الموضوع: قصه حياتى مع اوبل فيكترا فى 18 يوم بس

[OVERLINE] [OVERLINE]السلام عليكم ورحمة الله وبركاته

كل سنه وانتو طيبين وربنا يتقبل منا ومنكم صيامنا ان شاء الله

انا اشتريت عربيه اوبل فيكترا 97 من 18 يوم بالظبت ولما كنت بشترى نزلت السوق ومكنش فى دماغى اوبل بالمره كنت بدور على لانسر كرستاله وفى الاخر قبل ما امشى من السوق لاقيت العربيه دى خد رقم تليفون الراجل صاحبها بس المشكله فى فرق الفلوس
لاقيت سعرها اعلى شويه من الى كان معايا وكانت عجبانى اووووووووى وكنت مقتنع ان العربيات دى نصيب والى ليه نصيب فى حاجه بياخدو الحمد لله ظبت باقى المبلغ واتصلت بصاحب العربيه تانى يوم وجيبت سمكرى وقالى العربيه فبريكه جوه وحالتها كويسه جداً وديتها محطه بنزين وكشفت على الماتور والعفشه والحاله العامه ممتازه جداً توكلت على الله واخد العربيه .

بعدها بيومين كان فى بعض الانوار الاماميه والخلفيه مش شغاله روحت للكهربائى واشتريت اللمبات الى كانت مش شغاله وبعد لما جيبتهم لاقيت ان العربيه اصلا الخط اليمين كلو فاصل امامى وخلفى شال لوحه الكهرباء والفيش وعمل اللزم فى العربيه وبعد 48 ساعه العربيه واقفه عند الورشه الحمد لله اشتغلت .

قولت بقى الدنيا اتظبت الحمد لله اروح اشحن التكيف علشان اروق نفسى روحت شحنت التكيف وتانى يوم ملقيتش فريون فى العربيه والتكيف بقى سخن بس .

قولت اللهم لا اعتراض اشوف مركز محترم اعمل صيانه للتكيف فيه

بعد ما اخد العربيه من الكهرباء تانى يوم كنت فى حدائق القبه والعربيه عطلت منى وفيييييييييييييييييييين لما لاقيت كهربائى وكشف على العربيه لاقيت ان طلبمه البنزين و العوامه مفكوكين مش مربوطه كويس الحمد لله اشتغلت ومشيت

اخرها امبارح بليل كنت فى عين شمس وابص لاقيت الحراره 95
بطلت العربيه ووقفت على جنب وانزل ابص على الميه مش لاقى ولا نقطه ميه فى الاربه استنيت لما الحراره نزلت ومش لاقى حته اجيب منها ميه اشتريت ميه معدنيه وقولت ياريب يطمر فى العربيه انا مش بشربها اصلا وبحطها للعربيه

مشيت بالظبت 15 كيلو الاقى حراره رفعت تانى ابص على الميه ملقيتش ميه خالص فضلت محاولات فى العربيه من الساعه 9.30 بليل واتصالات بالميكانيكى وكان فى اسكندريه بيجيب عربيه عطلانه من هناك واتصالات بزميلى علشان يجى يقطر العربيه لان بقيت خايف امشى وبعد 3 ساعات بحاول اجيب تسريب الميه منين لاقيتها من الكوع الى اسفل قاعده البطاريه واتلسعت فى ايدى خمسين لسعه علشان احاول اكتم تسريب الميه ده بشريط لحام وكيس بس مكنش فيه فايده
الحمد لله اتسحرت فى فى جسر السويس وصليت الفجر و وصلت بالعربيه الجيزه عند الميكانيكى الساعه 5 الصبح وكشف على العربيه وطلع جوان وش سلندر راح النار و وش السلندر عاوز يتخرط سيبت العربيه عند الميكانيكى ولغايه وكتابه الموضوع ولسه العربيه هناك وقدامها يومين على ما تخلص علشان عندو شغل تانى .

وصلت ل بيتنا حلوان الساعه 5:45 صباحاً بعد يوم ما يعلم بيه الا ربنا وقرفت من العربيه ومش لاقى اى تفسير ل الى بيحصل ده خالص ودلوقتى عندى هسهس انى ابيع العربيه [/OVERLINE]
[/OVERLINE]