عرض للطباعة
هل فرامل الماروتى غير أى فرامل عربية تانية ؟
فرامل الماروتى بتزحف شوية قبل التوقف ؟
هل هذا طبيعى ولا فيه حاجة غلط؟
أنا عربيتى بقالها سنتين وماكشفتش على الفرامل لسه
ومن يوم ما جيبتها (من سنة) وأنا دايما حاسس إن الفرامل زاحفة بعكس عربيات كتير الواحد بيركبها بالاقيها بتمسك فرامل بمجرد الضغط العادى على الدواسة بتاعة الفرامل .
إمتى الواحد يكسف على الفرامل ؟
هل يتفق أحد معى فى توصيفى لفرامل الماروتى ولا الإحساس ده عندى أنا بس ؟
عايز اعمل استفسار بيتعمل اذاى ؟ ولو ينفع اضيف استفسارى هنا ولا لازم اعمل واحد لوحده
تزحف ازاى ؟ كأنك ماشى على رمل يعنى ؟
لو ده قصدك فانا مش بحس بكده .. و جربت بعد سنه تقريبا كشفت ع التيل لقيته لسه ممتاز .. و فعلا التيل بيقعد كتير
راجع مستوى زيت الباكم ..ممكن يكون نقص .. ابقى زوده طالما (وحط تحت طالما دى ميت خط ) نقص و التيل لسه كويس .. لأن تزويده لما بينقص من غير ماتبص ع التيل بيعرضك لأن التيل ممكن يخلص من غير ماللمبه تنور عندك ..فاهم قصدى ياباشا ؟
اعمل موضوع يا باشا من بره هتلاقى ايقونه فوق ( موضوع جديد ) و اتعامل :]
thxxxxxxxxxxxxxxxxxxxxxx
بالنسبة لفرامل الماروتي هيا مش بتزحف الا لو في سبب مثلا ان الهوا في الكاوتش معدي ال35 وده معناه ان معامل احتكاك الكاوتش بالارض شبه منعدم
او ان الفرامل فعلا وحشه....
للحصول على افضل اداء لفرامل الماروتي يرجى اتباع الآتي
1-متابعة زيت الفرامل (وفي حال نقصانه يفضل الاطلاع على حالة التيل فلو كان كويس ممكن تزود الزيت ولو كان وحش ممنوع منعا باتا تزويد الزيت بأي شكل كان مع الاخذ بالاعتبار ان زيت الماروتي هو dot-3
2-متابعة ضغط الهوا في الكاوتش...بحيث ان الهوا في الكاوتش البارد يكون 27 ليس اكثر
وممنوع الكشف على الهوا والكاوتش سخن او بعد مشوار لان القراءه غير حقيقيه
3-مساعدة الفرامل بالغيار العكسي (تسقيط النقله)
دي حاجه للقائد المحترف تخلي العربية تتكلبش في ثانيه
4-رجلشة التيل الخلفي لو الهاند بريك بيعلى اكتر من 5 تكات
6-تغيير التيل الامامي بتاع الفبريكا عند عالاقل 30 ألأف (وممكن يقعد لحد 45) ومن ثم تغييره اول بأول حسب الانواع المتوفره في السوق ولا اعتقد ان اللي في السوق هيقعد اكتر من 20 ألف....
7-تجنب السرعات الخرافيه واخذ مسافة الامان بينك وبين اللي قدامك حسب سرعتك....
وقانا الله شر طريقنا جميعا
مشكوريييييييييييييييييييي يين
حازم طبعا جاب من الأخر .. واحشنى جدا جدا يا زوووووووم ,, اخبارك و اخبار عادل و ايهاب و باقى الناس ايه ؟
حبيب قلبي يامحنشاقتباس:
المشاركة الأصلية كتبت بواسطة m7nsh
انت مختفي تماما
وحشتنا والله
يارب تكون خلصت على خير
عايزين نرتب لمقابله رمضانيه قريبا ان شاء الله
ولا ايه؟؟
كل سنه وانت طيب
كل عام وأنتم بخير جميعا
هوا برده الفرامل مش قد كده بس شغاله يعني انا فاقد الثقه فيها و مشيك ع التيل و الزيت
اقتباس:
المشاركة الأصلية كتبت بواسطة love7amada
بالظبط أنا عايز أقول كده
اقتباس:
المشاركة الأصلية كتبت بواسطة love7amada
انا عن نفسي بثق تماما في الفرامل وبقولكم اداءها ممتاز جدا طلما كاوتشاتك في السليم وده اهم العوامل المساعدهاقتباس:
المشاركة الأصلية كتبت بواسطة mesaharaty
تحياتي
مش عارف بقي
صباح الفل يا خونا والله وحشنى اوى . انا مقصر بس الشغل مطحون فية شوية. سلامى ليكوا جميعا
انا لسة شارى تيل فرامل مش عارف اسمة اية بصراحة ب 50 جنية والراجل بيشكر فية جدا مع انه صينى وقالى رقبتى ليك لو فية حاجة. هو تحت التجربة دلوقتى فى اول الف كيلو وهيبان ان شاء الله
جايبه منين
و اصلا عملت بالقديم الاصلي بتاع العربيه كام كيلو
انا عملت 22 الف و لسه فيه كتير
طيب هو الكشف على الفرامل يعنى لازم يفك الطنابير وكل حاجة ويحط زيت جديد ولا إيه اللى بيتم ؟
فك الكاوتش والنظر لسمك التيلاقتباس:
المشاركة الأصلية كتبت بواسطة mesaharaty
تحياتي
اقتباس:
المشاركة الأصلية كتبت بواسطة hm414
صباح الفل على الجميع
طيب لو فرضنا فيه فردة مش بتقفش هل دى تبان بمجرد الفحص النظرى؟
حسب سبب هيا مش بتقفش ليهاقتباس:
المشاركة الأصلية كتبت بواسطة mesaharaty
وهل هيا ورا ولا قدام
وهل هو اكيد مش بتقفش ولا بتقفش اضعف من التانيه
يعني لو ثبت ان في فرده مش بتقفش فعلا محتاجه طبعا اكتر من الكشف النظري ولازم العربية يتكشف عليها كويس للتأكد من الموضوع
انا حصل ان كان عندي الشمال بتقفش اكتر من اليمسن في الخلفي وده طبعا خلا العربية تحدف مني في مرة كنت مسرع جدا وقت الفجر وربنا سترها الحمد لله خدت بالي ولحقت ألمها
كانت كل المشكله ان رجلاش الفرامل مش زي بعض عالناحيتين وتم حل الموضوع
عشان نكشف عليها اترفعت على رافعه ولفينا كل فرده وتبين ان واحده قافشه عن التانيه
تحياتي
التيل الاصلى الفبريكة اللى مع العربية انا عملت بية 40 الف كيلو يا خونا وكان تيل زى الفل ولا يوم من ايامة ههههههه بس الاقية فين هههه ركبت تيل بعد كده فى التوكيل ومنهم لله زى الزفت صووووووووووووووووووووت بالعبيط وصريخ انا دلوقتى عامل 56 الف يعنى تقريبا قعد 16الف وغيرتة مع عنة لما الميكانيكى شالة قالى ده لسة فية قولتة انا قرفت منة . الجديد بقى ربنا يسهل ونشوف. اه جبتة من شارع احمد ذكى فى المعادى
التيل الصينى اللى موجود فى السوق انا جربته ، هو حلو جدا فى انه يمسك العربية ومافيش منه اى قلق من ناحية الخيانة، لكن عمره قصير، عمل معايا 10 آلاف كيلومتر بالضالين وجاب الحديد، غيرته بنوع تانى تايوانى، بصراحة مش بيمسك العربية زى الصينى بس انا ماشى بيه 8 آلاف لحد ديلوقتى ولسة فيه لحمية معقولة
عمره قصير مفيش مشكله المهم انه يمسك العربيه كويس و خلاص