للاسف هو ده الحل والناس مبقتش بتيجي الا بكده والدنيا بقت ماشيه في صالح الاقوى
لو حس انك قوي هيعملك اللي انته عايزو
للاسف الناس بقت وحشه جدا
انا عندى حل احسن من ده بكتيرررر
حضرتك تطلع ع القسم و تقول ان عربيتك اتسرقت و لقيتها مفككة عند الراجل ده و طلب فدية 10000 و اخد الفلوس و مرضاش يسلملى العربية المفروض يطلع معاك ظابط او بوكس (شوف عسكرى وقولو اللى مكتوب فوق و عايز اطلع ناس و بتاع حيقولك ع سكة ) و يطلعو معاك ع الميكانيكى ده و حتستم عربيتك و احتمال تاخد فلوسك كمان
تروح تخلص عليه هناك يا يخلص العربيه يا تخلص عليه وخش في شماااااااال االناس دي هبل اسمع مني
الصنايعيه والعمال بكل فئاتهم وكل شغلاناتهم عايشين في الدور ان هما بنايين المجتمع وان الناس الي معاها شهادات دي ناس مش بتفهم حاجه ومضحوك عليهم ولذا لازم يتنصب عليهم عشان الصنايعي شاطر وجامد اوي وواد حدق ومخلص
بص ده لو خدله قلمين هيخلص العربيه ويرجع فلوسك
حلو فكرة العربيه اتسرقت ولقيتها مفكوكة دى
والاحلى انك تاخد معاك اد بتوع 10 15 واحد من اصحابك وتروح تاخد العربيه والفلوس وتقولوا مش عايز تصلح حاجة
جزاكم الله خيرا لكم على مشاكرتكم لى مشكلتى لانها فعلا عاملة مشكلة جامدة جدة غير انه بيضحك على لا كمان اذانى جدا بسبب الفلوس اللى سحبها منى
انا ححاول اشوف الحكاية دى فعلا و واذا اى حد عنده اقتراح يقول لى و جزاه الله الجنة
طيب الصنايعية اللى هناك شافونى رحت و كده انا الصراحة معرفش ايه الاجراءات بالظبط علشان تبقي مفهاش شك انه سرقها و اعرف اخذ حقي منه و جزاك الله الجنة على اهتمامك
هو فى حاجة بس نسيت اقولها انه يعرف بيتي فل لو عملت كده ممكن يتعرض لى ولة حيطنش على اساس انه كده كده هو اللى غلطان فمش حيحاول ؟!
اصل عندى عيال صغيرة ولد و بنت
ولة هو حيكبر و يخلص العربية؟
و جزاك الله الجنة على الاهتمام
والله لو ينفع فعلا حعملها بس حكاية الناس اللى شافونى هناك دول هل لهم وزن فى القانون لو شهدوا انهم شافونى ؟؟
و جزاك الله الجنة على ردك و اهتمامك
الواحد مش عارف يقولك ايه
روح ولع فيه هو والعربيه
فى حاجة يا جماعة نسيت اقول لكم عليها فى عربية جابها علشان يعمل النصبة عليها فكها برضوة كلها انا كنت بقول فكرة انى احاول اكلم صحاب العربية دى علشان اتفق معاهم مثلا اننا نحاول نعمل له محضر بالقسم انه نصاب و اوريهم الفيديو اللى اثبت بيه ما اقوله طبعا اقصد صحاب العربية فممكن يروحوا معى ولة ايه رأيكم ؟؟!
أوعي تعمل أي حاجة من الكلام ده نهااااااااااائي
أولا موضوع السرقة ده مش هينفع علشان المنطقة كلها هتشهد معاه انك ترددت علية 50 مرة علي الأقل وان العربية عنده من بدري ..........وانك انت اللي جايبها بنفسك ده غير طبعا انك معندكش محضر مكتوب فيه انك ضيعت العربية من شهرين ولا حاجة وكده طبعا هتلبس انت المحضر بتاع السرقة......
أما موضوع ال30 واحد ده طبعا مش هينفع علشان هتلاقي الشارع كله وقف معاه وأكيد صحابك دول مش بلطجية ومش هيعرفوا يتصرفوا كويس وممكن الموضوع يقلب أكشن وتلاقي حد لاقدر الله جري له حاجة ......وبعدين طبعا هو معاه عنوانك وهيكمل بقيت الأكشن عندك في الوقت اللي يناسبه ....
أفضل حل انك تقول له انك مش هتقدر تدفع فلوس تاني نهائي لأنك استلفت من ناس كتير ومش هينفع تستلف من حد تاني......وحاول تصرف امورك معاه لحد ماتخلص منه يعني لو خلاص لقيته هيخلص العربية وفعلا واقف علي مبلغ بسيط مفيش مانع تدفعه بس لازم تحسسه انك بتدفع بصعوبة وبلاش حكاية الآلوفات ده خليك معاه واحدة واحدة علشان يبطل نصب معاك....
وبالنسبة للفيديو للأسف مش هينفعك زي ما أنت فاكر ده يادوبك علشان تستعطف الظباط ويصدقوك فعلا لكن النيابة مالهاش دعوة بيه خالص لأنك مااخدتش منها أذن بالتصوير ......
وفي الآخر برضه بلاش تحسن الظن بالشرطة قوي كده لأن الصنايعي النصاب ده ممكن يطلع أرحم لك منهم ..........
وربنا يفك كرب كل المهمومين في الأيام المفترجة ده .........