقل ممكن تخلي

ناس كتير تبطلها لو غليت، لكن الوقود

عموماً لما سعرة بيتحرك اسعار اي حاجة

تانية في البلد بتتجنن حتى لو كان ،،عفواً،، رباط جزمة.



وحسبي الله ونعم الوكيل في دي بلد.

انا مش عارف ايه اللي خلاكم تتوقعوا ان غلو السجاير هتخلي نفر يبطلها؟؟

هوه ما حدش خد باله الناس شفطت خراطيش قد ايه امبارح؟!!

اقتباس:

---

المشاركة الأصلية كتبت بواسطة aif

ايه يا نهي ... خليكي محضر خير
انا لو بأيدي اغلي البنزين طبعا .... واسيب السجاير ..... عملا بمبدأ الحكومة المصرية ( مواطن يموت ... ح يقلل الدعم ولو سحتوت )

---

حرااام علييييييييييك يا ابراهيييييم ..انت عندك عيال عايز تربيهااااا:D:D:D

بهزر يا باشا ربنا يديك الصحة و طولة العمر و يفرحك بابراهيم الصغير:)

اصل السجاير بتتحرق زي ما البنزين بيتحرق بالظبط

بس البنزين بتستفاد من حرقة ... في الغالب يعني


اما السجاير فبتحرق صدرق وصحتك وصحة ولادك واسرتك

وكل اللي حواليك بالاضافة لفلوسك.

يزود السجاير ويخلية تمنها ثلاث اضعاف

هو انا ليا رأي
السجائر ايه اللي رابطها بالبنزين؟ على اساس ان الاتنين من المحروقات
بس البنزين بيتحرق عشان نروح الشغل - ننقل مواد غذائية وصناعية وخلافه-وغيره من الحرق الهادف
لكن السجائر بتتحرق ليه ؟؟؟؟؟

تخيل احنا بنشتكي من الغلاء والضغط و كمان كل امراض الدنيا عند الشعب المصري - ماشاء الله على المصرين دائما متفوقين

وسط كل الهم ده تلاقي الموظف ولا غير الموظف حتى و الطالب اللي لسه بياخد مصروف و الصنايعي اللي عمال يشتكي ويغلي مصنعيته و غيرهم من كل طبقات الشعب المتنوعة

تلاقيهم راحوا مطلعين من جيبهم و من اعوازهم فلوس واشترى سجاير و عمل بيها ايه حرقها ف الهواء يعني حرق الفلوس

طب ايه الهدف السامي اللي حرقت عشانه الفلوس و نفخت دخانها ف الهواء

طبعا الهدف معروف وهو الحصول على مرض سرطان الرئه بأسرع ما يمكن وكأن التلوث اللي احنا فيه مش مكفيه ولو مجالوش المرض ده اهو يستنفع بأي حاجة تانيه مؤقتا - قلب - زبحة صدريه - اللي ربنا يجيبه كويس

وطبعا لازم نستفيد من تجربه المدخنين ومنفتكرهمش متخلفين ولا حاجة دول ناس ليهم مبداء

عارفين ايه المبداء : مبداء وقوع البلاء ولا انتظاره

يعني هما عايزين يخلصوا ويلخصوا يعني مثلا بدل ما نفضل نتعذب بالتلوث و ضغط الدم هما بقى بيلخصوا بياخدوا واحد سرطان على قلب وزبحة ف السريع هما طبعا اذكى

فالاخر بقى تفتكروا نزود البنزين اللي بيساعدنا نتعذب اكتر ولا نزود السجاير اللي بتساعد الناس الذكيه على انهم يتعذبوا اقل واسرع

اسيبكم تجاوبوا وياريت اكون قدرت اغير وجهة نظركم ف الاجابه على هذا الاستطلاع

السجايرررر
و كده خير الحكومه بتعمله لعلي و عسي ممكن حد يبطلها من غلوها

السجائر مش من السلع الرئيسيه

انا لو بأيدى ... حلغى السجاير .. لانها بجد اختراع متخلف ومالوش معنى انى احرق حبه قس رز على زباله واضيع فلوسى فى كلام فارغ وبيضرنى وبيضر الناس ..... و اوزع كوبونات بالبنزين على الناس " مش بهرج على فكره ........ انا بتكلم جد .... ادى صاحب كل عربية كوبونات بنزين ب 80 لتر بنزين مثلا بسعر مدعم " اللتر بجنيه .... والى عاوز باخد بنزين اكتر يشتريه بسعره الحالى .... فى بلدان كتير بتعمل الموضوع ده.......ز منها ايران الى انا اساسا بتريق عليهم ... فكرو ونفذو فكرة انا شايف انها كويسه و بتحل ازمه

ان شاء الله يخلوا السجائر العلبة بمائة جنية مش مهم ، ولكن البنزين ضرورى لكل شىء حتى رغيف العيش البنزين ضرورى 000 اما حرق الدم فهو مش ضرورى
وبصراحة السجائر بتفكرنى بمثل كلنا نعرفة وهو ( اللى معاة قرش ومحيرة يجيب حمام ويطيرة ) لان السجائر دخان وبيطير فى الهواء بلا ادنى فائدة

انا راي لا ده ولا ده وليه الحاجه تغلي اصلا حتي من قبل العلاوه متنزل اصلا

لو فى يدى ألغى السجائر تماما

ياجماعه انا لما سألت علشان الحكومه رفعت الاتنين
وانا شايف ان السجائر دى مرض والعياذ بالله
فتغلى وخليهم يلموها كفلوس
انما البنزين والسولار لا

السجاير طبعا
انا بقترح يرفعوا سعر علبة السجاير المحلية ل 25 جنيه والمستورة ل 50 جنيه
ويخفضو سعر البنزين والزيت والسكر والدقيق ...............

الرجالة المدخنين هايعملوا مظاهرة دلوقت http://www.myoneplan.net/vb/images/smilies/ma.gif