عاااوز رأيكم وخصوصااا خريجي تجااااااااااارة .....

**ahmadmidop** · 02-08-2011 11:15 PM

انا الحمدلله اتخرجت السنة دي (الشهراللي فاات ) وجالي شغلة في مصنع كمحاسب تحت التدريب لمدة 3شهور وده لللاسف ب 500 جندي كل شهر .. وبعد ال 3شهور المفروض المرتب يبقي 700 جنيه !!!! انا حالياااا بجد مخنوووووووووووووووووووووو وووووووووووووووووووووق لكذا حاجة اولا الشغل من 8 صباحا لحد الساعة 6 !!! وانا اصلا نفسيا مش مرتاااح حاسس انا هادد نفسي علي مافيش يومي بااااااااااظ برجع يدوب اتغدي وانااام ولا عنت بعرف اخرج ولا بتاااع .... يعني مش مرتاااح ومرتب في الضياااااع .... ثانيا عاوز اخد كورسااات بس كده مش هينفع عشان المواعيد ....وفي نفس الوقت مش عاااارف اخد كورساااات ايه لغة طيب ايه في اللغة وعاااوز اخد كورسات في المحاسبة طب ايييه !!!! عاوز اعرف رايكم ونصيحتكم في الوضع الحااالي وفي الكورسات لاني بجد قرفااااااااان ومخنوووق

**nomercy22** · 02-08-2011 11:42 PM

بص ياباشا حوار 500 جنيه فكك منه خالص بجد انا والله اول ما اشتغلت كان ب 300 جنيه وكنت بصرف علي الاقل 25 جنيه في اليوم ركنه وبنزين وخلافه بس عاااااااااااااااادي للان كنت بستفيد جدااااااااااااا وحاسس اني بتعلم حاجات جديده فلو حاسس انك بتستفيد كمل الخبره برضه بتبقي جميله جدا مع الكورسات لاكن كورسات بس برضه مابتبقاش اوي لزم خبره تاني حاجه بالنسبه للكورسات انت بتحب المحاسبه فعلا ولا لأ يعني نفسك تشتغل محاسب ولا الدنيا فيها ايه ولو بتحبها وتقدر تجتهد فيها توكل علي الله وخد cma بجد جامده جدا جدا جدا وهتنقلك ناقله تانيه خالص ولا ليك في شغل الاي تي ولا اتش ارر ولا ايه بالضبط

**ahmadmidop** · 03-08-2011 12:11 AM

انا اه بحب المحاسبة ... والحمد لله انا استفدت بس حاسس خلاص اني لميت كده كل حاجة في الشغله اللي انا فيها ... طب تمااام انا عاوز اخد لغة الاول وبعدين كورسات المحلسبة اخد ايه في الللغة وبعدين مما فيش حاجة في المحاسبة ااقل من ال cma مؤقتاا

**misoalex** · 03-08-2011 12:35 AM

500 جنيه وحيبقى 700 جنيه وزعلان

امال اللى متخرج بقاله سنين ومش لاقى شغل خالص وعنده استعداد يشتغل ب 300 جنيه بدل القعده يقول ايه

مهو انت مش اول متتخرج حتاخد 2000 جنيه

يعنى ممكن تاخد خبره سنه او اتنين تتحط فى ال cv بتاعك وانت بتقدم على شغلانه افضل وانت شغال فى مكانك

ولا انت شايف ايه

**matrix_it** · 03-08-2011 12:50 AM

انت تجارة عربى ولا انجليزى ؟؟؟؟؟ و جامعة ايه؟؟؟؟؟

**nomercy22** · 03-08-2011 01:11 AM

احسن مكان بيرلتز بس لا يكلف الله نفسا الا وسعاها هو غااااااااااااالي شويه

**zago** · 03-08-2011 01:54 AM

500 جنيه حته واحده !!!

ولع في المصنع يا عم

**ahmadmidop** · 03-08-2011 06:09 PM

تجارة عربي ... جامعة المنصورة

**Khalid Shalabi** · 03-08-2011 07:49 PM

اول حاجة تشيل من دماغك انك قرفان و زهقان و ملان و الحاجات السلبية دي و انسى ايام الكلية و الدلع - دلوقتي انت داخل على الحياة العملية الواقعية و فعلا تكن او لااااااااا تكون و تاكد ان ربنا سبحانة و تعالى مش بيضيع تعب حد ابداااا حتى بعد عشر سنين فلازم تتعب

متقلش انك بتحب امحاسبة لانك لسة متعرفش يعني ايه محاسب بس طالما ان ملكش ميول تاني فخليكي تقليدي و ابتدي انك تبقى محاسب و مش مهم المرتب طبعا في الاول و متنساش انك متعرفش حاجة لسة في حياتك عشان تفيد بيه صاحب الشغل غير ماتكون عندك خبرة في حاجة اة سوبر يوزر في برنامج معين و دا ليه تمن

انا شايف انك تتوكل على الله و تبدي الشغل دا و تنسى المرتب و الخروجات و تركز في مستقبلك و تسال نفسك انا هبقى ايه كمان عشر سنين و هتجوز فين و مين و ازاي ووادي هدخلهم مدارس ايه - اجابات كل دا بتبدي من دلوقتي

و برضة انا شايف ان عيب اوي بعد 15 سنة في المدارس و الكليات و لسة هنروح ناخد كورسات - جرب يبقى عندك ارادة و ذاكر لغة لوحدك و خليها جزء من حياتك اليومية مش مصطلحات و قواعد هنحفظها و خلاص و انا من دمياط برضة و عندي كمية كورسات و برامج لغة وهمية و بعد خبرة 9 سنين في شركات كتير و متعددة الجنسيات . اللغة مفتاح فرص كتيييير اوي و حتة بعد متشتغل بتخليك تفرق عن اي حد و تزود خبرتك بسهولة اكتر