يا فندم طالما حضرتك رايح ناحية ال جين 2 ,, خلاص توكل ع الله اهم حاجة انك تبقى انتا اللى مقتنع ,,, تحياتى ,,,
عرض للطباعة
انا فعلا رايح ناحية الجين 2 .. اللى يهمنى فى العربية اساسياتها .. زى الشاسيه والموتور والصاج .. كمان شكلها ثورى جميل وامكانياتها كتير بالمقارنة بسعرها.. اعتقد انها هتكون صفقة كويسة ..
كمان برضه اليابانى بيزغلل عينى .. بس ماعرفش عن اللانسر حاجة بصراحة ..
شكرا با باشا
بص يا باشا ال 110 دول تقريبا يجيبو لانسر ال 1600 كلاسيك و بصراحة حرام تدفع المبلغ ده ف عربية التكنولوجى بتاعها من 10 سنين بس السنة دى نزلو ستيب ترونيك فيها دى عيوبها اما مميزاتها معروفة للجميع من البيع و انت واقف و توافر قطع الغيار الخ
الاكسنت لو تقدر تجيبها هاى لاين ب 116 يبقى كسبت شكل جديد و طبعا اعادة البيع ف الهيونداى معروفة و حتتوافر ليها قطع الغيار.
نيجى بقى للجين 2 و راى الشخصى اتفق معاك انها صفقة رابحة ان شاء الله لانها بتجمع وسائل الامان اللى ف الاكسنت ال ب 116 بالاضافة للebd ف رينج اقل بكتير من الاكسنت و ممكن بالفرق ده تركب زينون و كاسيت محترم و جنوط و حتبقى مرتاح نفسيا ليها و يتفضل معاك فلوس كمان :)
أنا اسف جدا جدا جدا جدا يا فندم ع كلامى ,, معلش ان مش قصدى والله أجى ع حضرتك ,,, وحقك عليا ,, بس الصيام مع الحر عامل مع الواحد عمايله ,,, بس كنصيحة أخوية بينى وبين حضرتك ,,, فعلا لما تيجى تسوق عربية المانى وبعدها يابانى وبعدها كورى وبعدها صينى ,,, هتحس فعلا بفرق كبير جدا ,,, لأن عن تجربة شخصية الصناعة والتقفيل بيفرقوا كتير ,, وبعتذر لحضرتك مرة تانية عن كلامى ,, وكل سنة وحضرتك طيب وبخير وبألف سلامة,,, تحياتى ,,,
اللى تلاقيه بيهاجم هيونداى حاجة من الاتنين يأما عاوز يقول ان عربيته احسن عربية يأما ان بيحط اساسه على موديل السيارة القديم يأما يقول دى كورى.
اللى بيقول انى عربيته احسن عربية 1- بعض الناس اللى معاها الصنى انا هقول بعض عيوبها تكنولوجيا ماتور من 7 سنين ادى الى ارتفاع استهلاك البنزين و صوت المحرك العالى , تقفيل مصرى تظهر فى الازاز و الكهرباء و الابواب , شكل كلاسكى لا يتناسب مع اشكال سيارات العصر , ضيق الكنبة الخلفية و قصر قاعدة العجلات مما يبعد طوال القامة عن اقتناء السيارة , برغم من طول السيارة ولكن لا تعتبر سيارة منافسة لمثيلتها من الطول مثل اوبترا و النترا الشكل القديم و سيراتو , توافر عفشة ناشفة بها يؤدى الى عدم راحة الركاب فى الخلف , . مميزتها سيارة مقابل المال , وجود بعض وسائل الأمان , التوكيل . 2- بريسونا و GEN2 تقفيل سئ يوجد فى الmultifunction و الازاز الكهرباء و بعض مظاهر التقفيل , بور ثقيل مما يؤدى الا عدم راحة السائق , صوت المحرك العالى , استهلاك بنزين عالى جدا , عدم توافر قطع الغيار , صعوبة بيع السيارة بعد فترة من الزمان , وجود نفس مشكلة الصنى ضيق الكنبة الخلفية , توكيل سئ السمعة . مميزتها سيارة مقابل المال , ثبات عالى , توافر وسائل الامان , صاج عريض , كماليات زائدة.
نيجى بقا للناس اللى بتحط اساسها على اساس الموديلات السابقة 1- اكسنتRB و اكسنت الشكل القديم يقولون: ثبات قليل , نسبة تنطيط بالخلف , فرامل سيئة , ضيقة من الخلف , صاج خفيف . لا احب ارد : ثبات زائد بشكل ملحوظ و بكثير , اختفت نسبة التنطيط , بل زادة قوة الفرامل رغم عدم توافر الABS , زاد طول وعرض و قاعدة العجلات ادى الى اتساع الكنبة الخلفية و الحقيبة الخلفية للسيارة و ازدياد بعض الكماليات و الاساسيات مثل زيادة قوة المحرك الى 124 حصانا و 157 نيوتن و انخفاض استهلاك البنزين بسبب نظام الeco , وجود اشرات بالمريات الجانبية , وجود كمبيوتر رحلات , وجود باور كهرباء , وجد تسجيل cd كبير الحجم مزود بusb و aux .
نيجى برده لناس اللى تقول ده كورى هقول حاجة بسيطة هو حضرتكوا عاوزيين الصغير يفضل صغير والكبير يفضل كبير . شركة و قدرت تتفوق لا ازاى دى تحصل لا لازم نقولها لا خليك و تبطى ويفضلى مكانك و نقولها انت نسيتى نفسك عاوزة تنافسى اوبل و تويوتا و نيسان انت اتعبطى . شركة قدرت تعمل حاجة كويسة و نظيفة خلاص جزاها الله خير. لازم بقا تنافس عشان تأكل عيش و نسيبها فى حلها . انا اسف انى طولت بس لازم اكلم بحق . و كل عام و انتم بخير
العضو :ahmedrb