الفلونس e3 ولا هوندا سيتي High Line

**Dawns_Mist** · 06-08-2011 04:40 AM

على فكره الراجل المحترم اللي جايب الموضوع بتاع أسعار قطع غيار الفليونس ده ( برنس ) .. بجد ماشاء الله ..تمام كده .. لا كده بصراحه أنا رأيي و بدون تردد .. توكل على الله و هات الفليونس .. أنا ماكنتش عارف الأسعار بالظبط لكن لما قريتها ... مافيش تردد خلاص .. ده أنا ممكن أبيع عربيتي بكره كده و أحظها في فليونس جديده.

**MOUSTAFA_SAAD** · 06-08-2011 08:34 AM

ياجماعه قطع غيار الفلوينس مش غاليه اوى زى ماالناس فاهمين واقروا الموضوع بتاعها وانتم تعرفوا

**ahmedbasto** · 06-08-2011 09:40 AM

انا ارشحلك الفلوانس لانها فئة اكبر من السيتى والعربية ماشاء الله واسعة جدا من جوه وفيها كماليات كتيرة ووكيلها شايفه افضل من وكيل الهوندا بمراحل

**SAMEH_FOUAD** · 07-08-2011 07:36 PM

طبعا بالنسبة للمقارنة مابين الفلوانس والسيتى غير عادلة لان الفلوانس اكبر حجما فئة تانية خالص لا تنافس السيتى بل شقيقتها الكبرى السيفيك

عموما لو عايز رأى يبقى طبعا الفلوانس لو مش هتبيع قريب وبردة نفس الكلام هينطبق على السيتى بس السيتى الموديل دة ماشاء الله ناجح اوى

ولو عايز مقارنة خفيفة كدة على السريع

قوة المحرك : السيتى تكسب

الثبات : السيتى تكسب

استهلاك الوقود : السيتى تكسب

الصيانة : متقاربين جدا من حيث اسعار قطع الغيار

العمر الافتراضى : السيتى

المساحة الداخلية : الفلوانس

جودة الخامات : الفلوانس

العزل : الفلوانس بس السيتى ممتازة بردة

التكييف : السيتى

الاوبشن : الفلوانس بكتير

دية كدة مقارنة سريعة وانت ممكن تحكم من خلالها

**bukla** · 09-08-2011 12:18 AM

المشاركة الأصلية كتبت بواسطة solidrock

شكراً للاخوة dawns_mist ، ahmedbasto إلي شاركوني رأيهم في الموضوع
و كذلك الموسوعة semsem kane إلي تفضل و قالنا رأيه.
و ربنا يبارك لاخينا bukla على المجهود إلي هوة عامله في قسم رينو ، فعلاً فيه معلومات كتيرة جداً.

جزاك الله كل خير و بارك الله لك على كلامك الطيب