اللتر بيمشيها كام كيلو بالتكييف و بدون التكييف ! و أسئلة لازم تجاوبونى عليها

**MaNoLa** · 02-08-2011 05:23 AM

سؤال حيرنى بما ان العربيه دى غريبه و اهتميت شويه بيها
العربيه دى فيها تكييف ولا لأ ؟
بيتركبلها تكييف ولا لأ ؟
تكلفة التكييف كام لو اتركبلها ؟
بتمشى كام كيلو بلتر بنزين واحد بالتكييف و من غيره ؟
تستحمل السفر ولا لأ ؟

**ahmad--ezzat** · 02-08-2011 05:30 AM

متاااااااابع

**الصيداح** · 02-08-2011 01:51 PM

المشاركة الأصلية كتبت بواسطة MaNoLa

سؤال حيرنى بما ان العربيه دى غريبه و اهتميت شويه بيها
العربيه دى فيها تكييف ولا لأ ؟
بيتركبلها تكييف ولا لأ ؟
على حسب النوع والموديل
النوفا فيها تكييف والعادية يركبلها تكييف
تكلفة التكييف كام لو اتركبلها ؟
كأي تكييف هيركب مش معضلة على ما أعتقد
بتمشى كام كيلو بلتر بنزين واحد بالتكييف و من غيره ؟
تحديدا بالأرقام مش عارف لكن الإستهلاك عادي جدا وليس كبيرا بالمرة
تستحمل السفر ولا لأ ؟ نعم تستحمل السفر الطويل

**MaNoLa** · 02-08-2011 05:28 PM

طيب كدة عرفنا موضوع التكييف يعنى لو روحنا نجيب داتشيا نوفا هيبقى فيها تكييف نشحنه بس ولا أنا فهمت غلط ؟
بالنسبه للأستهلاك بقى بتاع البنزين لحد دلوقتى مش فاهمه حاجة يعنى اللتر بيمشيها بالتقريب كدة كام كيلو
و ممكن تتحول لغاز ولا لأ ؟

**الصيداح** · 04-08-2011 02:20 AM

ما هو كل حاجة على حسب العربية يعني النوفا لو هتشتري موديل نازل فيه تكييف أكيد هتلاقي فيه التكييف ولو مش موجود
تركيبه سهل

بالنسبة للتحويل للغاز فبسهولة تتحول إلى غاز لأن تقريبا كل سواقين التاكسي بتوع القاهرة محولينها لغاز

**bnoqo** · 06-08-2011 09:14 AM

اولا تكييف النوفا هو نفس تكييف الرينو والنوفا مجهزة بتكييف بس لو مش ملعوب فيها يعنى هتلاقى المروحة الداخلية وهتلاقى كل حاجة تقريبا ماعدا الكويل على ما اعتقد ولو لقيت كويل تبقى سهله هانجيب الكباس والسربنتينة والمواسير وخلاص والحاجات ديه مش مكلفة قوى

وفيه تكييف كامل بيركب بس ده بيكون يابانى وبيركب على اى عربية وده تكلفته 3000 جنيه وكامل مكمل كويل وسربنتينة ومواسير وكباس وكل حاجة

على حسب الصنايعى الى شغال ممكن لو الحاجة متوفرة تتعمل رخيصة ولو مش متوفرة يبقى علينا وعلى اليابانى وده بيكون جديد فى جديد

العربية فى السحب مع التكييف هاتكون مش قوية فى السحب وهاتستهلك بنزين كتيير

بالنسبة لاى نوفا العربية الصح هاتعمل فلوس عالية شوية عن اسعار السوق بس هاتبقى عربية بجد

**MaNoLa** · 07-08-2011 12:29 AM

ميرسى على الردود الله يخليكم
بس إلى انا فهمته بقى أن أى داتشيا نوفا مجهزة لتركيب تكييف لكن مش تكييف كامل يعنى فيه حاجات هتتحط عليه
يعنى لو ناويين نجيب واحده للمشاوير القريبه بقى نقول للى بيكشف عليها أنه يتأكد من أنها مجهزة لتركيب تكييف ؟ طيب لو طلع ميكانيكى جاهل أقولة يتأكد من وجود أية يعنى ؟ و بالنسبه بقى للتكييف اليابانى طيب مانا سمعت أن فيه مواتير رينو بتنزل فى مصر بالتكييف و كامله لكن معرفش سعرها أية , أية بقى الفرق بين الماتور الكامل بالتكييف و التكييف اليابانى فى السعر وفى الاداء ؟ و محدش قالى برضة بتمشى كام كيلو باللتر الواحد

**jotime** · 07-08-2011 05:33 AM

انا هاتكلم بحكم معايا عربية داتشيا نوفا 98 هى عربيةكويسة قوية سريعة على الطريق عالية من تحت مش بتسحب بنزين كتير فيها هواية ويركبلها تكييف اه لكن الموتور مش هايستحمل وهيبقى سخن بدرجة عالية جدا وهاتسحب بنزين اكتر السخونة بتاعت الموتور صعبة شوية الى حد ما بس هى مش بتعطل بسبب السخونة بسهولة لما الموتور بيكون سخن لكن لو حطيط تكييف مش بعيد الموتور يولع اغلبية الداتشيا فى مصر مفيهوش تكييف لكن لو هاتغير موتور وتركب موديل جديد زى الكليو او الميجان اى موديل ده لو كان ينفع ساعتها نقول نركب تكييف شباك كمان
عموما الداتشيا فى مصر العربيات المتوسطة كتير والجيدة قليل على حسب الاستعمال وهيا تستحمل السفر كنت بروح بيها من القاهرة الى المنيا حوالى 400 كيلو

**MaNoLa** · 07-08-2011 11:09 AM

المشاركة الأصلية كتبت بواسطة jotime

انا هاتكلم بحكم معايا عربية داتشيا نوفا 98 هى عربيةكويسة قوية سريعة على الطريق عالية من تحت مش بتسحب بنزين كتير فيها هواية ويركبلها تكييف اه لكن الموتور مش هايستحمل وهيبقى سخن بدرجة عالية جدا وهاتسحب بنزين اكتر السخونة بتاعت الموتور صعبة شوية الى حد ما بس هى مش بتعطل بسبب السخونة بسهولة لما الموتور بيكون سخن لكن لو حطيط تكييف مش بعيد الموتور يولع اغلبية الداتشيا فى مصر مفيهوش تكييف لكن لو هاتغير موتور وتركب موديل جديد زى الكليو او الميجان اى موديل ده لو كان ينفع ساعتها نقول نركب تكييف شباك كمان
عموما الداتشيا فى مصر العربيات المتوسطة كتير والجيدة قليل على حسب الاستعمال وهيا تستحمل السفر كنت بروح بيها من القاهرة الى المنيا حوالى 400 كيلو

يا لهوى دا أنت رعبتنى منها أصلا
عمتا أنا عارفه أن عشان تغير الماتور لازم تكون القاعدة نفس المقاسات
طيب أية يتماشى مع الداتشيا نوفا و سعره بالتكييف يعمل كام ؟
و أية موضوع أنك تركب ماتور تانى و تكييف دة ؟

**jotime** · 07-08-2011 03:17 PM

لاابدا مفيش رعب ولا حاجة بس كان لازم تعرفوا اهم الاساسيات وخصوصا موضوع التكيف
العربية كويسة جدا مفيهاش مشاكل الا الخفيف زى سخونة العربية وده عشان هيا بتزل بالردياتير المونيوم يبقى كده لازم نغيره برداياتير نحاس 3 ماسورة لو الماتور الاصلى بتاعها حالته كويسة يبقى اتكل وركب التكيف اذا كان غير ذلك يبقى تروح للمكيانيكى او ورشة نايل موتورز علشان تعرف مقاسات المواتير الى ممكن تركب على قاعدة العربية وبذلك تركب التكيف بس معرفش اسعار لانى مش متابع

الموضوع: اللتر بيمشيها كام كيلو بالتكييف و بدون التكييف ! و أسئلة لازم تجاوبونى عليها

LinkBack

أدوات الموضوع

عرض

اللتر بيمشيها كام كيلو بالتكييف و بدون التكييف ! و أسئلة لازم تجاوبونى عليها - انشر الموضوع فى :

-

-

-

-

المواضيع المتشابهه

الفابيا المظلومة : أسئلة يجب الإجابة عليها

تقرير عن السيارة f0 بعد 15000 كيلو .... ما لها و ما عليها

أسئلة عن الباور و التكييف

السيارة الدايو 2008 تعمل كام كيلو فى اللتر ؟

صيانة أول ألف كيلو لازم غبور؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة