عاوز اركب عداد مياة

**akramlail** · 02-08-2011 01:59 AM

كل سنة وانتم طيبين
انا ساكن فى بيت عيلة وعاوز يبقى ليا عداد مياة منفصل لوحدى
حد يعرف الاجراءات والتكلفة

**heshamzaky** · 02-08-2011 02:08 AM

العداد بتاع الشقة سعرة فى شركة المياة 640 جنية كان ب 420 جنية قبل كدة
الى حا تعملة حا تجيب سباك تبعك و يعمل توصيلات المواسير من مكان ما حا يركب العداد لغاية الشقة عندك و نصيحتى لك أعمل المواسير البلاستيك و أعملها بوصة مش تلات أربع بوصة
بس قول للسباك عند مدخل العداد يعمل كوعة لل تلات أربع بوصة لان دة مقاس العداد المنزلى للشقة و يعمل محبس كمان. و عندك من داخل الشقة يعمل محبس أخر عمومى برضو
الاجرائات حا تاخد العقد بتاع الشقة معاك و ما تنساش تاخد معاك أى فاتورة مياة قديمة من بتاعت العمارة علشان بيكون موجود عليها رقم هو دة الى حا يعرف يطلع بية الدفتر بتاع العمارة
و حا يشوف أذا كان العمارة عليها مديونيات للمياة لشركة المية و بيدفعك المستحق من قيمة الفاتورة و ذلك بأنة بيقسم قيمة الاستهلاك على عدد الشقق الى فى العمارة و لما بتدفع بيديلك وصل بالدفع و بعد كدة تدفع تمن العداد و بيجى بتوع التركيبات يركب العداد بس كدة

**heshamzaky** · 02-08-2011 02:18 AM

طبعا ما تنساش البطاقة و وصل كهرباء كمان معاك

**amrrashed** · 02-08-2011 03:31 AM

المشاركة الأصلية كتبت بواسطة heshamzaky

طبعا ما تنساش البطاقة و وصل كهرباء كمان معاك

وصل كهربا بتاع العمارة صح ؟

**akramlail** · 03-08-2011 12:22 AM

جزاك الله كل خير
ولكن لو مفيش عداد كهربا للشقة اية العمل ؟
وموضوع المحبس بتاع الشقة اللى من برة دة موجود وليا توصيلة لوحدى وكل حاجة هحتاج اعمل حاجة تانى وهل فى معاينة
وبياخد وقت قد اية الموضوع دة ؟

**heshamzaky** · 03-08-2011 12:36 AM

المشاركة الأصلية كتبت بواسطة amrrashed

وصل كهربا بتاع العمارة صح ؟

لآ بتاع الشقة علشان يتأكد من البيانات بتاعتك و ان دى شقتك

المشاركة الأصلية كتبت بواسطة akramlail

جزاك الله كل خير
ولكن لو مفيش عداد كهربا للشقة اية العمل ؟
وموضوع المحبس بتاع الشقة اللى من برة دة موجود وليا توصيلة لوحدى وكل حاجة هحتاج اعمل حاجة تانى وهل فى معاينة
وبياخد وقت قد اية الموضوع دة ؟

جرب من غير الوصل ممكن تعدى بس أهم حاجة عقد الشقة و أيصال مياة من بتاع العمارة
القصة بتاخد ولا حاجة أنا لما عملتة جبت بتاع المعاينة و يوم دفعت و أخدت الراجل بتاع التركيبات و جاب العداد من المخزن وجبتة معايا ركبة

**akramlail** · 03-08-2011 12:57 AM

طبعا لازم تديلة قرشين عشان ييجى يتحرك معاك ولا اية النظام
وهل ينفع عقد ايجار ولا لازم تمليك

**heshamzaky** · 03-08-2011 01:03 AM

المشاركة الأصلية كتبت بواسطة akramlail

طبعا لازم تديلة قرشين عشان ييجى يتحرك معاك ولا اية النظام
وهل ينفع عقد ايجار ولا لازم تمليك

ههههههههه بالنسبة للدفع أنت و ذوقك معاة و على حسب .
هو طبعا بياخدو فلوس مش حا يتحرك من مكانة الا لو اخد فلوس غير كدة حا يقولك أستنى فى الشقة و لما يطلع بأمر التوريد حا يعدى عليك
أعتقد أنك حا تجيب ((( نبل ))) يعنى زى لاكور أو كوع الى بيركب فى العداد
أنا شخصيا مدفعتش و لا مليم و ركب فى 10 دقائق و مشى فورا
بالنسبة لموضوع ان الشقة تمليك أو ايجار اعتقد ينفع برضو فى الايجار زى عداد الكهرباء مش متأكد بس أعتقد ينفع عادى طالما حا تدفع فلوس العداد

**akramlail** · 03-08-2011 02:11 AM

الف شكر ليك يا استاذ هشام ونردهالك فى عدادات تانية ان شاء الله
تحياتى اليك

**heshamzaky** · 03-08-2011 02:16 AM

المشاركة الأصلية كتبت بواسطة akramlail

الف شكر ليك يا استاذ هشام ونردهالك فى عدادات تانية ان شاء الله
تحياتى اليك

العفو يا باشا و صدقنى حا تستريح جدا جدا بعد موضوع العداد
أنا سبب أنى اركب عداد منفصل هو بعض السكان الغير ملتزمين يعنى كان بيتكوم 3 و 4 فواتير مياة و الناس مش بتدفع و طبعا كان الناس الى بتدفع بتشيل الفواتير بالكامل علشان المية ما تتقطعش عن العمارة بعد كدة خلعت من القرف دة و ركبت عداد لوحدى تماما
الاستهلاك ممتاز يعنى تقريبا 15 او 20 جنية فى الشهر و الفاتورة بتجيلك كل شهرين مش كل شهر أستهلاك شهرين مع بعض