سؤال حيرنى بما ان العربيه دى غريبه و اهتميت شويه بيها
العربيه دى فيها تكييف ولا لأ ؟
بيتركبلها تكييف ولا لأ ؟
تكلفة التكييف كام لو اتركبلها ؟
بتمشى كام كيلو بلتر بنزين واحد بالتكييف و من غيره ؟
تستحمل السفر ولا لأ ؟
سؤال حيرنى بما ان العربيه دى غريبه و اهتميت شويه بيها
العربيه دى فيها تكييف ولا لأ ؟
بيتركبلها تكييف ولا لأ ؟
تكلفة التكييف كام لو اتركبلها ؟
بتمشى كام كيلو بلتر بنزين واحد بالتكييف و من غيره ؟
تستحمل السفر ولا لأ ؟
متاااااااابع
طيب كدة عرفنا موضوع التكييف يعنى لو روحنا نجيب داتشيا نوفا هيبقى فيها تكييف نشحنه بس ولا أنا فهمت غلط ؟
بالنسبه للأستهلاك بقى بتاع البنزين لحد دلوقتى مش فاهمه حاجة يعنى اللتر بيمشيها بالتقريب كدة كام كيلو
و ممكن تتحول لغاز ولا لأ ؟
ما هو كل حاجة على حسب العربية يعني النوفا لو هتشتري موديل نازل فيه تكييف أكيد هتلاقي فيه التكييف ولو مش موجود
تركيبه سهل
بالنسبة للتحويل للغاز فبسهولة تتحول إلى غاز لأن تقريبا كل سواقين التاكسي بتوع القاهرة محولينها لغاز
اولا تكييف النوفا هو نفس تكييف الرينو والنوفا مجهزة بتكييف بس لو مش ملعوب فيها يعنى هتلاقى المروحة الداخلية وهتلاقى كل حاجة تقريبا ماعدا الكويل على ما اعتقد ولو لقيت كويل تبقى سهله هانجيب الكباس والسربنتينة والمواسير وخلاص والحاجات ديه مش مكلفة قوى
وفيه تكييف كامل بيركب بس ده بيكون يابانى وبيركب على اى عربية وده تكلفته 3000 جنيه وكامل مكمل كويل وسربنتينة ومواسير وكباس وكل حاجة
على حسب الصنايعى الى شغال ممكن لو الحاجة متوفرة تتعمل رخيصة ولو مش متوفرة يبقى علينا وعلى اليابانى وده بيكون جديد فى جديد
العربية فى السحب مع التكييف هاتكون مش قوية فى السحب وهاتستهلك بنزين كتيير
بالنسبة لاى نوفا العربية الصح هاتعمل فلوس عالية شوية عن اسعار السوق بس هاتبقى عربية بجد
ميرسى على الردود الله يخليكم
بس إلى انا فهمته بقى أن أى داتشيا نوفا مجهزة لتركيب تكييف لكن مش تكييف كامل يعنى فيه حاجات هتتحط عليه
يعنى لو ناويين نجيب واحده للمشاوير القريبه بقى نقول للى بيكشف عليها أنه يتأكد من أنها مجهزة لتركيب تكييف ؟ طيب لو طلع ميكانيكى جاهل أقولة يتأكد من وجود أية يعنى ؟ و بالنسبه بقى للتكييف اليابانى طيب مانا سمعت أن فيه مواتير رينو بتنزل فى مصر بالتكييف و كامله لكن معرفش سعرها أية , أية بقى الفرق بين الماتور الكامل بالتكييف و التكييف اليابانى فى السعر وفى الاداء ؟ و محدش قالى برضة بتمشى كام كيلو باللتر الواحد
انا هاتكلم بحكم معايا عربية داتشيا نوفا 98 هى عربيةكويسة قوية سريعة على الطريق عالية من تحت مش بتسحب بنزين كتير فيها هواية ويركبلها تكييف اه لكن الموتور مش هايستحمل وهيبقى سخن بدرجة عالية جدا وهاتسحب بنزين اكتر السخونة بتاعت الموتور صعبة شوية الى حد ما بس هى مش بتعطل بسبب السخونة بسهولة لما الموتور بيكون سخن لكن لو حطيط تكييف مش بعيد الموتور يولع اغلبية الداتشيا فى مصر مفيهوش تكييف لكن لو هاتغير موتور وتركب موديل جديد زى الكليو او الميجان اى موديل ده لو كان ينفع ساعتها نقول نركب تكييف شباك كمان
عموما الداتشيا فى مصر العربيات المتوسطة كتير والجيدة قليل على حسب الاستعمال وهيا تستحمل السفر كنت بروح بيها من القاهرة الى المنيا حوالى 400 كيلو
لاابدا مفيش رعب ولا حاجة بس كان لازم تعرفوا اهم الاساسيات وخصوصا موضوع التكيف
العربية كويسة جدا مفيهاش مشاكل الا الخفيف زى سخونة العربية وده عشان هيا بتزل بالردياتير المونيوم يبقى كده لازم نغيره برداياتير نحاس 3 ماسورة لو الماتور الاصلى بتاعها حالته كويسة يبقى اتكل وركب التكيف اذا كان غير ذلك يبقى تروح للمكيانيكى او ورشة نايل موتورز علشان تعرف مقاسات المواتير الى ممكن تركب على قاعدة العربية وبذلك تركب التكيف بس معرفش اسعار لانى مش متابع