الموضوع: حد يشاورنى عملت حادثة و الميكانيكي نصب على و مش عايز يخلص العربية من اكتر من شهرين

انا عندى حل احسن من ده بكتيرررر
حضرتك تطلع ع القسم و تقول ان عربيتك اتسرقت و لقيتها مفككة عند الراجل ده و طلب فدية 10000 و اخد الفلوس و مرضاش يسلملى العربية المفروض يطلع معاك ظابط او بوكس (شوف عسكرى وقولو اللى مكتوب فوق و عايز اطلع ناس و بتاع حيقولك ع سكة ) و يطلعو معاك ع الميكانيكى ده و حتستم عربيتك و احتمال تاخد فلوسك كمان

المشاركة الأصلية كتبت بواسطة typerr

بص ولا قسم ولا بتاع محدش هيجيبلك حقك الا انت
هات حقك بدارعك انت غلطت للاسف
بس الحل الوحيد انك تاخد معاك ناس كتير اوووي كل اصحابك مش اقل من 30 واحد وراح هناك ميت علي العربيه والفلوس
واتعامل انا قبل كده اتخانقك خناقه جامده بسبب 15 جنيه
بس المشكله في 15 جنيه
المشكله اني حسيت اني اضحك عليا

المشاركة الأصلية كتبت بواسطة m.alaa92

انا عندى حل احسن من ده بكتيرررر
حضرتك تطلع ع القسم و تقول ان عربيتك اتسرقت و لقيتها مفككة عند الراجل ده و طلب فدية 10000 و اخد الفلوس و مرضاش يسلملى العربية المفروض يطلع معاك ظابط او بوكس (شوف عسكرى وقولو اللى مكتوب فوق و عايز اطلع ناس و بتاع حيقولك ع سكة ) و يطلعو معاك ع الميكانيكى ده و حتستم عربيتك و احتمال تاخد فلوسك كمان

أوعي تعمل أي حاجة من الكلام ده نهااااااااااائي

أولا موضوع السرقة ده مش هينفع علشان المنطقة كلها هتشهد معاه انك ترددت علية 50 مرة علي الأقل وان العربية عنده من بدري ..........وانك انت اللي جايبها بنفسك ده غير طبعا انك معندكش محضر مكتوب فيه انك ضيعت العربية من شهرين ولا حاجة وكده طبعا هتلبس انت المحضر بتاع السرقة......

أما موضوع ال30 واحد ده طبعا مش هينفع علشان هتلاقي الشارع كله وقف معاه وأكيد صحابك دول مش بلطجية ومش هيعرفوا يتصرفوا كويس وممكن الموضوع يقلب أكشن وتلاقي حد لاقدر الله جري له حاجة ......وبعدين طبعا هو معاه عنوانك وهيكمل بقيت الأكشن عندك في الوقت اللي يناسبه ....

أفضل حل انك تقول له انك مش هتقدر تدفع فلوس تاني نهائي لأنك استلفت من ناس كتير ومش هينفع تستلف من حد تاني......وحاول تصرف امورك معاه لحد ماتخلص منه يعني لو خلاص لقيته هيخلص العربية وفعلا واقف علي مبلغ بسيط مفيش مانع تدفعه بس لازم تحسسه انك بتدفع بصعوبة وبلاش حكاية الآلوفات ده خليك معاه واحدة واحدة علشان يبطل نصب معاك....

وبالنسبة للفيديو للأسف مش هينفعك زي ما أنت فاكر ده يادوبك علشان تستعطف الظباط ويصدقوك فعلا لكن النيابة مالهاش دعوة بيه خالص لأنك مااخدتش منها أذن بالتصوير ......

وفي الآخر برضه بلاش تحسن الظن بالشرطة قوي كده لأن الصنايعي النصاب ده ممكن يطلع أرحم لك منهم ..........

وربنا يفك كرب كل المهمومين في الأيام المفترجة ده .........